San Juan 13:27 - Xochapa Mixteco

²⁷ Ta tá ndi̱kiꞌin soꞌva ra Judas ikán xita vaꞌa xi̱xi ra, ta ndikun ndi̱kiꞌvi kiti nǎꞌa nima ra. Saa ndi̱kaꞌan Jesús xiꞌin ra, káchi ra saa: ―Chiñu ya xaa súvi un, ta vaꞌa kama xaa súvi un ya ―káchi Jesús xiꞌin ra.

San Juan 13:27 Referans Kwoze

San Lucas 22:3

Ta ndi̱kiꞌvi kiti nǎꞌa, kiti Satanás ini ra náni Judas ta náni tu ra Iscariote va, taꞌan iin nda uxi uvi ítaꞌan xiꞌin Jesús ku ra.

San Juan 13:2

Saa ku̱u ndi̱kunduꞌu Jesús kuxini ra xiꞌin nda ítaꞌan xiꞌin ra, ta xa sikaꞌán va kiti nǎꞌa ini ra Judas Iscariote seꞌe ra Simón, ya ná nditaxi ra Jesús ndaꞌa na sáa ini xíni ra.

Los Hechos 5:3

Ñaa ndi̱kaꞌan ra Pedro xiꞌin ra Ananías, káchi ra saa: ―Tata, ¿ndachu kua i̱kan un saa? Ta̱xi un ndi̱kiꞌvi kiti Satanás nima un ta ku̱ni un sindaꞌvi un Tachi I̱í Ndioxi. Ya yóꞌó ku ndiꞌi xuꞌun ki̱ꞌin un xaꞌa ñuꞌú un, káchi un, ta süvi ya ndaa kua chi ndi̱ndoo ka ya ndaꞌa un.

San Mateo 12:45

Saa kuaꞌan tachi nduvaꞌa ikán ndúku ka ya tachi nduvaꞌa, ñaa ndítaꞌan ya uxa nuu tachi nduvaꞌa, ya kini ni ka nuu mií ya, ñaa ndíko koo tuku ya xiꞌin uxa mií tachi nduvaꞌa ikán, saa kuandee ndiꞌi ya ini na íyo ya xiꞌin na. Ta na ikán ndee ni ka ndóꞌo na, chi tá núnu̱ú ta iindaa va tachi nduvaꞌa ku̱u mií na. Saa kundoꞌo ndóꞌo̱ ñuu ivi yóꞌó, tá tu köo xíin ndo kuni soꞌo ndo tuꞌun i ―káchi Jesús xiꞌin na.

San Marcos 6:25

Saa ndi̱ko koo yá, xínu yá ndi̱kiꞌvi yá nuu índuꞌu ra rey Herodes, ta ndi̱kaꞌan yá xiꞌin ra, káchi yá saa: ―Vaꞌa, taxi un xiní ra Juan, ra síkuchi naꞌa ndaꞌa i, ta chikaa un ya ini iin koꞌo taxi un ndaꞌa i ndikun tikaꞌan ―káchi yá xiꞌin ra.

San Mateo 4:10

Saa ndi̱kuiin Jesús, ndi̱kaꞌan ra xiꞌin ri, káchi ra saa: ―¡Kuataꞌa, keta kuáꞌan, kiti nǎꞌa! saa chi tuꞌun Ndioxi káchi ya saa: “Ndisaa Ndioxi xaa toꞌo naꞌa, ta ndisaa mií ra kandixa na”, káchi tuꞌun ra ―káchi Jesús xiꞌin kiti nǎꞌa.

San Juan 6:70

Saa ndi̱kuiin Jesús káꞌan ra, káchi ra saa: ―Yeꞌe ndi̱kaxin i uxi uvi saa ndo ya kundikun ndo yeꞌe, ta iin ndóꞌo̱ ku kiti nǎꞌa ―káchi ra xiꞌin nda.

San Juan 13:28

Ta nda iin nda ndóo nuu mesa ikán, köo ndi̱kundaa ini ndá xaꞌa kua ndi̱kaꞌan Jesús saa xiꞌin ra.