San Juan 13:22 - Xochapa Mixteco

²² Saa ndi̱koto nuu taꞌan ndiꞌi nda ítaꞌan xiꞌin ra, ta xíka ni ini nda, unku nda káꞌan ra xaꞌa.

San Juan 13:22 Referans Kwoze

San Lucas 22:23

Saa xa̱á nda ndákan tuꞌun taꞌan nda kúni nda kundaa ini nda unku nda ikan saa xiꞌin Jesús.

San Marcos 14:19

Tá ndi̱kaꞌan ra saa xiꞌin nda ta ku̱chiꞌña ni ini nda, saa xa̱á iin iin nda ndákan tuꞌun nda ra, káchi nda saa: ―Tata, ¿án yeꞌe ku i? ―káchi nda xiꞌin ra.

San Mateo 26:22

Saa ku̱chiꞌña ni ini nda, ñaa xa̱á iin iin nda ndákan tuꞌun ñaꞌa nda, káchi nda saa: ―Tata, ¿án süvi yeꞌe ku i ikan saa xiꞌin un? ―káchi nda xiꞌin ra.

San Mateo 26:21

Tá ndóo nda xíxini nda saa ndi̱kaꞌan ra xiꞌin nda, káchi ra saa: ―Ya ndaa káꞌan i xiꞌin ndo, chi iin ndóꞌo̱ ndóo yóꞌó ku ndo ndixiko vata yeꞌe nuu na sáa ini xíni yeꞌe.

San Marcos 14:18

Saa tá ndóo nda xíxi nda nuu mesa, ta saa ndi̱kaꞌan ra xiꞌin nda, káchi ra saa: ―Ya ndaa káꞌan i xiꞌin ndo, iin ndóꞌo̱ ndóo xíxi xiꞌin i nuu mesa yóꞌó ku ndo ndixiko vata yeꞌe nuu na sáa ini xiꞌin yeꞌe ―káchi ra.

San Lucas 22:21

Ta vitin ná kundaa ini ndo, iin ndóꞌo̱ índuꞌu xiꞌin i nuu mesa yóꞌó ku ndo nditaxi yeꞌe ndaꞌa na sáa ini xíni yeꞌe.

San Juan 13:18

’Süvi xaꞌa ndiꞌi ndo káꞌan i, chi yeꞌe ta xa xíni va i unku ndóꞌo̱ ndi̱kaxin i. Ta ndixa xíniñuꞌu xinu nuu tuꞌun Ndioxi ya ta̱a na xinaꞌa, káchi ya saa: “Iin taa, ra xíxi xita vaꞌa xiꞌin i ku ra ndi̱kiꞌvi kuachi xiꞌin i”, káchi tuꞌun Ndioxi.

San Juan 13:21

Tá ndi̱ꞌi ndi̱kaꞌan ra saa, ta xa̱á ra kúsuchi ni ini ra, ta saa ndi̱kaꞌan ra xiꞌin nda, káchi ra saa: ―Ya ndaa káꞌan i xiꞌin ndo: Iin ndóꞌo̱ ku ndo ndixiko vata yeꞌe nuu na sáa ini xíni yeꞌe ―káchi ra xiꞌin nda.