San Juan 13:17 - Xochapa Mixteco

¹⁷ Tá tu kúndaa ini ndo tuꞌun yóꞌó ta xáa súvi ndo ya, ta vaꞌa ni kée ndo tá tu íkan ndo saa.

San Juan 13:17 Referans Kwoze

San Lucas 11:28

Ta saa ndi̱kuiin ra káchi ra saa: ―Süvi saa íyo ya. Vaꞌa ni ka kée na xíni soꞌo tuꞌun Ndioxi ta xáa súvi na ya káꞌan ya ―káchi ra xiꞌin yá.

Santiago 4:17

Saa chi tá xíni ndo ya xíniñuꞌu ndo xaa súvi ndo chiñu vaꞌa, ta köo xáa súvi ndo ya, xaꞌa ya íkan ndo saa ta kuachi va kua nuu Ndioxi.

Santiago 1:25

Sundi naꞌa, na köo ndi̱ndoso ini xaꞌa tuꞌun Ndioxi ya xíni soꞌo na, ta xáa súvi na ya káꞌan ya, ta vaꞌa ni kée na, chi sáña ndíka na xaꞌa kuachi na.

El Apocalipsis 22:14

Vaꞌa ni kée na ndíkata toto na ya ndúyaa ni ya, chi na ikán ta kuu mií na ichí kaxi na kuiꞌi ndaꞌa itun táxi kutaku na xiꞌin Ndioxi ndiꞌi saa ichí. Saa kuchiñu na kiꞌvi na yeꞌe ñuu i̱í ikán.

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.

San Mateo 12:50

Saa chi ndiꞌi na íkan ya kúni Iva i Ndioxi, ra íyo nuu ndivi, ta na ikán ku ñani i xiꞌin kuꞌva i tin siꞌí i ―káchi Jesús.

San Juan 15:14

Ta ndóꞌo̱ ku ndo ítaꞌan vaꞌa ni xiꞌin i tá tu xáa súvi ndo ya káꞌan i xiꞌin ndo.

ROMANOS 2:13

Naꞌa na xáa súvi ley Ndioxi ku naꞌa na köo kuachi ku mií nuu ra. Ta na ndisaa xíni soꞌo ya ta köo xáa súvi na ya, na ikán ku na íyo kuachi nuu ra.