HEBREOS 9:16 - Xochapa Mixteco

¹⁶ Ta xíni yo, tá ndá naꞌa xíꞌi ta síkuaꞌa na tutu síndoo na xaꞌa ñaꞌa na, ta tutu ikán ta köo ndáa yaꞌvi ya kivi táku mií na si̱kuaꞌa ya, nda tá ndi̱xiꞌi vi na saa kua xáa ya ndáa yaꞌvi ya.

HEBREOS 9:16 Referans Kwoze

Santiago 2:10

Saa chi tá ndá naꞌa vaꞌa ni xáa súvi ndiꞌi ley Ndioxi, ta yáꞌa na nuu iin mituꞌun loꞌo ya káꞌan ya, tá íkan na saa ta kuakiꞌvi na kuachi xiꞌin ndiꞌi ni kúu ya káꞌan ya.

1 Corintios 15:22

Saa chi xaꞌa ya väꞌa i̱kan ra Adán kua xa̱á xíꞌi ndiꞌi naꞌa, na kúu seꞌe sikua ra, ta xaꞌa ya vaꞌa i̱kan Cristo kua ndi̱niꞌi ndiꞌi naꞌa, na kúu kuenta ra ya kutaku na xiꞌin ra.

ROMANOS 6:23

Saa chi naꞌa, na íkan kuachi ta yaꞌvi na ya cháꞌvi kuachi na nuu na kua ndiꞌi xaꞌa na, kuvi na nuu Ndioxi. Sundi yoo ta si̱niꞌi Ndioxi ya vaꞌa nuu yo ya kutaku yo xiꞌin ra ndiꞌi saa kivi, ta nda iin ichí ndïꞌi xaꞌa yo, xaꞌa ya xa iin ndu̱u yo xiꞌin Tata yo Cristo Jesús.

ROMANOS 5:12

Ta vaꞌa ná ndituꞌun i xiꞌin ndo vitin chi tá xi̱koo kuachi ñuu ivi yóꞌó ta xaꞌa ya köo ndíkandixa iin taa ra xi̱nani Adán Ndioxi kua xi̱koo ya. Ta xaꞌa kuachi ya i̱kan ra ikán ku nuu ndi̱kunduꞌu ndìì ya xáꞌni naꞌa. Ta xa xíni yo na íyo kuachi ku ndiꞌi ni kúu naꞌa, ta xaꞌa ya ikán kua xíniñuꞌu na kuvi na.

HEBREOS 9:15

Xaꞌa ya yóꞌó kua ndi̱xiꞌi Jesucristo xaꞌa yo, ta si̱kitaꞌan mani ra yoo ivi yóꞌó xiꞌin Ndioxi, nuu ki̱ndoo ra iin trato ya vaꞌa ni, ya xa̱á xiꞌin yo, ta ikán ku nuu ndo̱o kuachi yo ya i̱kan yo tixin trato ya yata ki̱ndoo Ndioxi xiꞌin yo tá núnu̱ú. Ta vitin kuchiñu niꞌi ndiꞌi yo ya vaꞌa ki̱ndoo Ndioxi taxi ra ndaꞌa yo ka̱na ra kundikun ñaꞌa.

HEBREOS 9:17

Sundi kivi táku na, vani xa ndi̱kuaꞌa tutu na íyo ya, ta köo ndáa yaꞌvi ya. Saa chi táku va na, yakan küvi nditaꞌvi ñaꞌa na, sundi tá ná kuvi na, saa kua kundaa yaꞌvi tutu ya si̱kuaꞌa na.

HEBREOS 1:3

Ta ya luvi ni yéꞌe̱ kúu mií Seꞌe Ndioxi kua yéꞌe̱ mií Ndioxi. Tá káa níi mií Ndioxi saa káa níi mií Jesucristo, saa ta̱xi Ndioxi ichí ndaꞌa ra ya ndíso chiñu ra xiꞌin ndiꞌi ñaꞌa ya íyo ñuu ivi yóꞌó. Ta xiꞌin tuꞌun ra ya ndee ni ndee kua xáa chiñu ndiꞌi ya nda vitin. Saa ndi̱kata ra kuachi yo xiꞌin ndee mií ra, ta sindiꞌi nda̱a ra nuu ndivi ndi̱kunduꞌu ra ñaꞌñu kuáꞌá Ndioxi nuu tai toꞌo, xáꞌnda chiñu ra xiꞌin ra.

HEBREOS 13:20

Ta mií Iva yo ku ra táxi koo vaꞌa ni ini yo, mií ra ku ra si̱taku Tata yo Jesucristo tañu na ndíi, ta mií ra ku ra ndáa ni ndóꞌo̱ tá kuꞌva íkan iin ra ndee ni vaꞌa ndáa levo sana ra, saa íkan ra xiꞌin ndo. Ta ki̱ndoo ra xiꞌin ndo ya ikan ra ya xa̱á xiꞌin ndo xaꞌa nií ra nduta ndi̱xita nuu cruzin. Ta nda iin ichí ndïsama ini ra xaꞌa ya ki̱ndoo ra xiꞌin ndo.