HEBREOS 9:10 - Xochapa Mixteco

¹⁰ Saa chi ndiꞌi ya táxi na ndaꞌa Ndioxi ta káꞌan ya xaꞌa ñaꞌa ya xíxi na xiꞌin nduta xíꞌi na, ta saa tu ndá kuꞌva ndikata na ikin kuñu na ya nduyaa na nuu Ndioxi. Ndiꞌi ya yóꞌó ta köo ndi̱kuchiñu ya ndisama ya nima na. Ta ya yóꞌó kua i̱kan na iin saa nda kivi tá ndisama Ndioxi ya yóꞌó, ta nda saa kua ndi̱niꞌi na inka ya vaꞌa ni ka nuu Ndioxi.

HEBREOS 9:10 Referans Kwoze

Colosenses 2:16

Xaꞌa ya ñaa kua káꞌan i xiꞌin ndo, küni soꞌo ndo ya káꞌan naꞌa xiꞌin ndo ndá ñaꞌa kua xíniñuꞌu ndo kuxi ndo án ndá nduta ku rá xíniñuꞌu ndo koꞌo ndo. Ta saa tu xaꞌa ya xáa kaꞌnu ndo ndá ka viko tin tá kúu ya ndíkunuu yoo xa̱á, án ya xíniñuꞌu ndo xaa súvi ndo ndiꞌi ya káꞌan xaꞌa kivi i̱í ya ndíkundee na judío.

Efesios 2:15

Ta xaꞌa ya ndi̱xiꞌi ra nuu cruzin kua si̱ndiꞌi xaꞌa ra ley ya si̱ndikoo ra Moisés. Ni uvi ñuu ndi̱xiyo yo xiꞌin taꞌan yo, ta nda saa ku nuu nda̱sa ra yoo ndu̱u yo iin ñuu xa̱á xiꞌin ra vitin. Ikán ku nuu si̱kitaꞌan mani ra yoo xiꞌin taꞌan yo.

HEBREOS 7:16

Ta ra ikán ku Tata yo Jesucristo, ta köo ndi̱nduu ra sutu tá kuꞌva káꞌan ley xaꞌa nda sutu, sundi ndu̱u ra sutu xaꞌa ya ndee ni ndee kúu mií ra ya kutaku ra ndiꞌi saa kivi, chi nda iin ichí ndïꞌi xaꞌa ra.

HEBREOS 10:22

Xaꞌa ya ikán kua ná kuyati yo nuu Ndioxi xiꞌin ndinuꞌu nima yo, ta saa ndinuꞌu ni ini yo ná kundaa ni ini yo kuni yo ra, saa chi xa ndi̱kata ra nima yo xaꞌa ndiꞌi ya väꞌa, ta saa ndi̱kata ra ikin kuñu yo xiꞌin tikuii nduta vaꞌa ni.

HEBREOS 9:1

Tá kivi ki̱ndoo Ndioxi xiꞌin na Israel ya núnu̱ú, ta ta̱xi ra ichí ndaꞌa na nuu xa̱ꞌnda chiñu ra nuu na ndá kuꞌva xaa kaꞌnu na ra ini veꞌe ñuꞌu manta ñuu ivi yóꞌó.

HEBREOS 6:5

Na ikán ta kúndaa ini na ya vaꞌa ni ku tuꞌun Ndioxi, saa kúndaa ini na ya ndee ni ndee kúu mií ra kaꞌnda chiñu ra kivi vaxi.

HEBREOS 2:5

Ndioxi, ta köo ndi̱taxi ra ichí ndaꞌa na tatun ra ya kaꞌnda chiñu na nuu ñuu ivi ya xa̱á, ya káꞌan yo xaꞌa vitin.

HEBREOS 13:9

Täxi ndo sindaꞌvi naꞌa ndóꞌo̱ xaꞌa inka tuꞌun ya köo íyo yuꞌu xiꞌin tuꞌun ya si̱naꞌa Tata yo Jesucristo ndóꞌo̱. Ya vaꞌa ni ka va kua ná ndundee ka nima ndo xiꞌin ya vaꞌa ndi̱niꞌi uun ndo nuu Iva yo Ndioxi. Sundi na ikán ta ndisaa xaꞌa ley yata káꞌan na, ndá ñaꞌa kua vaꞌa kuxi yo ta ndá ñaꞌa kua küvi kuxi yo, káchi na, ta ya sínaꞌa na ikán ta nda loꞌo köo chíndee taꞌan ya xiꞌin nda iin naꞌa.

HEBREOS 6:2

Ta saa si̱naꞌa tu na yo ya xíniñuꞌu yo kuchi yo, xiꞌin ya chinuu ndaꞌa yo xi̱ní naꞌa ya kaꞌan yo xaꞌa na xiꞌin Ndioxi, saa si̱naꞌa na yo xaꞌa ya ndítaku naꞌa, na xa ndi̱xiꞌi. Ta si̱naꞌa tu na yo xaꞌa kivi sindiꞌi ya taxi Ndioxi kuachi xaꞌa naꞌa, na köo ndi̱xiin kandixa ñaꞌa.

Efesios 1:10

Ta ya ndi̱xiyo sěꞌe ikán kua kuu tá ná tindaa kivi ya sikitaꞌan ndiꞌi Ndioxi ñaꞌa ya chi̱tuni ra xaa súvi ra, ta saa kua nditaxi ndiꞌi ra ndivi xiꞌin ñuu ivi yóꞌó ndaꞌa Cristo, ya kaꞌnda chiñu ra nuu ya.

Gálatas 4:9

Ta vitin xa xíni ndo Ndioxi ra ndaa. Án xa xíni vaꞌa mií ra ndóꞌo̱, ná kachi yo. Ta saa, ta ¿ndachu kúni ndo ndiko koo tuku ndo ndinaꞌa ndo taꞌan ya ndi̱naꞌa ndo yachi, ya ndínaꞌa na ñuu ivi yóꞌó, ta ni köo ndáa yaꞌvi ya íkan na? ¿Án kúni tuku ndo nduu ndo tá íin naꞌa, na xáa chiñu xiꞌin ya nduxa?

San Marcos 7:4

Ni tá ndíko koo na ndi̱xaꞌan na nuu yaꞌvi, ta köo xíxi yachi na, tá tu täꞌan ndoo ndaꞌa na. Ya yóꞌó kua íkan na xiꞌin kuaꞌa ni ka nuu ñaꞌa. Ndíkata na vaso ta ndíkata na kisi xiꞌin ndiꞌi ka ñaꞌa ya kàà xíniñuꞌu na, saa ndíkata na xito nuu xíndoo na kíxi na.

HEBREOS 7:12

Chi tá ndísama Ndioxi nda sutu, ta saa xíniñuꞌu tu ra ndisama ra ley mií va ra.