HEBREOS 7:15 - Xochapa Mixteco

¹⁵ Ta ya ndaa ndixa kua ndi̱sama Ndioxi nda sutu, saa chi ti̱ꞌvi ra inka nuu sutu taꞌan ra Melquisedec.

HEBREOS 7:15 Referans Kwoze

HEBREOS 7:11

Ta ley Ndioxi ya ta̱xi ra ndaꞌa ra Moisés kua káꞌan ndá kuꞌva xaa chiñu nda sutu nda ndi̱xiyo seꞌe sikua ra Leví. Sundi köo ndi̱kuchiñu nda sutu ikán ndasa vaꞌa nda naꞌa nuu Ndioxi. Xaꞌa ya ikán kua xi̱niñuꞌu ni ki̱xi inka sutu, ta süvi ka taꞌan nda sutu seꞌe sikua ra Leví án ra Aarón ku ra xíniñuꞌu ni ki̱xi, ra xíniñuꞌu ni kixi ku taꞌan sutu ra Melquisedec.

HEBREOS 7:3

Ta tuꞌun Ndioxi köo káꞌan ya xaꞌa iva ra Melquisedec, ni xaꞌa siꞌí ra, ni xaꞌa na veꞌe ra köo káꞌan ya, ni kivi ka̱ku ra, ni kivi ndi̱xiꞌi ra köo xíni yo xaꞌa. Ta xaꞌa ya yóꞌó kua kúndaa ini yo ya kúu ra sutu tá kuꞌva íyo Seꞌe Ndioxi, chi Seꞌe Ndioxi ta ndiꞌi saa ichí, ndiꞌi saa kivi kúu ra sutu.

San Mateo 13:21

Sundi täꞌan tiin vaꞌa ya nima na, ni täꞌan kundaa vaꞌa ini na xiꞌin ya, ta ñaa vaxi tindoꞌo nuu na, án sítixuꞌvi ñaꞌa naꞌa xaꞌa ya kándixa na Jesucristo, ñaa ndikun síndikoo na tuꞌun Ndioxi.

HEBREOS 5:6

Ta inka tuku ñaꞌñu nuu tuꞌun Ndioxi, káchi ra saa: Yóꞌo̱ ku sutu, ta ndiꞌi saa ichí koo un sutu, nda iin ichí ndïꞌi xaꞌa chiñu un. Tá kuꞌva ndi̱xiyo ra sutu Melquisedec saa koo un, káchi Ndioxi xiꞌin ra.

HEBREOS 7:14

Ta yoo xíni yo ya ki̱xi Jesucristo ti̱xin veꞌe ra Judá, ta köo ndi̱kaꞌan ra Moisés xaꞌa nda iin na veꞌe ra Judá ya koo na sutu.

HEBREOS 7:16

Ta ra ikán ku Tata yo Jesucristo, ta köo ndi̱nduu ra sutu tá kuꞌva káꞌan ley xaꞌa nda sutu, sundi ndu̱u ra sutu xaꞌa ya ndee ni ndee kúu mií ra ya kutaku ra ndiꞌi saa kivi, chi nda iin ichí ndïꞌi xaꞌa ra.