HEBREOS 6:6 - Xochapa Mixteco

⁶ Xaꞌa ya íkan kua küvi ka ndiko koo tuku ini na, chi tá ná ikan tuku na saa, ta tá íin na xáꞌni tuku Seꞌe Ndioxi nuu cruzin va saa íin na, chi kúsiki ndaa na ra nuu ndiꞌi naꞌa.

HEBREOS 6:6 Referans Kwoze

2 Pedro 2:21

Vaꞌa ni ka va kua tá tu nda iin ichí köo ndi̱kundaa ini na xaꞌa ichí ya ndaa, ndíkuu. Süvi ka vi ya ku̱ndaa ini na xaꞌa ichí ya ndaa, ya i̱í ta̱xi Ndioxi ndaꞌa na, ta ku̱xika na nuu ya.

HEBREOS 10:29

Ta ndisaa ka vi ndee ni ndee kundoꞌo naꞌa, na kóso kava Tata yo Jesucristo, ra kúu Seꞌe Ndioxi, chi köo kíꞌin na kuenta xaꞌa nií ra, nda tá káa rá väꞌa saa káa ra nuu na, saa íkan naꞌa, na kúndasi nuu xíni Tachi I̱í Ndioxi, ra kúꞌvi ni ini xíni ñaꞌa, chi suvi xiꞌin nií Tata yo Jesucristo kua ki̱ndoo ra trato ya ikan ra ya vaꞌa xiꞌin yo.

HEBREOS 6:4

Sundi naꞌa, na xa ndi̱yeꞌe tuꞌun Ndioxi nima tá yachi ta si̱ndoo na ya, na ikán ta küchiñu ka ndiko koo tuku ini na chi xa ku̱ndaa vaꞌa ini xaꞌa ya ndaa ya síndiyeꞌe nima na, ta saa ndi̱niꞌi na ya vaꞌa nuu Ndioxi, ndi̱kiꞌin na Tachi I̱í ra ndi̱xiyo ya xiꞌin na.

1 Juan 5:16

Tá ndá ndóꞌo̱ xíto ndo íkan na taꞌan yo na ndíkun Jesús ya väꞌa, ta saa ná kaꞌan ndo xaꞌa na xiꞌin Ndioxi, ta xaa kaꞌnu ini ra xaꞌa na. Tá tu süvi kuachi ya káꞌan kuvi na nuu Ndioxi kua, ta taxi ra kutaku na. Saa chi íyo kuachi ya väꞌa ya káꞌan ndiꞌi xaꞌa na nuu ra. Tá tu taꞌan kuachi ñaa kua i̱kan na ta käꞌan ndo xaꞌa na. Sundi tá tu inka kuachi kua, ta kaꞌan ndo xaꞌa na xiꞌin Ndioxi ta kutaku na xiꞌin ra.

2 Timoteo 2:25

Ta vaꞌa vií ndikani un nuu naꞌa, na köo xíin kandixa tuꞌun Ndioxi, án sana niꞌi na ya vaꞌa nuu Ndioxi ta ndisama nima na, ya ná kundaa ini na xaꞌa ya ndaa.

HEBREOS 12:2

Ta iindaa mituꞌun xaꞌa Tata yo Jesucristo kua ná kundiꞌi ni ini yo, saa chi mií ra ku ra sínaꞌa yoo ndá kuꞌva kua kundaa ni ini yo kuni yo Ndioxi, saa tu iindaa mituꞌun mií ra ku ra chíndee yoo, ndása vaꞌa ra kuꞌva ndáa ni ini yo xíni yo Ndioxi. Ta saa ndi̱xaꞌa ndee ndiꞌi ini ra ndoꞌo ni ra nuu cruzin, ta köo ndi̱kiꞌin ra kuenta xaꞌa ya kúkaꞌan nuu ra, chi kúndaa ini ra tá si̱ndiꞌi ndo̱ꞌo ra saa ta kusini ni ra. Ta vitin ndi̱kunduꞌu ra ñaꞌñu kuáꞌá Ndioxi xáꞌnda chiñu ra xiꞌin Ndioxi.

San Mateo 19:26

Saa ndi̱koto Jesús nuu nda, ta ndi̱kaꞌan ra xiꞌin nda, káchi ra saa: ―Ñaꞌa ya uꞌvi ni nuu na ñuu ivi yóꞌó, ta nda loꞌo köo uꞌvi ya nuu Ndioxi ―káchi Jesús.

San Lucas 11:48

Xiꞌin ya íkan ndo ñaa sínaꞌa ndo mií ndo iin yuꞌu ku ndo xiꞌin xii sikua ndo, chi na ikán ku na xa̱ꞌni nda ndi̱kaꞌan ndoso tuꞌun yuꞌu Ndioxi xinaꞌa, ta vitin ndása vaꞌa ndo nuu ndi̱nduxin nda.

HEBREOS 4:14

Jesús, ra kúu Seꞌe Ndioxi ku iin sutu ra ndee ni chee, ra ndee ni kaꞌnu nuu yo. Ta ra ikán ku ra nda̱a nuu ndivi, yakan tuun ni ná kandixa yo ra, ta ná xïkuiin yo ya ndáa ini yo ra.

HEBREOS 10:26

Saa chi tá tu xa kúndaa teꞌe ini yo xaꞌa ya ndaa, ta íkan ka yo ya väꞌa, ta ndaꞌvi ni va mií yo, saa chi köo ka inka ñaꞌa soko Jesucristo ya xaa kaꞌnu ini Ndioxi xaꞌa kuachi yo.