HEBREOS 6:4 - Xochapa Mixteco

⁴ Sundi naꞌa, na xa ndi̱yeꞌe tuꞌun Ndioxi nima tá yachi ta si̱ndoo na ya, na ikán ta küchiñu ka ndiko koo tuku ini na chi xa ku̱ndaa vaꞌa ini xaꞌa ya ndaa ya síndiyeꞌe nima na, ta saa ndi̱niꞌi na ya vaꞌa nuu Ndioxi, ndi̱kiꞌin na Tachi I̱í ra ndi̱xiyo ya xiꞌin na.

HEBREOS 6:4 Referans Kwoze

San Mateo 5:13

Saa káꞌan tuku Jesús xiꞌin nda ítaꞌan xiꞌin ra, káchi ra saa: ―Tá káa iín ya uꞌva táan yo xiꞌin ñaꞌa xíxi yo, saa íin ndóꞌo̱ nuu na ñuu ivi yóꞌó. Iín ya köo uꞌva, ta köo xáa uꞌva ka ya ñaꞌa, ni väꞌa ka ya, yakan kuaꞌan naꞌa xáta na ya yuꞌu ichí nuu yáꞌa naꞌa, ta xáñu ndoso na ya.

San Juan 15:6

Tá ndá na köo ítaꞌan tuun xiꞌin i, ta kundoꞌo na tá kuꞌva ndóꞌo teꞌe ndaꞌa nu íchi ya, ta saa ndíkuiso na ya xáta na nuu xíxi ñu̱ꞌu̱, ta ndee ni xíxi ya.

Efesios 2:8

Xaꞌa ya vaꞌa ni Ndioxi xiꞌin ndo kua ta̱xi ra ndi̱kaku ndo. Ta köo ndi̱kuchiñu ndo sikaku ndo mií ndo, xaꞌa ya vaꞌa ni ra xiꞌin ndo kua si̱niꞌi ra ya vaꞌa nuu ndo, si̱kaku ra ndóꞌo̱ chi ndáa ni ini ndo xíni ñaꞌa ndo.

San Juan 3:27

Ta saa ndi̱kuiin ra Juan káchi ra saa: ―Nda iin ñaꞌa küvi ikan naꞌa tá tu süvi Ndioxi ku ra táxi ndee ndaꞌa na.

HEBREOS 10:32

Ta saa ndóꞌo̱, ndikaꞌán ni ini ndo ndá kuꞌva ndo̱ꞌo ndo yachi, tá sikan ndi̱yeꞌe nima ndo xiꞌin tuꞌun vaꞌa xaꞌa Tata yo Jesucristo, ta ndee ni tindoꞌo ki̱xi nuu ndo, ta ndi̱xaꞌa ndee ndiꞌi ini ndo xiꞌin ya ndinuꞌu ni ini ndo xi̱ndikun ndo sata ra.

San Mateo 12:45

Saa kuaꞌan tachi nduvaꞌa ikán ndúku ka ya tachi nduvaꞌa, ñaa ndítaꞌan ya uxa nuu tachi nduvaꞌa, ya kini ni ka nuu mií ya, ñaa ndíko koo tuku ya xiꞌin uxa mií tachi nduvaꞌa ikán, saa kuandee ndiꞌi ya ini na íyo ya xiꞌin na. Ta na ikán ndee ni ka ndóꞌo na, chi tá núnu̱ú ta iindaa va tachi nduvaꞌa ku̱u mií na. Saa kundoꞌo ndóꞌo̱ ñuu ivi yóꞌó, tá tu köo xíin ndo kuni soꞌo ndo tuꞌun i ―káchi Jesús xiꞌin na.

Gálatas 3:2

Ta vitin kúni i ndakan tuꞌun i ndóꞌo̱, ta vaꞌa ndikuiin ndo yuꞌu i xaꞌa ya kaꞌan i xiꞌin ndo: Tá ndi̱kiꞌin ndo Tachi I̱í Ndioxi ta ¿án xaꞌa ya xáa súvi ndo ley Ndioxi kua ndi̱kiꞌin ndo ya, túvi ndo? Süvi saa íyo ya, xaꞌa ya xi̱ni soꞌo ndo tuꞌun vaꞌa xaꞌa Jesucristo va kua ndi̱kiꞌin ndo Tachi I̱í ra.

2 Timoteo 2:25

Ta vaꞌa vií ndikani un nuu naꞌa, na köo xíin kandixa tuꞌun Ndioxi, án sana niꞌi na ya vaꞌa nuu Ndioxi ta ndisama nima na, ya ná kundaa ini na xaꞌa ya ndaa.

1 Juan 5:16

Tá ndá ndóꞌo̱ xíto ndo íkan na taꞌan yo na ndíkun Jesús ya väꞌa, ta saa ná kaꞌan ndo xaꞌa na xiꞌin Ndioxi, ta xaa kaꞌnu ini ra xaꞌa na. Tá tu süvi kuachi ya káꞌan kuvi na nuu Ndioxi kua, ta taxi ra kutaku na. Saa chi íyo kuachi ya väꞌa ya káꞌan ndiꞌi xaꞌa na nuu ra. Tá tu taꞌan kuachi ñaa kua i̱kan na ta käꞌan ndo xaꞌa na. Sundi tá tu inka kuachi kua, ta kaꞌan ndo xaꞌa na xiꞌin Ndioxi ta kutaku na xiꞌin ra.

HEBREOS 2:4

Ta si̱naꞌa teꞌe Ndioxi yoo, ya ndaa ku tuꞌun ra, chi kuaꞌa ni nuu seña ya täꞌan kuni yo si̱naꞌa ra nuu yo, xiꞌin ndee vaꞌa ni xiꞌin yatuꞌun si̱naꞌa ra nuu yo, ta tixin Tachi I̱í ra kua ta̱xi ndiꞌi ra ya yóꞌó ndaꞌa yo tá kuꞌva chi̱tuni mií ra, saa i̱kan ra xiꞌin yo.

1 Timoteo 4:14

Ta kuenta ni koo un, ndïndoso ini un xaꞌa ndee vaꞌa ni ta̱xi Ndioxi ndaꞌa un, tá kivi síndikaꞌán mií Tachi ra ini nda ñani yo, nda xikuaꞌa veꞌe ñuꞌu nuu chi̱nuu ndaꞌa nda xi̱ní un.

Los Hechos 11:17

Tá i̱kan Ndioxi xiꞌin yoo, saa i̱kan tu ra xiꞌin na ikán va. Ta̱xi ra Tachi ra ndaꞌa na kándixa Tata yo Jesucristo. ¿Ta unku vi yeꞌe ya ndikasi i nuu Ndioxi täxi ra Tachi ra ndaꞌa na? ―káchi ra Pedro xiꞌin na.

Efesios 4:7

Xaꞌa ya vaꞌa ni Tata yo Jesucristo kua si̱niꞌi ra ndee vaꞌa ni nuu iin iin yo.

Efesios 3:7

Ta yeꞌe, xaꞌa ya vaꞌa ni Ndioxi xiꞌin i, kúꞌvi ni ini ra xíni ra yeꞌe yakan i̱kan ra saa xiꞌin i, si̱niꞌi uun ra chiñu yóꞌó nuu i ya kaꞌan ndoso i tuꞌun vaꞌa xaꞌa ra xiꞌin naꞌa, ndá kuꞌva kua kaku na.

Los Hechos 10:45

Ñaa iin ndi̱kanda ini nda judío, nda kándixa ni ya xíniñuꞌu ndikunuu tuni Ndioxi naꞌa, xíto nda ya xa̱a tu Tachi I̱í Ndioxi sata na köo kúu judío va.

Los Hechos 8:20

Saa ndi̱kuiin ra Pedro káꞌan ra xiꞌin ra: ―Vaꞌa ná sindiꞌi xaꞌa Ndioxi yóꞌo̱ xiꞌin xuꞌun un, chi ndíkani ini un sata un Tachi I̱í Ndioxi.

San Juan 6:32

Ta saa ndi̱kuiin Jesús ndi̱kaꞌan ra xiꞌin na, káchi ra saa: ―Ya ndaa káꞌan i xiꞌin ndo, süvi ra Moisés ku ra ndi̱taxi xita vaꞌa ya ke̱e nuu ndivi xi̱xi na, Iva i Ndioxi va ku ra ta̱xi ya xi̱xi na. Ta vitin táxi Iva i Ndioxi xita vaꞌa, ya ndaa vaꞌa ni, ya ki̱xi nuu ndivi ni̱nù.

Gálatas 3:5

Ta ¿án xaꞌa ya xáa súvi ndo ley Ndioxi kua ta̱xi ra Tachi I̱í ra ndaꞌa ndo, túvi ndo? Saa tu ya íkan Ndioxi yatuꞌun xiꞌin va ndo ta ¿án xaꞌa ya xáa súvi ndo ley Ndioxi kua, túvi ndo? Süvi saa íyo ya. Xaꞌa ya xi̱ni soꞌo ndo tuꞌun vaꞌa xaꞌa Tata yo Jesucristo, ta ka̱ndixa ndo ya sikaku ra ndóꞌo̱. Xaꞌa ya ikán kua ta̱xi ra Tachi I̱í ra ndaꞌa ndo, saa tu ya íkan ra yatuꞌun xiꞌin va ndo.

Los Hechos 15:8

Ta Ndioxi ku ra xíni ndiꞌi ya íyo nima ivi, ta iin káchi ta̱xi ra Tachi I̱í ra ndaꞌa yo na kúu judío xiꞌin na köo kúu judío. Tá kuꞌva i̱kan ra xiꞌin yoo saa i̱kan tu ra xiꞌin na ikán va.

San Juan 4:10

Saa ndi̱kuiin Jesús káꞌan ra: ―Tá tu xíni un unku ya vaꞌa kúni Ndioxi taxi ra ndaꞌa un ta kundaa ini un unku yeꞌe, ndíkuu. Ta saa nduku un tikuii nuu i, ta taxi i rá ndaꞌa un, ta tikuii rá taxi i ndaꞌa un kúu mií rá ndee taxi rá kutaku na ivi ―káchi ra xiꞌin yá.

2 Timoteo 4:14

Ta ra Alejandro, ra xáa chiñu xiꞌin kàà, ta yáꞌa ni kini i̱kan ra xiꞌin i. Ta mií Iva yo ná chaꞌvi ra xaꞌa ya i̱kan ra saa xiꞌin i.

ROMANOS 1:11

Saa chi yeꞌe ta kúni i xaa i koto i ndóꞌo̱ ya ndituꞌun i xiꞌin ndo xaꞌa ya ndikiꞌin ndo ndee vaꞌa ya vaxi nuu Ndioxi, ya taxi ka ya ndee ndaꞌa ndo kandixa ni ka ndo Jesucristo.

2 Corintios 4:4

Saa ndóꞌo na chi kiti nǎꞌa kúu ndioxi ñuu ivi yóꞌó ku ri ndi̱kasi ya xínituni na ya ná kändixa na tuꞌun vaꞌa xaꞌa Jesucristo ya káꞌan nde xiꞌin na, ta na ikán, tá íin na kuáa̱ saa íin na. Chi köo táxi ri kuni na ya yéꞌe̱ luvi ni kúu mií tuꞌun vaꞌa xaꞌa Jesucristo. Chi mií Jesucristo, tá káa níí mií Ndioxi saa káa ra.

2 Corintios 4:6

Saa chi suvi mií Ndioxi ku ra xa̱ꞌnda chiñu ya ndi̱yeꞌe ñu̱ꞌu̱ yéꞌe̱ nuu naá. Ta suvi mií ra ku ra si̱ndiyeꞌe ya nima yo ya ku̱chiñu yo ndi̱xuna ya xínituni yo, saa kua kuni yo ya luvi ni ndi̱yeꞌe ya kúu mií Ndioxi, ya ndi̱yeꞌe ya nuu Jesucristo.

Efesios 1:18

saa ná ndikuná ra ya xínituni ndo ya kuchiñu ndo kundaa ini ndo xaꞌa ñaꞌa ya vaꞌa luvi ni, ya xa xa̱a vií ra taxi ra ndaꞌa naꞌa, na ka̱na ra kundikun ñaꞌa. Ta saa kua vaꞌa niꞌi ni ndo ya vaꞌa, ya ki̱ndoo ra taxi ra ndaꞌa ndóꞌo̱, na ñuu ra, na i̱í.