HEBREOS 6:12 - Xochapa Mixteco

¹² Chi köo kúni nde nduu ndo na xuxan, sundi kúni nde ná ikan ndo tá i̱kan naꞌa, na ndee ni xi̱ndaa ini xi̱ni Ndioxi, ta ndixaꞌa ndee ni ini na xi̱ndatun na niꞌi na ya ki̱ndoo Ndioxi xiꞌin na taxi ra ndaꞌa na.

HEBREOS 6:12 Referans Kwoze

HEBREOS 13:7

Kuñuꞌu ini ndo xaꞌa naꞌa, na xi̱ndiso chiñu xiꞌin ndo, na ndi̱kaꞌan ndoso tuꞌun Ndioxi xiꞌin ndo. Koto ndo ndá kuꞌva vaꞌa ni i̱kan na tá kivi xi̱taku na ñuu ivi yóꞌó, ta ndá kuꞌva vaꞌa ni xi̱ndaa ini na xi̱ni na Ndioxi. Ta kuꞌva saa ikán ndóꞌo̱, tá i̱kan na ikán, saa ikan ndo.

HEBREOS 10:36

Ta xaꞌa ndee ni ini ndo tá ñúꞌu ndo nuu tindoꞌo, saa chi saa kua xáa súvi ndo ya kúni Ndioxi, ta saa niꞌi ndo ya ki̱ndoo ra taxi ra ndaꞌa ndo.

1 Juan 2:25

Saa chi Tata yo Jesucristo ki̱ndoo ra taxi ra ya ndi̱kaꞌan ra taxi ra ndaꞌa yo, ta ya ikán kua yóꞌó: taxi ra koo yo xiꞌin ra ndiꞌi saa tiempo.

ROMANOS 12:11

Ñani yo xiꞌin kuꞌva yo, küxuxan ndo xaa chiñu ndo, ndinuꞌu ni ini ndo ikan ndo chiñu ya xíniñuꞌu ndo ikan ndo nuu Tata yo Jesús.

HEBREOS 5:11

Íyo kuaꞌa ni ka ya ndituꞌun nde xaꞌa ya yóꞌó xiꞌin ndo, ta ndíchi ni ya ndikani nde ya nuu ndo tá kuꞌva íyo ya, saa chi ndóꞌo̱ ta kuee ni saa kúndaa ini ndo xiꞌin ya.

2 Pedro 1:10

Yakan ndóꞌo̱, ta xíniñuꞌu ndo tuun ni kundikun ndo ichí Tata yo Jesucristo nuu ndínaꞌa ndo mií ndo, ya ka̱na ra ndóꞌo̱ saa ndi̱kaxin ra ndóꞌo̱ ya kundikun ndo ra. Tá ná ikan ndo saa ta nda iin kivi köyo ndo nuu kuachi ya ikan ndo ya väꞌa.

Santiago 1:3

Saa chi ndóꞌo̱ ta xa kúndaa vaꞌa ini ndo tá kivi ndee ni vaxi tindoꞌo nuu ndo xíto ndoso ya ndóꞌo̱ xaꞌa ya ndáa ni ini ndo xíni ndo Tata yo Jesucristo, ta ya ñaa kua chíndee ndóꞌo̱ ndúndee ka ini ndo xiꞌin tuꞌun ra.

HEBREOS 12:1

Ta xa xíni yo yáꞌa ni kuaꞌa ku naꞌa, na xi̱ndaa ni ini xi̱ni Ndioxi. Ta saa ná ikan yoo tá kuꞌva i̱kan na ikán. Ta ná xaꞌa ni ka yo ndee xiꞌin mií yo, ndinuꞌu ni ini yo ná kaka yo ichí Iva yo Ndioxi, ta saa ná sindoo ndiꞌi yo ya sási nuu yo, xiꞌin ya väꞌa ya síkoyo yoo nuu kuachi.

HEBREOS 1:14

Ta na tatun Ndioxi ta xa síin va ku na, chi na ikán ta tachi va ku na xíka na chiñu nuu ra, tíꞌvi ra na kuaꞌan na chindee na naꞌa, na sikaku ra.

ROMANOS 4:12

Ta saa tu mií yo judío, yo íyo tuni Ndioxi, seꞌe ñani sikua ra Abraham ku tu mií va yo, tá tu kándixa yo Ndioxi tá kuꞌva ka̱ndixa ñaꞌa ra. Ta kuꞌva saa ná kandixa yo Ndioxi tá kuꞌva ka̱ndixa mií ra yachi tá täꞌan ka kuu mií ra tuni Ndioxi.

ROMANOS 2:7

Ndiꞌi naꞌa, na i̱kan ya vaꞌa, ta saa ikan Ndioxi xiꞌin na. Na ikán ku naꞌa, na köo ndi̱xikuiin ikan ya vaꞌa. Saa chi ku̱ni na xaa kaꞌnu na ra, saa taxi na ya toꞌo chee ni ndaꞌa ra. Ta na ikán ku na niꞌi ichí koo na xiꞌin ra ndiꞌi saa kivi.

El Apocalipsis 13:10

Tá íyo naꞌa chi̱tuni Ndioxi ya kundasi na veꞌe kàà, ta xíniñuꞌu na kundasi na veꞌe kàà. Tá íyo naꞌa, na xáꞌni ndìì xiꞌin i̱chi xiín, ta suvi kuꞌva saa xíniñuꞌu na kuvi na xiꞌin i̱chi̱. Tuꞌun yóꞌó kúni kachi ya ndiꞌi naꞌa, na ndíkun Ndioxi, ta xíniñuꞌu na sikuaꞌa na kundee ini na xiꞌin tindoꞌo ya uꞌvi ni tixuꞌvi na, ta ná sïndikoo na ya kándixa na Ndioxi.

HEBREOS 11:33

Xaꞌa ya xi̱ndaa ni ini na ikán Ndioxi yakan kua vaꞌa ku̱chiñu na nuu inka na ñuu, tá ndi̱xaꞌan na nuu kuachi ka̱ni taꞌan na. Ta sava ka na vaꞌa ni xaa nani na kuachi xiꞌin inka naꞌa. Ta sava na ikán ndi̱kiꞌin na ya ki̱ndoo Ndioxi taxi ra ndaꞌa na. Ta sava na ku̱chiñu na ndi̱kasi na yuꞌu kiti lión, köo ndi̱kuchiñu ri tiin ri na.

HEBREOS 6:15

Ta xaꞌa ya ndi̱xaꞌa ndee ni ini ra Abraham xi̱ndatun ra ya ki̱ndoo Ndioxi xiꞌin ra taxi ra ndaꞌa ra, xaꞌa ya ikán kua ndi̱niꞌi ra ya ndi̱kaꞌan Ndioxi taxi ra ndaꞌa ra.

2 Tesalonicenses 1:4

Ta ndeꞌe, ta ndee ni kúsini nde xiꞌin ndo, saa ndítuꞌun nde xiꞌin na ñani yo, na veꞌe ñuꞌu nuu kuaꞌan nde, káꞌan nde xaꞌa ndo xiꞌin na ya ndee ni ñúꞌu ndo nuu tindoꞌo, tíxuꞌvi ni ndo. Vani saa ndóꞌo̱ ndo ta ndee ni ndáa ini ndo xíni ndo Tata yo Jesucristo, xáꞌa ni ndo ndee kuaꞌan ndo ichí ra.

San Lucas 8:15

Ta siꞌva ri ndi̱koyo nuu ñuꞌú vaꞌa ku na kúu mií nima vaꞌa, ndâku ni ini na chívaꞌa na tuꞌun xíni soꞌo na nima na, ta köo ndíko koo ini na ya kuaꞌan na ichí ra, tá íin kuiꞌi vaꞌa ni kána, saa íin na ikán ―káchi Jesús xiꞌin nda ítaꞌan xiꞌin ra.

San Mateo 22:32

“Yeꞌe ku Ndioxi ra káñuꞌu ra Abraham, xiꞌin ra Isaac tin ra Jacob”, káchi Ndioxi. Ta xiꞌin tuꞌun yóꞌó kua kúndaa ini yo ya nditaku va nda xii yo yóꞌó, saa chi tá ná ndïtaku nda ta küvi xaa kaꞌnu nda Ndioxi ―káchi Jesús xiꞌin nda saduceo ikán.

1 Tesalonicenses 1:3

Ta táxi ni nde tixaꞌvi ndaꞌa Iva yo Ndioxi xaꞌa kuꞌva ya kándixa ni ndo ra, saa kúꞌvi ni ini ndo xíni ndo ra, ta ya ñaa kua xáꞌa ni ndee xiꞌin ndo ya ndee ni vaꞌa xáa chiñu ndo nuu ra, chi kúndaa teꞌe ini ndo ya xaa súvi ra ya ndi̱kaꞌan ra xiꞌin ndo, ta ya ñaa kua chíndee ni ndóꞌo̱ ndee ni tuun ndíkun ndo Tata yo Jesucristo.

San Lucas 16:22

Saa ku̱u ta ti̱ndaa kivi ndi̱xiꞌi ra ndaꞌvi. Ta ndi̱kiꞌin na tatun Ndioxi ra kuaꞌan ra xiꞌin na nuu ndivi, nuu íyo ra Abraham. Ta sindiꞌi ndi̱xiꞌi tu ra kuika va. Saa ndi̱xaꞌan na si̱nduxin na ra.

San Mateo 25:26

Saa ndi̱kuiin xitoꞌo ra, káchi ra saa: “¡Süvi moso vaꞌa ku yóꞌo̱, moso xúxan va ku un! Tá xa xíni un ya ndíkaya i ñaꞌa nuu köo chíꞌi i, ta ndíkuiso i ya vaꞌa nuu köo xáa chiñu i,