HEBREOS 6:10 - Xochapa Mixteco

¹⁰ Saa chi Ndioxi, ta vaꞌa ni ra, ndaa ni ini ra yakan ndïndoso ini ra xaꞌa chiñu ya íkan ndo, saa ndikaꞌán ini ra xaꞌa ndiꞌi ka ñaꞌa ya i̱kan ndo. Chi sínaꞌa ndo mií ndo ya kúꞌvi ni ini ndo xíni ndo ra, xaꞌa ya chíndee ndo naꞌa, na kándixa ñaꞌa. Ta nda vitin ta chíndee ka ndo na.

HEBREOS 6:10 Referans Kwoze

San Mateo 10:42

Saa ndiꞌi na táxi án nda iin vaso loꞌo tikuii vixin koꞌo na vali yóꞌó, ta niꞌi na ya vaꞌa nuu Ndioxi, xaꞌa ya íkan na saa xiꞌin na ndíkun yeꞌe ―káchi Jesús.

HEBREOS 13:16

Ta ndïndoso ini ndo ya ikan ndo ya vaꞌa xiꞌin taꞌan ndo. Saa chindee ndo na taꞌan ndo xiꞌin ya kúu mií ndo, saa chi tá íkan ndo saa ta tá íin ya sóko ndo nuu Ndioxi saa íin ya íkan ndo, ta kúvaꞌa ni ini Ndioxi xiꞌin ya íkan ndo.

Gálatas 6:10

Ndiꞌi saa ichí ya kúchiñu yo chindee taꞌan yo xiꞌin naꞌa, ta vaꞌa ná ikan yo ya vaꞌa xiꞌin ndiꞌi na. Ta ndisaa ka vi na taꞌan yo, na ndáa ni ini xíni Jesucristo, ná chindee taꞌan ni yo xiꞌin na.

Los Hechos 10:4

Saa ndi̱koto ra nuu tatun ikán, íꞌvi ka vi ra. Saa ndi̱kaꞌan ra, káchi ra saa: ―¿Unkua kúni un, Tata? ―káchi ra. Saa ndi̱kuiin tatun ikán káꞌan ya xiꞌin ra: ―Xi̱ni soꞌo ndiꞌi Ndioxi ya ndi̱kaꞌan un xiꞌin ra ta xi̱ni tu ra ya vaꞌa íkan un xiꞌin na ndaꞌvi va.

1 Tesalonicenses 1:3

Ta táxi ni nde tixaꞌvi ndaꞌa Iva yo Ndioxi xaꞌa kuꞌva ya kándixa ni ndo ra, saa kúꞌvi ni ini ndo xíni ndo ra, ta ya ñaa kua xáꞌa ni ndee xiꞌin ndo ya ndee ni vaꞌa xáa chiñu ndo nuu ra, chi kúndaa teꞌe ini ndo ya xaa súvi ra ya ndi̱kaꞌan ra xiꞌin ndo, ta ya ñaa kua chíndee ni ndóꞌo̱ ndee ni tuun ndíkun ndo Tata yo Jesucristo.

Colosenses 3:17

Ta ndiꞌi ñaꞌa íkan ndo án ya káꞌan ndo, ta vaꞌa ikan ndo ndiꞌi ya xaꞌa ya chinuu vaꞌa ndo tuꞌun mií Tata yo Jesús, saa taxi ni ndo tixaꞌvi ndaꞌa Iva yo Ndioxi.

1 Timoteo 6:18

Vaꞌa kaꞌan un xiꞌin nda ñani yo, nda ndúkuika ni, ya xíniñuꞌu nda ikan ni nda ya vaꞌa. Ta ná küxiꞌnda nda, ná kusini ni nda nditaꞌvi nda ñaꞌa nda xiꞌin inka naꞌa.

San Marcos 9:41

Ndá ka naꞌa ná siniꞌi iin vaso loꞌo tikuii nuu ndo tixin kivi i xaꞌa ya ndíkun ndo yeꞌe ra kúu Cristo, ta niꞌi na ya vaꞌa nuu Ndioxi xaꞌa ya íkan na saa xiꞌin ndo ―káchi ra xiꞌin nda.

ROMANOS 12:13

Saa koo ndúvi ndo ya chindee ndo na ndaꞌvi veꞌe ñuꞌu, na ñuu Ndioxi. Ta ndikuiso vaꞌa ndo naꞌa, na xáa veꞌe ndo, án ñuu yati vaxi na, án ñuu xika vaxi na, ta ndikuiso ndo na. Saa taxi ndo kuxi na, ta taxi ndo nuu kusun na.

Los Hechos 11:29

Saa xi̱ni soꞌo na tuꞌun Ndioxi ya ndi̱kaꞌan ra Agabo, ñaa chi̱taꞌan tuꞌun na tiꞌvi na xuꞌun kuꞌun ndaꞌa na taꞌan na ndóo Judea. Tá kuꞌva náni ndaꞌa iin iin na, saa íyo ya ta̱xi na.

Gálatas 5:13

Ñani yo, Ndioxi ta ka̱na ra ndóꞌo̱ ya koo ndo tá íin naꞌa, na íyo ndika, sundi täxi ndo xaa súvi ikin kuñu ndo ndá ka ñaꞌa väꞌa, ya kúni mií ndo. Vaꞌa ka ndiꞌi saa ichí chindee taꞌan ni ndo xiꞌin taꞌan ndo, xaꞌa ya kúꞌvi ni ini ndo xíni taꞌan ndo.

Los Hechos 10:31

Ndi̱kaꞌan ra xiꞌin i, káchi ra saa: “Tata Cornelio, xi̱ni soꞌo Ndioxi ya káꞌan un xiꞌin ra saa xi̱ni ra ya íkan un xiꞌin na ndaꞌvi.

San Juan 13:20

Ya ndaa ni káꞌan i xiꞌin ndo, ndiꞌi na ndíkiꞌin vaꞌa na ti̱ꞌvi i xaa chiñu nuu i, ta yeꞌe ku i ndíkiꞌin na, ta ndiꞌi na ndíkiꞌin yeꞌe ta ndíkiꞌin na Iva i Ndioxi ra ti̱ꞌvi yeꞌe vaxi i ―káchi ra.

2 Timoteo 4:8

Ta xíni i vaꞌa ni ini Ndioxi ta nina ya ndaa íkan ra xiꞌin naꞌa, chi mií ra ku ra xáa nani kuachi xiꞌin na. Ta saa ikan ra xiꞌin i taxi ra ya vaꞌa ndaꞌa i, tá kuꞌva íkan na xiꞌin naꞌa, na kéꞌe taꞌan níꞌi na ñaꞌa xaꞌa ya vaꞌa íkan na. Kuꞌva saa ikan Ndioxi xiꞌin i, taxi ra ya vaꞌa ndaꞌa i chi xa xa̱a súvi ndiꞌi i chiñu ya ta̱xi ra ndaꞌa i. Ta süvi ndisaa yeꞌe niꞌi ya vaꞌa ikan ra, ndiꞌi na ndíkun ichí ra ta ndátun na ndiko koo ra, na ikán ku na niꞌi ya vaꞌa.

2 Corintios 9:1

Ta köo xíniñuꞌu i kaꞌan ndaꞌvi i xiꞌin ndo ya nduku i ya mani nuu ndo ya chindee taꞌan ndo xiꞌin na ndaꞌvi taꞌan yo, na ndóo ñuu Jerusalén.

1 Juan 1:9

Sundi tá tu náꞌma yo kuachi yo nuu Ndioxi ta xáa kaꞌnu ini ra xaꞌa yo, ndíkata ra ndiꞌi kuachi yo, saa ndása vaꞌa ra yoo, saa chi vaꞌa ni mií ra, ndaa ni ini ra ta síxinu ndiꞌi ra ya káꞌan ra.

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.

HEBREOS 10:32

Ta saa ndóꞌo̱, ndikaꞌán ni ini ndo ndá kuꞌva ndo̱ꞌo ndo yachi, tá sikan ndi̱yeꞌe nima ndo xiꞌin tuꞌun vaꞌa xaꞌa Tata yo Jesucristo, ta ndee ni tindoꞌo ki̱xi nuu ndo, ta ndi̱xaꞌa ndee ndiꞌi ini ndo xiꞌin ya ndinuꞌu ni ini ndo xi̱ndikun ndo sata ra.

San Mateo 20:7

Saa ndi̱kaꞌan na xiꞌin ra, káchi na: “Nda iin naꞌa köo ndúku ndeꞌe xaa chiñu nde xiꞌin na”, káchi na. Saa ndi̱kaꞌan ra xiꞌin na: “Vaꞌa kuꞌun tu ndóꞌo̱ va xaa chiñu ndo nuu ñuꞌú i, nuu íyo kiti uva i, ta saa chaꞌvi i ndóꞌo̱ tá yaꞌvi ndo”, káchi ra xiꞌin na.

San Mateo 25:17

Saa i̱kan tu inka ra uvi ikán va xiꞌin ya, xa̱a chiñu ra xiꞌin uvi saa ya, ta ndi̱niꞌi ra inka uvi siki ya.