HEBREOS 5:11 - Xochapa Mixteco

¹¹ Íyo kuaꞌa ni ka ya ndituꞌun nde xaꞌa ya yóꞌó xiꞌin ndo, ta ndíchi ni ya ndikani nde ya nuu ndo tá kuꞌva íyo ya, saa chi ndóꞌo̱ ta kuee ni saa kúndaa ini ndo xiꞌin ya.

HEBREOS 5:11 Referans Kwoze

San Mateo 13:15

Nima na yóꞌó ta xa ku̱teꞌe yu̱ú ya. Ndíkasi tuun na soꞌo na. Saa ndíkasi na nduchi nuu na, chi köo xíin na koto na. Ni köo xíin na kuni soꞌo na. Ya íkan na saa ta xïin na kundaa ini na ya ndaa, Ni köo xíin na kixi na nuu i ya sindaꞌa i na.

2 Pedro 3:16

Ta soꞌva íyo ndiꞌi ya ndi̱kaꞌan ra nuu ndiꞌi tutu ya ta̱a ra. Ta íyo sava ya ndee ni ndíchi kundaa ini yo xiꞌin, yakan káva sava naꞌa ya, na köo xíni, na köo kúndaa vaꞌa ini xiꞌin ya, na täꞌan kuaꞌnu vaꞌa xiꞌin tuꞌun ra. Na ñaa ku na káva ya, ndísama na tuꞌun ya ndaa ni si̱naꞌa ra ñani yo Pablo xaꞌa tuꞌun Iva yo Ndioxi. Ta xaꞌa ya íkan na saa, ta síndiꞌi na xaꞌa mií va na.

Los Hechos 28:27

Nima na yóꞌó ta xa ku̱teꞌe yu̱ú ya. Ndíkasi tuun na soꞌo na. Saa ndíkasi na nduchi nuu na, chi köo xíin na koto na. Ni köo xíin na kuni soꞌo na. Ya íkan na saa ta xïin na kundaa ini na ya ndaa, Ni köo xíin na kixi na nuu i ya sindaꞌa i na, káchi ya ta̱a ra Isaías ―káchi ra Pablo xiꞌin na.

San Juan 16:12

’Ta íyo kuaꞌa ni ka ya kaꞌan i xiꞌin ndo, sundi vitin ta kündee ini ndo xiꞌin ya tá ná kaꞌan i xiꞌin ndo.

San Juan 6:6

Ndi̱kaꞌan ra saa takua xíto ndoso ñaꞌa ra, chi xa xíni vaꞌa va ra unkua ikan ra.

San Lucas 24:25

Saa ndi̱kaꞌan ra xiꞌin nda, káchi ra saa: ―¿Ndachu kíꞌvi ni ndo, ta uꞌvi ni kúndaa ini ndo xiꞌin ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa!

San Marcos 8:21

¿Án saa ni täꞌan ku̱ndaa vi ini ndo ya íkan i? ―káchi ra xiꞌin nda.

HEBREOS 5:10

Saa ku̱u nuu ta̱xi Ndioxi chiñu ndaꞌa ra ndu̱u ra sutu chee ni, tá kuꞌva ndi̱xiyo sutu ra xi̱nani Melquisedec xinaꞌa.

HEBREOS 5:12

Xa naꞌa ni va ndíkun ndo Jesucristo, ta xa kuꞌva kua sinaꞌa ndo inka naꞌa, ndikuu. Sundi ndóꞌo̱ ta tá íin na vali chíchin va saa íin ndo, saa chi ni köo ndíchi ya xi̱ni soꞌo ndo tá sikan ndi̱kundikun ndo Jesucristo, ta tuku kúni ndo ndikani nde ya nuu ndo. Tá íin na vali saa íin ndo, chi na vali ta ndisaa leche xíꞌi na, küvi kuxi na ñaꞌa ya xíxi na chee.