HEBREOS 4:13 - Xochapa Mixteco

¹³ Nda iin ñaꞌa ya si̱kuaꞌa Ndioxi küvi tiseꞌe ya nuu ra, saa chi mií ra si̱kuaꞌa ndiꞌi ya, ta íyo túvi ndiꞌi ya nuu ra. Ta suvi mií ra ku ra xaꞌa yo kuenta nuu xaꞌa ndiꞌi ñaꞌa ya íkan yo.

HEBREOS 4:13 Referans Kwoze

1 Corintios 4:5

Xaꞌa ya ñaa kua káꞌan i xiꞌin ndo, táxi i nuu ndo. Käꞌan kama ni ndo xaꞌa naꞌa ya xaa nani ndo kuachi xiꞌin na. Kundatun ndo nda ná xinu mií tiempo ya ndiko koo Tata yo Jesucristo, chi mií ra ku ra sindiyeꞌe ndiꞌi saa kúu. Ta saa kua ndituvi ndiꞌi ñaꞌa ya íyo sěꞌe vitin. Ta saa kua ndituvi nda ñaꞌa ya íyo sěꞌe nima naꞌa, ndá kuꞌva ku ya ndíkani ini na. Ta suvi mií tiempo ikán kua xaa kaꞌnu Ndioxi naꞌa, tá kuꞌva íyo ya i̱kan na, saa koo ya ikan ra xiꞌin na.

2 Corintios 5:10

Saa chi xa kúndaa ini yo vaxi kivi ta kundita ndiꞌi yo nuu Tata yo Jesucristo, nuu índuꞌu ra xáa nani ra kuachi. Ta saa kundita yo nuu ra ya xaa nani ra kuachi xiꞌin iin iin yo nuu chaꞌvi ra yoo xaꞌa chiñu i̱kan yo, án ya vaꞌa i̱kan yo, án ya väꞌa i̱kan yo kivi xi̱taku yo ini ikin kuñu yo ñuu ivi yóꞌó.

ROMANOS 2:16

Ndiꞌi ya yóꞌó kuu tá ná tindaa kivi taxi Ndioxi ichí ndaꞌa Jesucristo ya xaa nani ra kuachi ndiꞌi naꞌa. Nda kuachi ya íkan sěꞌe na xaa nani ra ya xiꞌin na. Ya ikan Ndioxi saa, iin ku ya xiꞌin tuꞌun ya káꞌan ndoso i xiꞌin ndiꞌi naꞌa.

El Apocalipsis 2:23

Ta naꞌa, na kúu seꞌe yá, ta taxi i kueꞌe kuvi ndiꞌi na. Saa kundaa ini ndiꞌi naꞌa, na kándixa yeꞌe ya xíni ndiꞌi i ya íyo nima na xiꞌin ya ndíkani ini na. Ta saa chaꞌvi i iin iin na, tá kuꞌva íyo ya i̱kan na, saa koo yaꞌvi na.

San Juan 21:17

Ichí uni ndi̱ndakan tuꞌun tuku Jesús ra Simón Pedro, káchi ra saa: ―Simón, seꞌe ra Jonás, ¿án kúꞌvi ini un xíni un yeꞌe? ―káchi ra xiꞌin ra. Ta saa ku̱chiꞌña ni ini ra, saa chi xa ndi̱xinu uni ichí kua ndákan tuꞌun ñaꞌa ra, ¿án kúꞌvi ini ra xíni ñaꞌa ra? Saa ndi̱kuiin ra Simón Pedro, káchi ra saa: ―Tata, mií un ku un xíni ndiꞌi ñaꞌa. Ta xíni un ya kúꞌvi ni ini i xíni i yóꞌo̱ ―káchi ra xiꞌin ra. Saa ndi̱kuiin Jesús káchi ra saa: ―Tá tu saa, ta kundaa levo sana i ―káchi Jesús xiꞌin ra.

San Juan 2:24

Sundi Jesús ta köo ndi̱kandixa ra na, saa chi xa xíni vaꞌa va ra ini ndiꞌi na.

Los Hechos 17:31

Chi Ndioxi ta xa ndi̱kaxin ra Jesús, Seꞌe ra ya kixi ra iin kivi ya xaa nani ra kuachi xiꞌin ndiꞌi na ñuu ivi, ta nina xiꞌin ya ndaa ikan ra saa xiꞌin na. Chi Ndioxi ta̱xi ra xi̱ni ndiꞌi na ñuu ivi tá kivi si̱taku ra Jesús tañu na ndíi ―káchi ra Pablo xiꞌin na.

San Mateo 6:4

Tá táxi ndo xuꞌun ndaꞌa na ndaꞌvi, ta taxi sěꞌe ndo ya. Ta saa Iva yo Ndioxi, ra xíto ya íkan sěꞌe ndo, taxi ra ya vaꞌa ndaꞌa ndo.

San Juan 4:16

Saa ndi̱kuiin Jesús káꞌan ra: ―Kuáꞌan kaꞌan xiꞌin ií un ná kixi ra xiꞌin un ―káchi ra xiꞌin yá.