HEBREOS 3:6 - Xochapa Mixteco

⁶ Sundi Jesucristo, xaꞌa ya kúu ra Seꞌe Ndioxi ta xáa súvi ni ra chiñu ya ta̱xi Ndioxi ndaꞌa ra, yakan xáꞌnda chiñu ra veꞌe ra. Saa yoo, ta na veꞌe Ndioxi ku yo, yoo ku yo xáꞌnda chiñu ra nuu, tá tu ndinuꞌu ni ini yo ndáa ni ini yo xíni yo Ndioxi, saa kúsini ni yo ndátun yo niꞌi yo ya taxi Ndioxi ndaꞌa yo.

HEBREOS 3:6 Referans Kwoze

2 Corintios 6:16

Köo íyo yuꞌu naꞌa, na kúu veꞌe ñuꞌu Ndioxi xiꞌin naꞌna ndioxi ya ndíi. Ta saa yoo, chi yo veꞌe ñuꞌu Ndioxi ra táku ku yo. Tá kuꞌva ndi̱kaꞌan mií ra, káchi ra saa: Yeꞌe, ta koo i xiꞌin na, saa kaka i xiꞌin na, Ndioxi na kúu i, saa kúu na, na ñuu mií i, káchi Ndioxi.

1 Corintios 3:16

Ta saa ndóꞌo̱, ¿án köo kúndaa ini ndo ya íin ndo tá káa veꞌe ñuꞌu Ndioxi, ta íyo tu Tachi I̱í ra xiꞌin va ndo?

1 Pedro 2:5

Ta saa ndóꞌo̱ tá káa yu̱ú táku ikán saa íin ndo, chi yu̱ú ikán kua ndee ni xíniñuꞌu ra síkuaꞌa ra veꞌe ñuꞌu i̱í ya küvi kuni yo. Ta ndóꞌo̱ ku ndo xáa chiñu ini veꞌe ñuꞌu ikán chi tá íin sutu nda i̱í, saa íin ndo xáa chiñu ndo ini ya, ta tixin Jesucristo kua sóko ndo ya i̱í, ya vaꞌa nuu Ndioxi.

HEBREOS 10:35

Yakan ndóꞌo̱, ta sïndikoo ndo ya ndáa ni ini ndo xíni ndo Ndioxi, saa chi vaxi kivi ta yáꞌa ni vaꞌa ya niꞌi ndo nuu ra.

HEBREOS 6:11

Yakan kua kúni nde ná chikaa ni iin iin ndo ndee kundikun ni ndo ichí Ndioxi nda kivi sindiꞌi. Saa chi kivi ikán kua niꞌi ndo ya ndátun ndo niꞌi ndo nuu ra.

1 Corintios 6:19

¿Án köo xíni ndo ya kúu ikin kuñu ndo veꞌe ñuꞌu Tachi I̱í Ndioxi, ya ta̱xi ra ndaꞌa ndo íyo ya xiꞌin ndo? ta mií ra ku ra xáꞌnda chiñu nuu ndo.

HEBREOS 10:23

Ta vitin tuun ni ná kundikun yo ra xaꞌa ya ndáa ni ini yo xiní yo ra, ta ná käka uvi ini yo nuu naꞌa xaꞌa ya ndíkun yo ra, saa chi Ndioxi ta síxinu ndiꞌi ra ya xa ki̱ndoo ra xiꞌin yo.

HEBREOS 4:11

Yakan kua xíniñuꞌu yo chikaa ni yo ndee ya ná kiꞌvi yo nuu ndikundee yo xiꞌin ra. Süvi ka vi ya ndoꞌo yó tá ndo̱ꞌo na xii sikua yo köo ndi̱xiin na kandixa ñaꞌa na, xaꞌa ya ikán kua köo ndi̱kuchiñu na kiꞌvi na koo na nuu ndikundee na xiꞌin ra.

HEBREOS 3:14

Ta ya ndixa kua táxi Cristo ndiꞌi ya kúu mií ra ndaꞌa yo, tá tu köo síndoo yo ya tuun ni ndíkun yo ra, tá tu ndáa ni ini yo xíni yo ra tá kuꞌva ndi̱xiyo yo xiꞌin ra nda tá xaꞌa, tá sikan xa̱á yo ndikun yo ra.

El Apocalipsis 3:11

Kama ni ndiko koo i, yakan ni ndóꞌo̱ ta sïndikoo ndo ya ndíkun ndo ichí i, ya ná kïxi inka naꞌa kindaa na ñaꞌa ya taxi Ndioxi ndaꞌa ndo.

HEBREOS 4:14

Jesús, ra kúu Seꞌe Ndioxi ku iin sutu ra ndee ni chee, ra ndee ni kaꞌnu nuu yo. Ta ra ikán ku ra nda̱a nuu ndivi, yakan tuun ni ná kandixa yo ra, ta ná xïkuiin yo ya ndáa ini yo ra.

HEBREOS 1:2

Sundi tiempo ya kuaꞌan ndíꞌi ndóo yo vitin ta köo káꞌan ka ra xiꞌin yo tixin nda ikán, tixin Seꞌe ra kua káꞌan ra xiꞌin yo, chi tixin ra ikán kua si̱kuaꞌa ra ndiꞌi ni kúu ñaꞌa ya íyo nuu ndivi xiꞌin ya íyo ñuu ivi yóꞌó. Saa ta̱xi ndiꞌi ra ya ndaꞌa Seꞌe ra, ta ra ikán ku ra ndíso chiñu xiꞌin ndiꞌi ni kúu ñaꞌa ra.

1 Timoteo 3:15

chi án sana kuachi loꞌo ka i yóꞌó, yakan káꞌan kuee i xiꞌin un ya ná kundaa ini un ndá kuꞌva xíniñuꞌu ndo ikan ndo, xaꞌa ya kúu ndo na veꞌe Iva yo Ndioxi, ra táku. Ta tá kuꞌva tuun ni kuáꞌa xaꞌa veꞌe án tá káa itun ndee ni ndíso xi̱ní veꞌe, saa íin ndo, xaꞌa ya ndaa ku̱ndaa ini ndo xaꞌa tuꞌun ra.

Colosenses 1:23

Saa nduu ndo tá tu tuun ni kándixa ndo tuꞌun vaꞌa xaꞌa Tata yo Jesucristo tá tu ná sïndikoo ndo tuꞌun ra ya ndee ni teꞌe xi̱ni soꞌo ndo. Ta xa ndiꞌi ni kúu xaꞌa ñuu ivi xi̱ni soꞌo na xaꞌa tuꞌun ra, taꞌan ya ikán kua káꞌan ndoso yeꞌe Pablo.

San Mateo 10:22

Ta ndiꞌi ni kúu naꞌa kundasi nuu kuni ndóꞌo̱ xaꞌa ya ndíkun ndo yeꞌe, sundi ndóꞌo̱ ta sïndoo ndo ichí i ya ndíkun ndo yeꞌe, chi saa kua kuchiñu ndo kaku ndo.

1 Tesalonicenses 5:16

Ta ndiꞌi saa kivi koo vaꞌa ni ini ndo, kusini ni ndo.

ROMANOS 15:13

Ta vitin káꞌan i xiꞌin mií Ndioxi ra chíkaa ndee ini ndo ya kundatun ndo ya vaꞌa ikan ra xiꞌin ndo. Ná taxi ni ra ya kúsini ni ndo, saa ná koo vaꞌa ni ini ndo. Ta saa ná ndundee ni ka ya kándixa ndo ya ndátun ndo niꞌi ndo tixin ndee Tachi I̱í ra.

San Mateo 24:13

Sundi ndiꞌi na köo ndiko koo ini xaꞌa ya kuaꞌan na ichí i, na ikán ku na kaku.

El Apocalipsis 2:25

Ndisaa ya yóꞌó kua xíniñuꞌu ni ndo ikan ndo: Ndee ni kundikun ndo yeꞌe, ta sïndikoo ndo ya ndíkun ndo ichí i, nda kivi ná ndiko koo i.

El Apocalipsis 2:18

Saa ndi̱kaꞌan tuku ra xiꞌin i, káchi ra saa: ―Taa un tuꞌun yóꞌó nuu tutu ya kuꞌun ndaꞌa tatun, ya ndáa naꞌa, na kándixa yeꞌe, na ndóo ñuu Tiatira, na xáa kaꞌnu Ndioxi. Yeꞌe ku taa ra káꞌan xiꞌin ndo, yeꞌe ku Seꞌe Ndioxi, ta yéꞌe̱ ni nduchi nuu i nda tá kuva yéꞌe̱ ñu̱ꞌu̱ ya xíxi, saa yéꞌe̱ ya. Ta xaꞌa i yéꞌe̱ ya tá kuꞌva yéꞌe̱ kàà ya yáꞌa tá sikan ndíyakun na ya, ndúyeꞌe ni ya, saa yéꞌe̱ xaꞌa i. Ta káꞌan i xiꞌin ndo tuꞌun yóꞌó:

2 Tesalonicenses 2:16

Ta mií Tata yo Jesucristo xiꞌin mií Iva yo Ndioxi ku ra kúꞌvi ni ini xíni yoo, saa si̱ndiko ra ini yo ndiꞌi saa kúu ichí, ta ndixaꞌa ni ra ndee xiꞌin yo ya ndee ni tuun kundikun yo ra, xaꞌa ya vaꞌa ni ini ra xiꞌin yo.

ROMANOS 5:2

Saa tu xaꞌa ya kándixa yo Jesucristo kua ndi̱niꞌi uun yo nuu ndi̱kiꞌvi yo ndi̱kitaꞌan vaꞌa ni yo xiꞌin Ndioxi, ta ni küxika ka yo nuu ra. Saa kúsini ni yo chi kúndaa teꞌe ini yo ya koo yo xiꞌin ra nuu kuni yo ya chee ni kúu mií Ndioxi.

1 Pedro 1:8

Vani täꞌan kuni xiꞌin nuu ndo Tata yo Jesucristo, ta kúꞌvi ni ini ndo xíni ndo ra. Saa kándixa ni ndo ra ta täꞌan kuni ndo ra. Ta ndee ni kúsini ndo, ni köo níꞌi ndo kuꞌva ndikani ndo ya ndóꞌo ndo kúsini ni ndo xiꞌin ra.

Gálatas 6:9

Ta ná künaa yo ya chíꞌi yo ya vaꞌa, ná xaꞌa ni yo ndee ikan yo saa ndiꞌi kivi, saa tá ti̱ndaa tiempo ta niꞌi ni yo ya vaꞌa xaꞌa ya íkan yo saa.

ROMANOS 11:22

Koto ndó, vaꞌa ni Ndioxi kúndaꞌvi ni ini ra xíni ra yoo, sundi köo sísiki ra xiꞌin naꞌa, na köo xíin kandixa ñaꞌa, ta kúndaꞌvi ni ini ra xíni ra ndóꞌo̱. Yakan kua kandixa ni ndo ra, tuun ni kandixa ndo ya kúndaꞌvi ni ini ra xíni ra ndóꞌo̱. Tá tu köo íkan ndo saa, ta ìyo xaa xíka ra ndóꞌo̱, tá kuꞌva kúxika ndaꞌa itun tá táꞌnda nu.

San Mateo 16:18

Ta yeꞌe káꞌan i xiꞌin un, vitin kunani un Pedro ta sata yu̱ú yóꞌó sikuaꞌa i veꞌe ñuꞌu i, ta nda iin kivi ndïꞌi xaꞌa ya, chi ya xáꞌni naꞌa ta küchiñu ya ndundee ka ya nuu na veꞌe ñuꞌu i.

ROMANOS 12:12

Ta kusini ni ndo chi ndátun ndo taxi Ndioxi ya vaꞌa ndaꞌa ndo, tá vaxi tindoꞌo nuu ndo tíxuꞌvi ndo, ta kuaꞌa ndee ni ini ndo xiꞌin ya, ta xïkuiin ndo, kaꞌan ni ndo xiꞌin Ndioxi.

Gálatas 6:10

Ndiꞌi saa ichí ya kúchiñu yo chindee taꞌan yo xiꞌin naꞌa, ta vaꞌa ná ikan yo ya vaꞌa xiꞌin ndiꞌi na. Ta ndisaa ka vi na taꞌan yo, na ndáa ni ini xíni Jesucristo, ná chindee taꞌan ni yo xiꞌin na.

Efesios 3:12

Xaꞌa ya ndáa ni ini yo xíni yo Tata yo Jesucristo kua vaꞌa ndi̱niꞌi yo ichí kuyati yo nuu Ndioxi kaꞌan yo xiꞌin ra xiꞌin ndinuꞌu nima yo.

HEBREOS 4:16

Yakan vaꞌa ná kuyati yo nuu ra tá ndóꞌni yo nuu tindoꞌo ta ná ku ïꞌvi yo kuyati yo nuu ra, chi ndee ni vaꞌa ra, kúndaꞌvi ni ini ra xíni ra yoo, yakan kúꞌvi ni ini ra xíni ra yoo, ta saa chindee ra yoo tá ñúꞌu yo nuu tindoꞌo, ta ná kuyati yo nuu íyo ra xáꞌnda chiñu ra.

HEBREOS 6:18

Uvi nuu ku ñaꞌa ya ki̱ndoo Ndioxi xaa súvi ra: iin ku ya ki̱ndoo ra xiꞌin naꞌa xaa súvi ra ya ndi̱kaꞌan ra xiꞌin na, ta inka kua chi̱naꞌa ra tixin mií ra ya sixinu ra ya ki̱ndoo ra xiꞌin na. Xaꞌa ya ikán kua vaꞌa ná kandixa ni yo ra, ta ná kuyati yo nuu ra ya chindee ra yoo, saa ná kundaa teꞌe ini yo ya ndikiꞌin yo ya ndi̱kaꞌan ra xiꞌin yo taxi ra ndaꞌa yo.

HEBREOS 7:19

Chi ley ikán, ta köo ndi̱kuchiñu ya ndasa vaꞌa ya naꞌa nuu Ndioxi. Xaꞌa ya ikán kua ta̱xi ra inka ya ndee ni ndáa yaꞌvi ndaꞌa yo, ta tixin ya ikán kua vaꞌa kuyati yo nuu Ndioxi vitin.

HEBREOS 10:19

Na taꞌan yo, vitin ta xaꞌa ya ndi̱xita nií Jesucristo tá ndi̱xiꞌi ra, yakan kua ná kündiꞌi ka ini yo, ta ndinuꞌu ini yo ná kiꞌvi yo ini Cuarto ya ndee ni I̱í.

HEBREOS 10:21

chi Jesús ku ra ku sutu ra chee ni nuu yo, ta ndíso chiñu ra xiꞌin veꞌe ñuꞌu Ndioxi.

HEBREOS 11:1

Xaꞌa ya ndinuꞌu ni ini yo ndáa ini yo Ndioxi yakan kúndaa teꞌe ini yo ya taxi ra ñaꞌa ndátun yo ndaꞌa yo. Vani täꞌan kuni yo ya, ta xíni yo taxi ra ya ndaꞌa yo.

1 Pedro 4:17

Saa chi vitin kua ti̱ndaa tiempo ya xaa nani Ndioxi kuachi xiꞌin ndiꞌi naꞌa. Tá kuꞌva kéꞌe na saa ikan ra xiꞌin na, ta xiꞌna xiꞌin naꞌa, na ndíkun ñaꞌa kua xáa ra ikan ra saa. Tá tu xiꞌna xiꞌin yoo kua íkan ra saa ya ndee ni ndóꞌo yo, ta yáꞌa ni ka va ndee kundoꞌo naꞌa, na köo xíin xaa súvi tuꞌun vaꞌa xaꞌa ra.

El Apocalipsis 2:26

Ndiꞌi naꞌa, na kúndee nuu ya väꞌa, xaꞌa ya ndíkun na yeꞌe, ta xáa súvi na ya kúni i ndiꞌi saa kivi. Na ñaa ku na taxi i ichí ndaꞌa ya kaꞌnda chiñu na nuu ndiꞌi naꞌa, na ndóo ndiꞌi ni kúu xaꞌa ñuu ivi yóꞌó.