HEBREOS 3:13 - Xochapa Mixteco

¹³ Xaꞌa ya ikán kua, xaꞌa ni ndo ndee xiꞌin taꞌan ndo. Sixinu ndo ini taꞌan ndo iin iin kivi, vitin ka tá íyo tiempo. Ikan ndo saa xiꞌin taꞌan ndo ya ná ndïkava ndo nuu kuachi ya väꞌa, ta sindaꞌvi ya ndóꞌo̱, ya vaꞌa kua íkan ndo kaꞌán ndo, ta saa ndasa tuun ndo nima ndo nuu Ndioxi.

HEBREOS 3:13 Referans Kwoze

1 Tesalonicenses 5:11

Xaꞌa ya ñaa kua xaꞌa ndo ndee xiꞌin taꞌan ndo, chindee taꞌan ndo xiꞌin na taꞌan ndo ya ná kuaꞌnu ka na xiꞌin tuꞌun Ndioxi. Tá kuꞌva íkan ndo vitin saa ikan ndo xiꞌin taꞌan ndo.

2 Timoteo 4:2

ya ná chikaa ni un ndee ya kaꞌan ndoso un tuꞌun ra xiꞌin naꞌa ndiꞌi saa kivi. Koo ndúvi un kaꞌan un xiꞌin na tá kivi vaꞌa ni kúni un án tá väꞌa kúni un. Ta teꞌe kaꞌan un xiꞌin na, sinaꞌa un na ya ná kundaa ini na xaꞌa ya väꞌa kéꞌe na, ta kaꞌan xiꞌin na ná sindoo na ya, saa xaꞌa ni un ndee xiꞌin na ya ná kundikun vaꞌa na ichí Tata yo Jesucristo. Ta toꞌo kaꞌan un xiꞌin na sinaꞌa un na, kaꞌnu koo ini un xiꞌin na.

1 Tesalonicenses 4:18

Xiꞌin tuꞌun ya káꞌan i xiꞌin ndo yóꞌó kua kaꞌan ndo xiꞌin na taꞌan ndo, xaꞌa ndo ndee xiꞌin na.

ROMANOS 7:11

Ta ndee kuachi i, ya táku ini i ku ya chíndaꞌa yeꞌe yáꞌa ndoso i nuu ley Ndioxi. Xaꞌa ya yóꞌó kua kúndaa ini i ndee kúu mií kuachi i ku ya si̱ndaꞌvi yeꞌe, chi xíniñuꞌu i kuvi i xaꞌa kuachi i, káchi ley Ndioxi.

Los Hechos 11:23

Tá ndi̱xaa ra Bernabé ikán ta xi̱ni ra ya kuaꞌa ni ya vaꞌa íkan Ndioxi xiꞌin na, ñaa kúsini ni ra. Ta saa ndi̱xaꞌa ra ndee xiꞌin na ya ndinuꞌu ni ini na ná kundikun na ichí Tata yo, ta vitin taan ná kandixa ka ñaꞌa na, káchi ra xiꞌin na.

Santiago 1:14

Ta vaꞌa ná kundaa ini ndo chi xaꞌa ya kútoo yo ikan yo ya väꞌa, ya ñaa kua ndíxita yoo ya íkan yo ya väꞌa, saa kóyo yo nuu kuachi íkan yo ya väꞌa.

Efesios 4:22

Xaꞌa ya ñaa kua köo ka ndo tá kuꞌva ndi̱xiyo ndo yachi. Vaꞌa sindoo ndaꞌa ndo kuꞌva yata ya ndi̱xiyo ndo, chi ya ikán ta kúni ya sindaꞌvi ya ndóꞌo̱ ya xaa súvi ndo ya kúni mií ya.

1 Tesalonicenses 2:11

Tá íkan iin taa, ra vaꞌa ni ini xiꞌin seꞌe ra, saa i̱kan nde xiꞌin ndo, chi ndi̱kaꞌan ni nde xiꞌin ndo ya koo vií ndo xiꞌin taꞌan ndo, ta saa si̱ndiko nde ini ndo.

HEBREOS 13:22

Na taꞌan yo, xíkan ni i ya mani nuu ndo, kaꞌnu ni koo ini ndo xaꞌa ya loꞌo ni kua táa i nuu tutu yóꞌó xaa ndaꞌa ndo. Ta taa ni soꞌo ndo ya káꞌan i xiꞌin ndo, ya xáꞌa ni i ndee xiꞌin ndo.