HEBREOS 2:6 - Xochapa Mixteco

⁶ Tá ndi̱kaꞌan iin ra xinaꞌa ra ta̱a nuu tuꞌun Ndioxi káchi ra saa: Tata Iva yo Ndioxi ¿Án ndáa yaꞌvi ni ndeꞌe, na ñuu ivi yóꞌó, yakan ndíkaꞌán ni ini un xaꞌa nde? Ta ¿ndachu ndíꞌi ni ini un xaꞌa Taa ra xa̱a ñuu ivi yóꞌó?

HEBREOS 2:6 Referans Kwoze

HEBREOS 4:4

Chi nuu tuꞌun Ndioxi káꞌan ya xaꞌa kivi uxa, káchi ya saa: Kivi uxa kua ndi̱kundee Ndioxi xaꞌa ndiꞌi chiñu i̱kan ra”, káchi ya.

1 Pedro 1:11

Ta Tachi ya kúu mií Cristo, ra ndi̱kaxin Ndioxi kixi ndoꞌo ni xaꞌa yo kua ta̱xi xiní ndaꞌa nda ndi̱kaꞌan tuꞌun yuꞌu Ndioxi, ya kundaa ini nda xaꞌa ñaꞌa ya chee ni kuu mií ra kixi kivi vaxi, ta ndu̱ku ni tu nda kuꞌva kundaa ini nda xaꞌa ra ndá taa kuu ra, ta saa ndu̱ku tu nda kundaa ini nda ndá kivi kua kixi ra.

San Lucas 7:16

Tá xi̱ni na ndi̱taku ra, ta ndi̱kanda ni ini na ndi̱ndiꞌvi ni na. Saa xa̱á na xáa kaꞌnu na Ndioxi, káchi na saa: ―Iin ra chee ni ra káꞌan ndoso tuꞌun yuꞌu Ndioxi ku ra ndi̱kuita tañu yo. Ti̱ꞌvi Ndioxi ra vaxi ra koto ra yoo na kúu ñuu ra ―káchi na.

HEBREOS 5:6

Ta inka tuku ñaꞌñu nuu tuꞌun Ndioxi, káchi ra saa: Yóꞌo̱ ku sutu, ta ndiꞌi saa ichí koo un sutu, nda iin ichí ndïꞌi xaꞌa chiñu un. Tá kuꞌva ndi̱xiyo ra sutu Melquisedec saa koo un, káchi Ndioxi xiꞌin ra.

San Lucas 1:78

Saa chi kúndaꞌvi ni ini Iva yo xíni ra yoo, 2 yakan ti̱ꞌvi ra seꞌe ra, ra ke̱e nuu ndivi, ta ra ikán ku ra káa tá káa nuu túvi inka kivi.

San Lucas 1:68

Kaꞌnu ni ná koo Ndioxi ra chíndee yoo na Israel, saa chi vaxi ra koto ra yoo saa saña ndíka ra yoo.

1 Tesalonicenses 4:6

Sïndaꞌvi taꞌan ndo käka sěꞌe ndo xiꞌin yá síꞌi ñani ndo, án xiꞌin i̱í kuꞌva ndo. Saa chi ndiꞌi na íkan saa ta sindoꞌo ni Ndioxi na. Tá íyo ya xa ndi̱kaꞌan ni nde xiꞌin ndo yachi, saa íyo ya.