HEBREOS 13:9 - Xochapa Mixteco

⁹ Täxi ndo sindaꞌvi naꞌa ndóꞌo̱ xaꞌa inka tuꞌun ya köo íyo yuꞌu xiꞌin tuꞌun ya si̱naꞌa Tata yo Jesucristo ndóꞌo̱. Ya vaꞌa ni ka va kua ná ndundee ka nima ndo xiꞌin ya vaꞌa ndi̱niꞌi uun ndo nuu Iva yo Ndioxi. Sundi na ikán ta ndisaa xaꞌa ley yata káꞌan na, ndá ñaꞌa kua vaꞌa kuxi yo ta ndá ñaꞌa kua küvi kuxi yo, káchi na, ta ya sínaꞌa na ikán ta nda loꞌo köo chíndee taꞌan ya xiꞌin nda iin naꞌa.

HEBREOS 13:9 Referans Kwoze

Efesios 4:14

Chi saa kua ïkan ka yo tá kuꞌva íkan na vali, ta ni ndöꞌo yo tá kuꞌva ndóꞌo itun barco chi tá vaxi tachi saa kua kánda nu kuaꞌan nu, ta saa yoo, kändixa ndikuu yo ndiꞌi nuu ñaꞌa ya síin ni káa sínaꞌa ndá ka nda väꞌa sínaꞌa, chi nda ikán ta nda kúni sindaꞌvi yoo va ku nda.

Efesios 5:6

Täxi ndo sindaꞌvi nda iin naꞌa ndóꞌo̱ ya sixinu na ini ndo ikan ndo ndá ka ñaꞌa ya kini ni káa, ya väꞌa ya yakua ya xáa yakua ikin kuñu ndo. Saa chi Ndioxi ta xaa nduvaꞌa ni ra xiꞌin ndiꞌi naꞌa, na köo xíni soꞌo ya káꞌan ra.

ROMANOS 14:6

Saa ñani yo, sava ndóꞌo̱ káꞌan i̱í ni sava kivi nuu inka ya, káchi ndo. Ni saa íkan ndo, ta Táta yo ku ra xáa toꞌo ni ndo. Saa tu sava ndóꞌo̱ xíxi ndiꞌi nuu ñaꞌa xíxi, íkan ndo saa ya xáa toꞌo ndo Táta yo, ta táxi ndo tixaꞌvi ndaꞌa ra. Ta saa tu sava ndóꞌo̱ köo xíxi ndiꞌi nuu ñaꞌa, íkan tu ndóꞌo̱ va saa ya xáa kaꞌnu ndo Táta yo, ta táxi ndo tixaꞌvi ndaꞌa ra.

1 Juan 4:1

Ñani yo, ndóꞌo̱ ku ndo kúꞌvi ni ini i xíni i, ta vitin káꞌan i xiꞌin ndo. Kändixa ndo ndiꞌi na káꞌan Tachi I̱í Ndioxi síkaꞌán ini na kaꞌan na, káchi na. Chi vitin ta xa kuaꞌa ni na vata ka̱na koo ñuu ivi yóꞌó, ta káꞌan na síkaꞌán Tachi Ndioxi ini na kaꞌan na tuꞌun ra.

Los Hechos 20:30

Nda na xíka veꞌe ñuꞌu mií ndo ta saa ikan na xiꞌin ndo. Vaxi kivi ta xáa na sinaꞌa na ya síki, saa taa sií na na ñúꞌu xiꞌin ndo ya ná kundikun ñaꞌa na.

Judas 1:12

Ta nda vata káꞌan yo xaꞌa yóꞌó ta nda síndiꞌi xaꞌa va ku nda vikó ya táva ndo nuu ndíkaꞌán ini ndo xaꞌa Tata yo Jesucristo, chi tá xáa nda nuu ndóo ndo ta ndee ni xíxi nda tin xíꞌi nda ndakua xáa ini nda, ndisaa xaꞌa mií va nda ndee ni ndíꞌi ini nda, ta ni köo xáa toꞌo nda Ndioxi. Tá íin nda paxto ndáa kiti sana nda, ta ndisaa xaꞌa mií va nda ndíꞌi ni ini nda kuxi nda, saa íin nda ñaa. Saa íin tu nda tá íyo vi̱kó ya köo savi ndíso, ya síndiꞌi xaꞌa tachi. Saa íin tu nda tá íin itun kuiꞌi xa xíniñuꞌu kuun kuiꞌi ndaꞌa, ta ni köo kuiꞌi kúun ndaꞌa nu. Tá íin itun ta̱va vaꞌa naꞌa tioꞌo saa íin nda. Xa ndi̱ꞌi vaꞌa xaꞌa nda.

1 Timoteo 6:20

Ñani yo Timoteo, chikaa ni un ndee ya xaa súvi un chiñu ya ta̱xi Ndioxi ndaꞌa un. Ta küni soꞌo un tuꞌun síki, ya köo ndáa yaꞌvi ya káꞌan naꞌa, na káꞌan ndee ni ndíchi na, xíni ni na tuꞌun Ndioxi, saa íyo ni ya xínituni na, káchi na, ta süvi ya ndaa kua ya síki va kua káꞌan na.

Judas 1:3

Ñani mani, xa yachi vi kúni ni i taa i tutu yóꞌó xaa ya ndaꞌa ndo nuu káꞌan i xiꞌin ndo xaꞌa ya síkaku Iva yo Ndioxi yoo. Ta nda vitin vi táa i ya xaa ya nuu ndo ya ndúku ni i ya mani nuu ndo káꞌan i xiꞌin ndo, täxi ndo sindaꞌvi nda sínaꞌa ya vata ndóꞌo̱, ta xaꞌa ni ka ndo nde ya kandixa ni ndo tá kuꞌva ku̱ndaa ini na ñuu Ndioxi.

2 Tesalonicenses 2:17

Ta saa ná taxi ni ra ndee ndaꞌa ndo ya koo vaꞌa ni ini ndo ta ná kana vaꞌa ndiꞌi ya káꞌan ndo xiꞌin ya íkan ndo.

San Mateo 24:24

Chi kana koo kuaꞌa ni na vata kachi na saa: “Yeꞌe ku ra ku Cristo ra ti̱ꞌvi Ndioxi”, án “Yeꞌe ku profeta ra káꞌan ndoso tuꞌun yuꞌu Ndioxi”, kachi na, ta süvi na ndaa ku na. Ikan na yatuꞌun nuu sindaꞌvi na naꞌa, saa ndikanda ni ini na xiꞌin ya vata ikan na nuu naꞌa, ta nda na ndi̱kaxin Ndioxi kuni na sindaꞌvi na.

San Mateo 24:4

Saa ndi̱kuiin Jesús, káꞌan ra xiꞌin nda, káchi ra saa: ―¡Kuenta ni koo ndo. Täxi ndo sindaꞌvi naꞌa ndóꞌo̱!

Colosenses 2:4

Ndítuꞌun ndiꞌi i ya yóꞌó xiꞌin ndo ya ná täxi ndo sindaꞌvi ndá ka naꞌa ndóꞌo̱ xiꞌin tuꞌun vata ya sixinu na ini ndo.

2 Corintios 1:21

Ta mií Ndioxi ku ra ndíkuiin xaꞌa ndóꞌo̱ tin ndeꞌe ya si̱kitaꞌan mani ra yoo, ta ndi̱kitaꞌan vaꞌa yo xiꞌin Jesucristo ta saa nda̱sa i̱í ra yoo.

1 Corintios 8:8

Süvi xaꞌa ñaꞌa ya xíxi yo kua kúyati ka yoo nuu Ndioxi, tá ná kuxi yo ta köo ndúu i̱í ka yo nuu ra, ni tá ná küxi yo ta köo ndúkini ka yo nuu ra.

ROMANOS 14:17

Xíniñuꞌu yo kundaa ini yo chi süvi xaꞌa ya xíxi yo, ta ni süvi xaꞌa nduta xíꞌi yo kua ndáa yaꞌvi ni chindee yoo koo yo nuu xáꞌnda chiñu Ndioxi. Ya ndee ni ndee ku ya ikan yo ya vaꞌa, ya ndaa xiꞌin taꞌan yo, ta vívií ná koo yo xiꞌin taꞌan yo, ná kusini ni yo xaꞌa ya ta̱xi Tachi I̱í Ndioxi ndaꞌa yo ya koo vaꞌa ni ini yo.

ROMANOS 14:2

Saa chi sava ndo ndíkani ini vaꞌa kuxi ndo ndiꞌi kúu nuu ñaꞌa xíxi, káꞌán ndo. Ta sava tuku ndóꞌo̱ vita ini ndíkani ini ndo küvi kuxi ndo kuñu, káchi ndo.

Los Hechos 20:32

’Ta vitin káꞌan ni i xaꞌa ndo xiꞌin Ndioxi ya ná kundaa ni ra ndóꞌo̱, saa ná kundaa ni tu tuꞌun va ra ndóꞌo̱, chi ya vaꞌa ni ku ya, saa kúu mií ya ndee ya taxi ya ndundee ka ini ndo saa taxi ra ndiꞌi ya vaꞌa ndaꞌa ndo, ya chi̱tuni ra taxi ra ndaꞌa na kúu ñuu ra, na i̱í.

2 Tesalonicenses 2:2

täxi ndo ndinama kama ni ini ndo xaꞌa ya káꞌan na xiꞌin ndo, síꞌvi na ndóꞌo̱ ya si̱kaꞌan Ndioxi ini na kaꞌan na tuꞌun yuꞌu ra ya xa ndi̱ko koo Tata yo Jesucristo ñuu ivi yóꞌó, án kaꞌan na xiꞌin ndo ndá ka tuꞌun ya taa na tutu xaa ya nuu ndo nuu síndaꞌvi na ndóꞌo̱, ya ta̱a ndeꞌe ya xaa ya nuu ndo, káchi na xiꞌin ndo, ta ni süvi ya ndaa kua.

1 Corintios 6:13

Ta saa káꞌan tuku sava ndo: “Ñaꞌa xíxi yo ta tixin yo kuaꞌan ya, ta suvi ni mií Ndioxi ku ra si̱kuaꞌa tixin yo nuu kuaꞌan ñaꞌa xíxi yo”, káchi ndo. Ni saa va ta ya ndíꞌi xaꞌa ku uvi saa va ya. Sundi ikin kuñu yo, ta köo ndi̱sikuaꞌa ra ya, ya ikan yo ndisaa chiñu kíꞌvi xiꞌin ya. Xaꞌa ya xaa kaꞌnu yo Tata yo Jesucristo va kua si̱kuaꞌa ra ya, ta suvi ni mií ra ku ra xáꞌnda chiñu nuu ikin kuñu yo.

Gálatas 6:1

Ñani yo, ndóꞌo̱ xa xuxa ini, ndóꞌo̱ vaꞌa ni xáa súvi ya kúni mií Tachi I̱í Ndioxi, ta án sana ndá na taꞌan yo kóyo nuu kuachi, íkan na ya väꞌa. Ta vaꞌa kuyati ndo nuu na ya chindee taꞌan ndo xiꞌin na, ta vívií kaꞌan ndo xiꞌin na ya ná sindikoo na ya väꞌa íkan na. Ta saa kuenta ni koo ndo chi ìyo ni koyo tu mií va ndo nuu kuachi.

San Lucas 5:38

Yakan kua táan na rá xa̱á ini ñií xa̱á, ta ni rá xa̱á ta küita ra ni ñií nuu ñúꞌu ra ta täꞌnda ya.