HEBREOS 13:23 - Xochapa Mixteco

²³ Ta saa káꞌan i xiꞌin ndo ya ná kundaa ini ndo xaꞌa ra ñani yo ra Timoteo, xa ke̱ta ra veꞌe kàà. Tá tu kama ná xaa ra, ta kundaka i ra xaa ra xiꞌin i koto i ndóꞌo̱.

HEBREOS 13:23 Referans Kwoze

FILEMÓN 1:1

Yeꞌe ku ra Pablo, ra ndíkaa veꞌe kàà yóꞌó, ta xaꞌa ya káꞌan ndoso i tuꞌun vaꞌa xaꞌa Tata yo Jesucristo kua ndíkaa i yóꞌó. Ta xiꞌin ra Timoteo ñani yo kua táa i tutu yóꞌó xaa ya ndaꞌa un ñani yo Filemón, chi yóꞌo̱, ta xáa chiñu un nuu Tata yo Jesucristo tá kuꞌva xáa chiñu ndeꞌe nuu ra, ta ndee ni kúꞌvi ini nde xíni nde yóꞌo̱.

1 Tesalonicenses 3:2

ta ti̱ꞌvi nde ra Timoteo, ñani yo, xaa ra nuu ndo koto ra ndóꞌo̱. Ta ra ñaa iin káchi vaꞌa ni xáa chiñu ra nuu Ndioxi xiꞌin nde, káꞌan ndoso ra tuꞌun vaꞌa xaꞌa Tata yo Jesucristo. Ta ti̱ꞌvi nde ra xaa ra nuu ndo koto ra ndóꞌo̱, ya chindee ra ndóꞌo̱ kandixa ni ka ndo tuꞌun xaꞌa Tata yo Jesucristo, saa xaꞌa ni ra ndee xiꞌin ndo,

2 Timoteo 1:8

Xaꞌa ya ñaa kua kükaꞌán nuu un ndikuiin un kaꞌan un xaꞌa Tata yo Jesucristo. Ni xaꞌa yeꞌe kükaꞌán nuu un xaꞌa ya ndíkaa i veꞌe kàà yóꞌó xaꞌa ra. Ya ndee ni ka xíniñuꞌu un ikan un kua xaꞌa ndee ni ini un ndoꞌo un xiꞌin i xaꞌa tuꞌun vaꞌa xaꞌa ra. Ta mií ra taxi ndee ndaꞌa yo ya kuchiñu yo nuu ndiꞌi tindoꞌo vaxi nuu yo.

El Apocalipsis 7:14

Saa ndi̱kuiin i ndi̱kaꞌan i xiꞌin ra, káchi i saa: ―Köo xíni i, Tata. Mií un xíni unku na, káchi i xiꞌin ra. Saa ndi̱kuiin ra, káchi ra saa: ―Ndiꞌi na yóꞌó ku na ka̱na koo nuu yáꞌa ni vi ndi̱xuꞌvi na, ndo̱ꞌo ka vi na, ta ndi̱kata na tikoto na xiꞌin nií kiti Levo loꞌo, yakan ndu̱u yaa ni ya.

FILEMÓN 1:22

Saa xa káꞌan kuée tu i xiꞌin un, ya xaa súvi loꞌo un veꞌe un nuu ndoo loꞌo i koo i, chi xa káꞌan ni ndo xiꞌin Ndioxi xaꞌa i, ta mií ra ná kachi ta kama ni xaa i koto i ndóꞌo̱.

1 Timoteo 6:12

Xaꞌa ya ndáa ni ini un xíni un Tata yo Jesucristo, ta tá káa iin ra kéꞌe taꞌan saa káa un, chikaa ni ka un ndee ikan un tá kuꞌva íkan iin ra lapa ra ndee ni chíkaa ndee tá kuaꞌan ra nuu kuachi. Ta saa ikan un ya ná kuchiñu un niꞌi un koo un xiꞌin Ndioxi ndiꞌi saa kivi ya vaxi. Chi xaꞌa ya kutaku un xiꞌin ra kua ka̱na ra yóꞌo̱, ta nuu ndiꞌi na kua ki̱ndoo un ya xaa súvi un tuꞌun ra ya kándixa un.

ROMANOS 15:28

Tá ná sindiꞌi nditaꞌvi i xuꞌun xiꞌin na taꞌan yo, na ndóo ñuu Jerusalén, saa yaꞌa i ñuu Roma koto i ndóꞌo̱. Sindiꞌi ikán saa kee i kuꞌun i chí ñuu España.

ROMANOS 15:25

Sundi xiꞌna ñuu Jerusalén kua kuꞌun i vitin, ya chindee taꞌan i xiꞌin na ñuu Ndioxi ndóo ikán.

Colosenses 1:1

Yeꞌe Pablo, ra ndi̱kaxin Iva yo Ndioxi xaa chiñu i nuu Tata yo Jesucristo xiꞌin ra Timoteo, ñani yo, ku nde táa tutu yóꞌó,