HEBREOS 13:22 - Xochapa Mixteco

²² Na taꞌan yo, xíkan ni i ya mani nuu ndo, kaꞌnu ni koo ini ndo xaꞌa ya loꞌo ni kua táa i nuu tutu yóꞌó xaa ndaꞌa ndo. Ta taa ni soꞌo ndo ya káꞌan i xiꞌin ndo, ya xáꞌa ni i ndee xiꞌin ndo.

HEBREOS 13:22 Referans Kwoze

1 Pedro 5:12

Ra Silvano ñani yo ku ra ndee ni tuun ndíkun Tata yo Jesucristo, ta ra yóꞌó ku ra kuniꞌi tutu yóꞌó xaa ya ndaꞌa ndo, ta̱a i uvi ndaa tuꞌun xaa ya nuu ndo ya xáꞌa ni i ndee xiꞌin ndo káꞌan i xiꞌin ndo xaꞌa tindoꞌo ya ndee ni ndóꞌo ndo vitin, ta ya ñaa kua káꞌan ya ndee ni kúꞌvi ini Ndioxi xíni ra ndóꞌo̱.

HEBREOS 3:1

Ñani yo xiꞌin kuꞌva yo, ndóꞌo̱ ku ndo ndi̱kaxin Ndioxi, saa ka̱na ra ndóꞌo̱ ta xa̱a i̱í ra ndóꞌo̱ koo ndo xiꞌin ra. Yakan kiꞌin ni ndo kuenta, chi suvi mií Jesús ku ra ku apóstol, ra ti̱ꞌvi Ndioxi vaxi xaa chiñu ra nuu ra, ta kúu tu ra sutu ra chee ni nuu ndiꞌi yo kándixa ñaꞌa.

Gálatas 6:11

Xaꞌa ya ñaa kua kúni i ná kundaa ini ndo ya táa i tutu yóꞌó xiꞌin ndaꞌa mií i xaa ya ndaꞌa ndo, ta nda naꞌnu ka íyo letra ya táa i nuu ndo ya ná kundaa ini ndo xiꞌin ya káꞌan i xiꞌin ndo.

2 Corintios 6:1

Ndóꞌo̱ xiꞌin ndeꞌe, ta iin káchi xáa chiñu yo nuu Ndioxi, yakan xíkan ni nde ya mani nuu ndo ya ná kundàà vií ni ndo ya vaꞌa ndi̱niꞌi ndo nuu Tata yo.

2 Corintios 5:20

Ta ndeꞌe, tá káa ra xikuaꞌa xíka nuu, saa íin nde, chi ka̱na Ndioxi ndeꞌe ya xíka nuu nde nuu ra ndítuꞌun nde xiꞌin naꞌa. Ta yuꞌu mií Jesucristo kua káꞌan nde xiꞌin ndo, tá káꞌan nde xiꞌin ndo saa, ta tá íin ndeꞌe xáku ndaꞌvi nuu ndo saa íin nde, chi kána Ndioxi ndóꞌo̱ tixin ndeꞌe ya ná ndikitaꞌan mani ndo xiꞌin ra.

HEBREOS 4:11

Yakan kua xíniñuꞌu yo chikaa ni yo ndee ya ná kiꞌvi yo nuu ndikundee yo xiꞌin ra. Süvi ka vi ya ndoꞌo yó tá ndo̱ꞌo na xii sikua yo köo ndi̱xiin na kandixa ñaꞌa na, xaꞌa ya ikán kua köo ndi̱kuchiñu na kiꞌvi na koo na nuu ndikundee na xiꞌin ra.

HEBREOS 4:1

Yakan yoo, ta ná kundiꞌi ni ini yo, kiꞌvi yo koo yo nuu ndikundee yo xiꞌin Ndioxi. Ta kuenta ni ná koo yo süvi ka vi ya ndoo sava yo chí sata, ta küchiñu yo kiꞌvi yo koo yo nuu ndikundee yo xiꞌin ra.

HEBREOS 2:1

Xaꞌa ya yóꞌó kua xíniñuꞌu yo chikaa ni soꞌo yo xaꞌa tuꞌun Ndioxi ya xi̱ni soꞌo yo ya ná sïndoo yo ichí ra, ta ná kandixa ni ka yo ra.

2 Corintios 10:1

Ta yeꞌe Pablo, ku ra káꞌan xiꞌin ndo xáku ndaꞌvi i nuu ndo xiꞌin ya vaꞌa, ya mani ta̱xi Cristo ndaꞌa i. Saa chi sava ndo káꞌan xaꞌa i ya ndee ni vita ini i tá íyo i xiꞌin ndo, sundi tá íyo xíka i nuu ndo ta ndee ni ndaku ini i, káchi ndo xaꞌa i.

Los Hechos 13:15

Ta ikán ndóo nda tá ka̱ꞌvi na ley Ndioxi ya ta̱a ra Moisés xiꞌin ya ta̱a nda ndi̱kaꞌan ndoso tuꞌun yuꞌu Ndioxi. Tá ndi̱ꞌi ka̱ꞌvi na ya ikán, saa ti̱ꞌvi nda naꞌnu veꞌe ñuꞌu sinagoga ikán tuꞌun kuaꞌan nuu ra Pablo xiꞌin nda taꞌan ra, káchi nda saa: ―Ñani yo, tá tu íyo tuꞌun ndikani ndo nuu na ndóo yóꞌó nuu taxi ndo ndee ndaꞌa na, ta vaꞌa kaꞌan ndo xiꞌin na, che ―káchi nda xiꞌin ra Pablo.

Efesios 3:3

Vani xa kuaꞌa ni kuiya ndi̱xiyo sěꞌe ñaꞌa ya chi̱tuni mií ra nuu naꞌa, sundi nuu yeꞌe ta xa si̱tuvi va ra ya nuu i tá kuꞌva ndi̱kaꞌan i xiꞌin ndo nuu ta̱a i loꞌo nuu ndo tá yachi.

HEBREOS 12:5

¿Án xa ndi̱ndoso ini ndo ya káꞌan Ndioxi xiꞌin ndo kúu ndo seꞌe ra? Tá káchi ra nuu tuꞌun ra, káchi ya saa: Seꞌe mií i, säa ndo tá káꞌan i xiꞌin ndo ndá kuꞌva xíniñuꞌu ndo kaka ndo. Ta ndïkava ini ndo tá ndáꞌi Ndioxi xiꞌin ndo.

HEBREOS 13:19

Ta xíkan ni i ya mani nuu ndo, kaꞌan ni ndo xaꞌa i xiꞌin Ndioxi ya ná taxi ra kama ni ndiko koo tuku i kuꞌun i koto i ndóꞌo̱.