HEBREOS 13:16 - Xochapa Mixteco

¹⁶ Ta ndïndoso ini ndo ya ikan ndo ya vaꞌa xiꞌin taꞌan ndo. Saa chindee ndo na taꞌan ndo xiꞌin ya kúu mií ndo, saa chi tá íkan ndo saa ta tá íin ya sóko ndo nuu Ndioxi saa íin ya íkan ndo, ta kúvaꞌa ni ini Ndioxi xiꞌin ya íkan ndo.

HEBREOS 13:16 Referans Kwoze

2 Tesalonicenses 3:13

Ta saa ndóꞌo̱, ñani yo xiꞌin kuꞌva yo, káꞌan nde xiꞌin ndo ya ná künaa ndo íkan ndo ya vaꞌa ndiꞌi saa kivi.

ROMANOS 12:13

Saa koo ndúvi ndo ya chindee ndo na ndaꞌvi veꞌe ñuꞌu, na ñuu Ndioxi. Ta ndikuiso vaꞌa ndo naꞌa, na xáa veꞌe ndo, án ñuu yati vaxi na, án ñuu xika vaxi na, ta ndikuiso ndo na. Saa taxi ndo kuxi na, ta taxi ndo nuu kusun na.

Gálatas 6:10

Ndiꞌi saa ichí ya kúchiñu yo chindee taꞌan yo xiꞌin naꞌa, ta vaꞌa ná ikan yo ya vaꞌa xiꞌin ndiꞌi na. Ta ndisaa ka vi na taꞌan yo, na ndáa ni ini xíni Jesucristo, ná chindee taꞌan ni yo xiꞌin na.

HEBREOS 6:10

Saa chi Ndioxi, ta vaꞌa ni ra, ndaa ni ini ra yakan ndïndoso ini ra xaꞌa chiñu ya íkan ndo, saa ndikaꞌán ini ra xaꞌa ndiꞌi ka ñaꞌa ya i̱kan ndo. Chi sínaꞌa ndo mií ndo ya kúꞌvi ni ini ndo xíni ndo ra, xaꞌa ya chíndee ndo naꞌa, na kándixa ñaꞌa. Ta nda vitin ta chíndee ka ndo na.

1 Timoteo 6:18

Vaꞌa kaꞌan un xiꞌin nda ñani yo, nda ndúkuika ni, ya xíniñuꞌu nda ikan ni nda ya vaꞌa. Ta ná küxiꞌnda nda, ná kusini ni nda nditaꞌvi nda ñaꞌa nda xiꞌin inka naꞌa.

Filipenses 4:18

Ndixaꞌvi ni ndo xaꞌa ya ti̱ꞌvi ndo ndaꞌa i chi̱ndee ni ndo yeꞌe chi vitin ta xa íyo ndiꞌi ya xíniñuꞌu i, köo ka ya kúmani nuu i, nda ndóo ndoso ka ya nuu i, saa chi xa ndi̱kiꞌin i ya ti̱ꞌvi ndo vaxi xiꞌin ra Epafrodito, ñani yo. Ta tá káa ya luvi xáꞌan sóko ndo nuu Ndioxi saa káa ya, ta Ndioxi kúsini ni ra xiꞌin ndo.

Efesios 4:28

Ndiꞌi naꞌa, na ku̱too sikuiꞌna, ta ná sïkuiꞌna ka na. Vaꞌa ná xaa chiñu na xiꞌin ndaꞌa na, ta saa koo ñaꞌa nuu na chindee taꞌan na xiꞌin na ndaꞌvi, na köo ñaꞌa nuu.

1 Tesalonicenses 5:15

Kuenta koo ndo, sïndiko koo ndo ya väꞌa nuu taꞌan ndo. Ndisaa ya vaꞌa ikan ndo xiꞌin taꞌan ndo, saa ikan ndo xiꞌin ndiꞌi naꞌa.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

San Lucas 18:22

Ñaa tá xi̱ni soꞌo Jesús ya ndi̱kaꞌan ra, saa ndi̱kaꞌan ra xiꞌin ra, káchi ra saa: ―Vani xa íkan ndiꞌi un ya ñaa, sundi kümani ka siín ya ikan un. Xiko ndiꞌi ñaꞌa kúu mií un ta chindee un na ndaꞌvi. Saa ku ndixa ya ndukuika un xiꞌin Ndioxi nuu ndivi. Ikan ya ñaa, tá sindiꞌi un i̱kan un ya, ta saa kixi un kundikun un yeꞌe ―káchi Jesús xiꞌin ra.

3 Juan 1:11

Ñani yo, kündikun un ichí na íkan ya väꞌa, ichí na íkan ya vaꞌa kundikun un. Saa chi na íkan ya vaꞌa ta na ñaa ku seꞌe Ndioxi, ta na íkan ya väꞌa ta täꞌan kuni na Ndioxi.

Gálatas 6:6

Ta naꞌa, na síkuaꞌa xiꞌin iin ra maestro, sínaꞌa ra na xaꞌa tuꞌun Ndioxi, ta xíniñuꞌu na chindee taꞌan na xiꞌin ra xiꞌin ndiꞌi ndá ka ñaꞌa vaꞌa kúu mií na.

FILEMÓN 1:6

Ta káꞌan ni i xiꞌin Ndioxi xaꞌa un ya ná chindee ni ra yóꞌo̱ xaꞌa ya ndee ni ndáa ini un xíni un ra, saa kua kuchiñu kundaa ini un ikan un ya vaꞌa xaꞌa ya kúꞌvi ni ini un xíni un Tata yo Jesucristo.

Filipenses 4:14

Vani köo ndíꞌi ini i xaꞌa ñaꞌa ya xíniñuꞌu i, ta ndóꞌo̱, ta vaꞌa ni i̱kan ndo xiꞌin i, ti̱ꞌvi ndo ya xa̱a ya ndaꞌa i. Xiꞌin ya yóꞌó chi̱ndee ndo yeꞌe xaꞌa tindoꞌo ya ndóꞌo i vitin.

Los Hechos 9:36

Ta kivi ikán íyo iin yá kándixa Jesús ñuu Jope náni yá Tabita, ta tuꞌun griego kúni kachi ya Dorcas. Ta nina ya vaꞌa íkan yá, chíndee ni yá na ndaꞌvi.