HEBREOS 13:12 - Xochapa Mixteco

¹² Ta saa ndo̱ꞌo tu Jesús va, ta̱va na ra nda nuu ñuu Jerusalén ta ikán xa̱ꞌni na ra xaꞌa yo, ta xiꞌin nií mií ra ku rá nda̱sa i̱í ra yoo, nda̱sa vaꞌa ra yo, si̱ndiꞌi xaꞌa ra kuachi yo nuu Ndioxi.

HEBREOS 13:12 Referans Kwoze

1 Corintios 6:11

Taꞌan ya väꞌa yóꞌó ku ya i̱kan sava ndo yachi. Sundi vitin ta xa ndo̱o kuachi ndo, xa ndu̱u ndo naꞌa, na i̱í, na köo ka kuachi kúu mií nuu Ndioxi. Ta xa ndi̱kuiso vaꞌa ra ndóꞌo̱ tixin ndee Tata yo Jesucristo, saa tu xiꞌin ndee Tachi I̱í mií Iva yo Ndioxi va.

Los Hechos 7:58

Ti̱in na ra ta̱va na ra kuaꞌan ra xiꞌin na nda nuu ñuu. Ta ikán ta̱va na toto súkun na. Ñaa xa̱á na kóꞌni na yu̱ú sata ra xáꞌni ñaꞌa na. Ta íyo iin ra kuâán, ra náni Saulo, ra ikán ndi̱kuiso chiñu xiꞌin toto sukun na.

Efesios 5:26

I̱kan ra saa xiꞌin yo ya kuchiñu ra ndasa i̱í ra yoo. Ta xaꞌa ya xi̱ni soꞌo yo tuꞌun vaꞌa xaꞌa ra kua ndu̱u yo naꞌa, na i̱í nuu ra, saa chi̱chi yo xiꞌin tikuii xaꞌa ya kándixa yo ra.

HEBREOS 10:29

Ta ndisaa ka vi ndee ni ndee kundoꞌo naꞌa, na kóso kava Tata yo Jesucristo, ra kúu Seꞌe Ndioxi, chi köo kíꞌin na kuenta xaꞌa nií ra, nda tá káa rá väꞌa saa káa ra nuu na, saa íkan naꞌa, na kúndasi nuu xíni Tachi I̱í Ndioxi, ra kúꞌvi ni ini xíni ñaꞌa, chi suvi xiꞌin nií Tata yo Jesucristo kua ki̱ndoo ra trato ya ikan ra ya vaꞌa xiꞌin yo.

San Juan 17:19

Xa ndi̱taxi ndiꞌi i mií i ndaꞌa un ya xaa súvi i ya kúni un, ta saa na ndíkun yeꞌe ná nditaxi ndiꞌi na mií na ya xaa súvi na ya kúni un tixin ya ndaa ni kúu mií un.

HEBREOS 2:11

Saa chi iin ku ra ndása i̱í yoo, ta saa ndúu ndiꞌi yo iin xiꞌin ra ta iin káchi ndúu i̱í ndiꞌi yo nuu ra, yakan köo kúkaꞌán nuu ra kaꞌan ra xiꞌin yo ya kúu yo ñani ra.

San Juan 19:34

Sundi iin ra lapa ikán tu̱vi ra itun íyo kàà nuu ñaꞌñu xiín Jesús, tá tu̱vi soꞌva ra ya ta ndikun ke̱e nií xiꞌin tikuii.

San Lucas 4:29

Saa ndi̱kundita ndiꞌi nda ta ti̱in nda ra kuaꞌan ra xiꞌin nda nuu ñuu nda. Ta nuu xiki súkun nuu íin ñuu nda ikán ku̱ni nda kiꞌin nda ra sikana nda.

HEBREOS 10:10

Xaꞌa ya i̱kan Jesucristo ndi̱taxi ra mií ra ndi̱xiꞌi ra xaꞌa yo, ta xaꞌa ya ikán kua ndu̱u yo na ií, na vaꞌa nuu Ndioxi, saa chi Jesucristo ta xa̱a súvi ra ya kúni mií Ndioxi. Ta nda iin ichí köo xíniñuꞌu tuku ra ikan ra saa.

El Apocalipsis 14:20

Ta nuu ndi̱koꞌni kiti uva ikán ku nuu mií ñuu kaꞌnu chí sata nama keꞌe ya ndási nuu ñuu ku̱u saa. Ta ndiꞌi nduta rá ke̱e nuu ndi̱koꞌni kiti uva ikán, ndu̱u rá nií. Tá kuꞌva kuaꞌa ni nduta ita tá kúnu ni rá saa kuaꞌa ni ku nií ikán, ta ndi̱xinu koo rá nda nuu ñúꞌu kàà yuꞌu kiti kuai, saa ndi̱xita rá kuaꞌan rá nda uni ciento kilómetro ya ndíka.