HEBREOS 13:10 - Xochapa Mixteco

¹⁰ Saa chi yoo ta vaꞌa kuyati yo nuu Ndioxi xaꞌa ya i̱kan Tata yo Jesucristo ndi̱xiꞌi ra xaꞌa yo. Sundi nda sutu, nda xáa súvi ka ya káꞌan ley Ndioxi ini veꞌe ñuꞌu manta, ta küvi kuyati nda nuu Ndioxi.

HEBREOS 13:10 Referans Kwoze

1 Corintios 10:20

Ta kúni i ná kundaa ini ndo, chi tá sóko na ñaꞌa nuu ndioxi na, ta süvi nuu Ndioxi sóko na ya, nuu tachi nduvaꞌa va sóko na ya, yakan yeꞌe ta köo kúni i ya koo yuꞌu ndo xiꞌin tachi nduvaꞌa.

1 Corintios 9:13

Xa xíni mií ndo, naꞌa, na xáa chiñu veꞌe ñuꞌu kaꞌnu nuu na judío, ta ikán kána ñaꞌa xíxi na. Ta saa tu na xáa chiñu nuu nama i̱í, ikán xíxi tu na ikán va ñaꞌa ya sóko naꞌa nuu Ndioxi.

HEBREOS 8:5

Sundi chiñu ya íkan nda sutu yóꞌó ini veꞌe ñuꞌu, ta tá káa copia ya íyo nuu ndivi va káa ya ndínaꞌa na ndá kuꞌva káa mií ya ndixa ndaa ni íyo ini veꞌe ñuꞌu nuu ndivi. Ta xíni yo kúu ya copia, saa chi tá kivi ndi̱kaꞌan Ndioxi xiꞌin ra Moisés ya sikuaꞌa ra veꞌe ñuꞌu manta nuu kañuꞌu na Ndioxi, ta ndi̱kaꞌan ra xiꞌin ra, káchi ra saa: “Koto vaꞌa un ya kaꞌan i xiꞌin un, tá kuꞌva káa nií copia ya sinaꞌa i nuu un iku yóꞌó, saa koo ya sikuaꞌa un”, káchi Ndioxi xiꞌin ra.