HEBREOS 12:9 - Xochapa Mixteco

⁹ Ta xa xíni mií ndo tá ndi̱xiyo vali yo, ndi̱xuꞌvi ni yo nuu iva yo nuu si̱naꞌa nda yoo ikan yo ya vaꞌa, ta saa ni xi̱ni soꞌo yo ya ndi̱kaꞌan nda xiꞌin yo, ta xa̱a toꞌo yo nda. Ta saa tu Iva yo Ndioxi ra íyo nuu ndivi ni̱nù, ná xaa toꞌo yo ra ikán, saa chi ra ikán ku ra táxi ya kutaku yo xiꞌin ra.

HEBREOS 12:9 Referans Kwoze

San Juan 3:6

Ndiꞌi na káku tá kuꞌva káku na ñuu ivi yóꞌó ta kuenta na ñuu ivi yóꞌó ku na. Ta ndiꞌi na káku tixin Tachi I̱í Ndioxi, ta kuenta Tachi I̱í Ndioxi ku na.

1 Pedro 5:6

Ta xaꞌa ya ikán kua xaa ni̱nu̱ xiꞌin mií ndo tixin ndee chee ni kúu mií Ndioxi, saa tá ti̱ndaa kivi ya chi̱tuni mií ra saa kua xaa kaꞌnu ra ndóꞌo̱.

Santiago 4:7

Yakan nditaxi ndiꞌi ndo mií ndo ndaꞌa Iva yo Ndioxi, ndaku koo ini ndo, täxi ndo sindaꞌvi kiti nǎꞌa ndóꞌo̱, ni xäa súvi ndo ndá ka ya káꞌan ri, ta saa kutaꞌa ri, saa kuxiyo ri kuꞌun ri.

ROMANOS 9:5

Ra Abraham xiꞌin ra Isaac tin ra Jacob, nda yóꞌó ku xii sikua ndiꞌi nde ñuu Israel, ta xii sikua tu Jesucristo va ku nda. Xaꞌa ya ki̱xi Jesucristo ñuu ivi yóꞌó ta ndi̱xiyo ikin kuñu ra tá kuꞌva íyo mií yo, yakan kúu ra Ndioxi ra Chee ni nuu ndiꞌi ñaꞌa. Vaꞌa ná kunuu vaꞌa ni ya toꞌo ra ndiꞌi saa kivi ya vaxi. Saa ná koo.

Santiago 4:10

Kusiti ndo nuu Iva yo Ndioxi, sindikava ndo ini ndo nuu ra ta xaa kaꞌnu ini ra xaꞌa ndo.

ROMANOS 9:3

Saa chi ndinuꞌu ni ini i kúni i chindee taꞌan i xiꞌin na ya ná kandixa na Jesucristo, ta saa ndikundikun na Ndioxi. Tá ya kúvi ku ya kundiso i chiꞌña ya kuxika i ichí Jesucristo ndikuu, ta vaꞌa ikan i saa ya kuchiñu chindee i na ya ná ndikundikun na ra, chi kúꞌvi ni ini i xíni i na.

ROMANOS 1:3

Ta xaꞌa Tata yo Jesucristo ra kúu Seꞌe Ndioxi, ra chee nuu yo kua ndíkani tuꞌun vaꞌa ikán. Ta kúu Jesucristo Seꞌe sikua ra rey David, xaꞌa ya ka̱ku ra tá kuꞌva káku ndiꞌi yo ñuu ivi yóꞌó.

Los Hechos 2:30

Sundi ra ndi̱kaꞌan ndoso tuꞌun yuꞌu Ndioxi ndi̱xiyo ra, ta ku̱ndaa ini ra xaꞌa tuꞌun ya ndi̱kaꞌan Ndioxi xiꞌin ra, nuu chi̱naꞌa ñaꞌa Ndioxi ya kaku iin taa tixin seꞌe sikua ra ñuu ivi yóꞌó, ta ra ikán ku ra ku Cristo, ra ndikunduꞌu nuu tai toꞌo nuu xi̱nduꞌu mií ra rey ikán.

San Lucas 18:2

Ñaa xa̱á ra káꞌan ra, káchi ra saa: ―Ndi̱xiyo iin ra juez iin ñuu, ta ni köo íꞌvi ra xíni ra Ndioxi ni na ivi yóꞌó köo íꞌvi ra xíni ra.

San Lucas 18:4

Ta ni köo káꞌan ra juez ikán chindee ra yá. Saa kúu yá, saa kúu yá xíka yá nuu ra vitin taan. Ñaa xa̱á ndíkani ini ra káchi ra saa: “Vani köo káñuꞌu i Ndioxi ni köo káñuꞌu i na ivi yóꞌó,

El Apocalipsis 22:6

Saa ndi̱kaꞌan tatun Ndioxi xiꞌin i, káchi ya saa: ―Tuꞌun yóꞌó ku ya ndaa ni, ya ndixa ni. Mií Iva yo Ndioxi ku ra ta̱xi ya xínituni ndaꞌa nda ndi̱kaꞌan ndoso tuꞌun yuꞌu ra xinaꞌa, ta vitin xa ti̱ꞌvi ra tatun ra ya kuꞌun ya ndituꞌun ya xiꞌin na xáa chiñu nuu ra ya ná kundaa ini na xaꞌa ñaꞌa ya xa numí ni kuu.