HEBREOS 12:19 - Xochapa Mixteco

¹⁹ Ta xi̱ni soꞌo na tachi itun trompeta ndáꞌi nuu, ta saa xi̱ni soꞌo na tachi Ndioxi káꞌan ra xiꞌin na. Ñaa xa̱á na xáku ndaꞌvi na nuu ra ya ná käꞌan ka ra xiꞌin na xaꞌa ya íꞌvi ni na,

HEBREOS 12:19 Referans Kwoze

1 Corintios 15:52

Iin kuu soꞌva tá ná kuu saa, tá íkan yo tá ndíkuani yo saa kuu nuu nduxaa yo. Ta saa kua kuni soꞌo yo ndaꞌi itun trompeta, itun ndaꞌi sindiꞌi, ta ndee ni ndee ndaꞌi nu ikán, saa nditaku ndiꞌi naꞌa, na xa ndi̱xiꞌi, ta küvi ka na, chi küu ka mií na ikin kuñu na táꞌan ya táꞌi, ta iin nduxaa ikin kuñu ndiꞌi yo.

1 Tesalonicenses 4:16

Saa chi kivi tá ná ndiko koo ra kixi ra nuu ndivi, ta yáꞌa ni ndee kaꞌan ra xaꞌa ya kúu mií ra ichí xáꞌnda chiñu ra. Saa ndee ni tu kaꞌan iin mií tatun Ndioxi ya ínuu nuu ndiꞌi na tatun ra, ndee ni tivi ya itun trompeta Ndioxi tá ná ndiko koo Tata yo Jesucristo. Ta xiꞌna naꞌa, na ka̱ndixa ra ku na nditaku.

San Mateo 24:31

Saa tiꞌvi i na tatun Ndioxi ta ndee ni ndaꞌi na xiꞌin trompeta tivi na kuꞌun na ndikaya na ndiꞌi na ndi̱kaxin i ya kundikun na ichí i. Ta ndiꞌi ni kúu xaꞌa ñuu ivi kana koo na, xaa na nuu i.

HEBREOS 12:25

Yakan kua xíniñuꞌu ni yo kuni soꞌo yo ya káꞌan Ndioxi xiꞌin yo, süvi ka vi ya kundoꞌo yo tá ndo̱ꞌo xií sikua yo kivi köo ndi̱xiin na kuni soꞌo na ya ndi̱kaꞌan ra xiꞌin na iku Sinaí ñuu ivi yóꞌó. Tá tu köo ndi̱kuchiñu na ikán kaku na kivi ndi̱kaꞌan ra xiꞌin na ñuu ivi yóꞌó, ta ndisaa ka vi yoo, unkua ikan yo kaku yo tá tu köo xíin yo kuni soꞌo yo ya káꞌan ra xiꞌin yo kivi vitin. Saa chi kivi káꞌan ra xiꞌin yo ta nda nuu ndivi vaxi ya káꞌan ra xiꞌin yo.