HEBREOS 12:16 - Xochapa Mixteco

¹⁶ Ta nda iin ndóꞌo̱, käka sií xiꞌin ñaꞌa án xiꞌin taa, ta ni kündasi nuu ndo kuni ndo Ndioxi tá kuꞌva i̱kan ra Esaú xinaꞌa. Chi xaꞌa ya kúu ra seꞌe núnu̱ú iva siꞌí ra kua ku̱u mií ra ichí ya ndikiꞌin ra ya vaꞌa ndaꞌa na, sundi ra ikán, ta ndi̱xiko ra ya xaꞌa iin koꞌo loꞌo ñaꞌa xíxi.

HEBREOS 12:16 Referans Kwoze

El Apocalipsis 22:15

Ta na väꞌa ndoo na kundoo na chí keꞌe, chi na ikán ku na i̱kan ya väꞌa, ya kini ni. Saa tu na tuꞌva, na tási, saa tu nda taa nda ndi̱xika xiꞌin ná síꞌi, ta saa tu ná síꞌi ná ndi̱kiꞌvi xiꞌin taa, ta saa tu na xa̱ꞌni ndìì, saa tu na xa̱a kaꞌnu inka ndioxi án inka naꞌna ndioxi ra köo kúu Ndioxi ndaa, saa tu na kútoo ni kaka xiꞌin ya síki, ta síndaꞌvi na naꞌa. Ndiꞌi na ikán küchiñu na koo na ñuu i̱í xiꞌin Ndioxi.

HEBREOS 13:4

Ndóꞌo̱ taa nda xa ti̱ndaꞌa, án ná síꞌi xa ti̱ndaꞌa ta xíniñuꞌu ndo kañuꞌu ndo yá síꞌi ndo án i̱í ndo. Ta käka ndo xiꞌin inka ñaꞌa án inka taa, saa chi Ndioxi ta ndee ni xaa nduvaꞌa ra xiꞌin ndiꞌi na íkan saa.

Los Hechos 15:29

küxi ndo ñaꞌa ya táxi na ndaꞌa naꞌna ya káꞌan na kúu ndioxi. Ni ni̱í kiti küxi ndo. Ni ri ndíxita na sukun küxi ndo. Ta ni kïꞌvi ndo xiꞌin ñaꞌa tá tu süvi yá síꞌi ndo ku yá, ta saa tu ná síꞌi va tá tu süvi ií na ku taa. Tá xáa súvi ndiꞌi ndo ya yóꞌó ta vaꞌa ni íkan ndo. Ta ya yóꞌó ku ndiꞌi ya káꞌan nde xiꞌin ndo, ná koo vaꞌa ni ini ndo”, káchi nda apóstol xiꞌin tutu ikán.

San Marcos 7:21

Saa chi chí nima na kána koo ya väꞌa ndíkani ini na, tá kúu ya ndíkani kiꞌvi ini na, ta saa tá kúu iin ra kuakiꞌvi xiꞌin ñaꞌá ta süvi yá síꞌi ra ku yá, án ñaꞌá kuakiꞌvi yá xiꞌin taa ta süvi i̱í yá ku ra, xiꞌin ya xáꞌni na ndìì.

El Apocalipsis 21:8

Ta na síndikoo ichí i xaꞌa ya íꞌvi na tixuꞌvi na xaꞌa i, ta kuꞌun na yavi nuu xíxi ni ñu̱ꞌu̱ xiꞌin ñuꞌú káꞌndi ya náni azufre, saa kundoꞌo na köo xíin kandixa yeꞌe, na íkan ndiꞌi saa nuu ya väꞌa, ya kini, xiꞌin na xáꞌni ndìì, xiꞌin nda taa nda kuakiꞌvi xiꞌin inka ñaꞌa, án ndiꞌi ná ñaꞌa ná kuakiꞌvi xiꞌin inka taa, saa tu na tási xiꞌin na káñuꞌu yu̱ú savi án na káñuꞌu inka naꞌna ya köo kúu ndioxi ra ndaa, xiꞌin ndiꞌi na ndítuꞌun vata. Ta ya ndoꞌo ni na yóꞌó ku nuu “kuvi na ichí uvi” ―káchi Ndioxi ndi̱kaꞌan ra xiꞌin i.

Colosenses 3:5

Ta vitin köo ka ndo tá kuꞌva ndi̱xiyo ndo yachi. Vaꞌa sindiꞌi xaꞌa ndo ya chíndaꞌa ndóꞌo̱ ikan ndo ya väꞌa, tá kúu nda taa ta küvi kiꞌvi nda xiꞌin inka ñaꞌa tá tu süvi yá síꞌi nda ku yá, ni ná síꞌi ta ná kïꞌvi ná xiꞌin inka taa tá tu süvi i̱í ná ku nda, ta saa küni ndo ikan ndo ndá ka ñaꞌa ya väꞌa, kütoo ni ndo ndikani ini ndo xaꞌa ya väꞌa, ta ni kütoo ni ndo koo kuaꞌa ni ñaꞌa ndo, chi tá íkan ndo saa, ta tá íin naꞌa, na xáa kaꞌnu ndioxi ndíi, saa íin ndo.

Efesios 5:5

Chi xa xíni mií ndo ndiꞌi naꞌa, na kuakiꞌvi xiꞌin taꞌan ta küchiñu na koo na xiꞌin Ndioxi nuu xáꞌnda chiñu Tata yo Cristo. Ni naꞌa, na íkan ndá ka ñaꞌa ya kini ni káa, ya yakua án na kútoo ni koo kuaꞌa ñaꞌa. Ndiꞌi na íkan saa ta tá íin na káñuꞌu ndioxi siki va saa íin na.

2 Corintios 12:21

Yakan ndíꞌi ka vi ini i tá ná xaa i koto i ndóꞌo̱, chi ndee ni ìyo si̱kaꞌán Ndioxi nuu i chi sana täꞌan ndiko koo ini ndo xaꞌa kuachi ndo ya íkan ndo yachi. Ta xaꞌa ya íkan ndo saa, ta án sana nda kuaku suchi ni ini i xaꞌa sava ndo, chi täꞌan sindoo ndo ñaꞌa väꞌa íkan ndo, xíka sií yaa va ndo xiꞌin taꞌan ndo, ta saa íkan ndo ñaꞌa ya kaꞌa̱n ni nuu.

1 Corintios 10:8

Xaꞌa ya ikán kua ná kïꞌvi yo xiꞌin inka ná síꞌi án inka nda taa ya kukueꞌe yo xiꞌin taꞌan yo. Süvi ka vi ya kundoꞌo yo tá ndo̱ꞌo sava na xinaꞌa, xaꞌa ya i̱kan na saa, ta iin kivi ndi̱xiꞌi oko uni mil naꞌa.

Los Hechos 15:20

Vaꞌa ná taa yo iin tutu kuꞌun ndaꞌa na nuu kaꞌan yo xiꞌin na ya küvi kuxi na ñaꞌa ya táxi naꞌa ndaꞌa naꞌna ya káꞌan na kúu ndioxi. Ta ni iin taa ta küvi kiꞌvi ra xiꞌin inka ñaꞌa tá tu süvi yá síꞌi ra ku yá, saa tu ná ñaꞌa va tá tu süvi ií ná ku iin taa, ni kiti ndíxita na sukun küvi kuxi na, ni nií ri küvi kuxi na, kachi yo xiꞌin tutu tiꞌvi yo kuꞌun ndaꞌa na köo kúu judío.

Efesios 5:3

Chi ndóꞌo̱, ta na ñuu Ndioxi na i̱í ku ndo, xaꞌa ya ñaa kua nda loꞌo ïkan ndo ñaꞌa ya kini ni káa, tá kúu nda taa, nda kuakiꞌvi xiꞌin ñaꞌa ta süvi yá síꞌi nda ku ná, án ñaꞌa ná kuakiꞌvi xiꞌin taa, ta süvi ií ná ku nda. Nda loꞌo ndïkani ini ndo xaꞌa nda iin taꞌan ñaꞌa ya kini ni káa yóꞌó, ni ya koo náꞌna ni ñaꞌa nuu ndo, ndïkani ini ndo xaꞌa.

1 Timoteo 1:9

Saa chi yoo ta xíni yo ya vaꞌa ni ku ya, ta köo ndi̱taxi ra ya ndaꞌa ra Moisés xaꞌa naꞌa, na vaꞌa, na kándixa ñaꞌa, xaꞌa naꞌa, na íkan ya väꞌa kua ta̱xi Ndioxi ya, xaꞌa na kini, na iku ini, na köo káñuꞌu Ndioxi ta ni köo xáa súvi na ya káꞌan ra xiꞌin na, na xáꞌni iva siꞌí, xiꞌin na xáꞌni taꞌan,