HEBREOS 12:11 - Xochapa Mixteco

¹¹ Ya ndaa kua, tiempo ndóo yo vitin ta nda iin yo köo kúsini tá kivi sítixuꞌvi iva siꞌí yo na ivi yóꞌó mií yo ni tá sítixuꞌvi Ndioxi yoo nuu sínaꞌa ra yoo ta yo kúsuchi ini va ku yo, ta ndíkava ini yo tá ndóꞌó yo saa. Sundi ya vaꞌa ni mií va yo kua ndóꞌo yo saa, chi saa kua ikan yo ya vaꞌa ta taxi Iva yo Ndioxi ya koo vaꞌa ni ini yo, kusini ni yo.

HEBREOS 12:11 Referans Kwoze

2 Corintios 4:17

Chi tindoꞌo ya ndee ni ndóꞌo nde vitin tíxuvi nde, ta ni süvi ya ndee ni kua, ya yáꞌa va kua, ni köo ítaꞌan ya xiꞌin ñaꞌa ya ndee ni luvi táxi Ndioxi ndaꞌa nde níꞌi nde nuu ra, ta ya táxi ra ndaꞌa nde ta köo ndíꞌi xaꞌa nda iin ichí.

1 Pedro 1:6

Xaꞌa ya ñaa kua kusini ni ndo vitin, vani vaxi kivi ya ndee ni kuaꞌa nuu tindoꞌo kixi nuu ndo koto ndoso ya ndóꞌo̱, ta kuaꞌa ndee ni ini ndo xiꞌin ya.

HEBREOS 12:10

Ta saa tu iva yo nda ivi yóꞌó ku nda, ta chi̱ndee taꞌan nda xiꞌin yo si̱tixuꞌvi nda yoo ya ná ïkan yo ndisaa ya kúni mií yo. Saa ndi̱kani nda nuu yo tá kuꞌva vaꞌa túvi mií nda, saa i̱kan nda xiꞌin yo uvi ndaa kivi. Ta ndee ni ka vaꞌa íkan Iva yo Ndioxi xiꞌin yo, tá tu sítixuꞌvi ra yoo ta xaꞌa ya vaꞌa mií va yo kua íkan ra saa xiꞌin yo, saa chi ndása vaꞌa ra yoo ndúu i̱í ka yo tá kuꞌva íyo mií ra.

HEBREOS 5:14

Sundi naꞌa, na kúndaa vaꞌa ini, ta xáꞌnu ka na xiꞌin tuꞌun Ndioxi. Ta na ikán ku na íin tá íin na xa xa̱ꞌnu, na xa vaꞌa xíxi mií, saa chi xíni na unkua vaꞌa ta unkua väꞌa.

ROMANOS 14:17

Xíniñuꞌu yo kundaa ini yo chi süvi xaꞌa ya xíxi yo, ta ni süvi xaꞌa nduta xíꞌi yo kua ndáa yaꞌvi ni chindee yoo koo yo nuu xáꞌnda chiñu Ndioxi. Ya ndee ni ndee ku ya ikan yo ya vaꞌa, ya ndaa xiꞌin taꞌan yo, ta vívií ná koo yo xiꞌin taꞌan yo, ná kusini ni yo xaꞌa ya ta̱xi Tachi I̱í Ndioxi ndaꞌa yo ya koo vaꞌa ni ini yo.

2 Pedro 2:14

Ni küvi kuni nda iin ná síꞌi, chi tá xíto nda nuu ná ta tá káa nda xa kuakiꞌvi xiꞌin va ná saa káa nda, túvi nda. Nina ya kútoo ni ikin kuñu nda kua íkan nda, nduvi niuun ndíkani ini nda xaꞌa ya väꞌa, ni köo xáa ini nda xiꞌin ñaꞌa kúu mií nda. Xaꞌa ya íkan nda saa ta nda xa ndi̱tavi chiꞌña ndu̱u nda.

2 Timoteo 4:8

Ta xíni i vaꞌa ni ini Ndioxi ta nina ya ndaa íkan ra xiꞌin naꞌa, chi mií ra ku ra xáa nani kuachi xiꞌin na. Ta saa ikan ra xiꞌin i taxi ra ya vaꞌa ndaꞌa i, tá kuꞌva íkan na xiꞌin naꞌa, na kéꞌe taꞌan níꞌi na ñaꞌa xaꞌa ya vaꞌa íkan na. Kuꞌva saa ikan Ndioxi xiꞌin i, taxi ra ya vaꞌa ndaꞌa i chi xa xa̱a súvi ndiꞌi i chiñu ya ta̱xi ra ndaꞌa i. Ta süvi ndisaa yeꞌe niꞌi ya vaꞌa ikan ra, ndiꞌi na ndíkun ichí ra ta ndátun na ndiko koo ra, na ikán ku na niꞌi ya vaꞌa.