Biblia Todo Logo
Bib sou entènèt

- Piblisite -




HEBREOS 11:7 - Xochapa Mixteco

7 Xaꞌa ya xi̱ndaa ni ini ra Noé xi̱ni ra Ndioxi kua si̱kuaꞌa ra itun barco tá ndi̱kaꞌan Ndioxi xiꞌin ra kixi tindoꞌo sata na ñuu ivi yóꞌó, ta nda iin ichí täꞌan kuun kini ni saví tá kuꞌva ku̱un rá kivi ikán. Xaꞌa ya xi̱ndaa ni ini ra xi̱ni ra Ndioxi yakan kua xa̱a súvi ra ya ndi̱kaꞌan Ndioxi xiꞌin ra, ya kuchiñu kaku na veꞌe ra. Ta xaꞌa ya i̱kan ra saa kua ta̱xi ra kuachi xaꞌa na ñuu ivi yóꞌó. Ta saa ndi̱niꞌi ra ya vaꞌa nuu Ndioxi, ndu̱u ra tá káa iin naꞌa, na köo ka kuachi kúu mií nuu Ndioxi, xaꞌa ya xi̱ndaa ni ini ra xi̱ni ra Ndioxi.

Gade chapit la Kopi




HEBREOS 11:7
41 Referans Kwoze  

Chi na ikán ta köo ndi̱xiin na xaa súvi na ya ndi̱kaꞌan Ndioxi xiꞌin na tá tiempo ya ndi̱xiyo ra Noé. Ndee ni ndi̱xaꞌa ndee ini Ndioxi xi̱ndatun ra na tá ndi̱xika ra Noé si̱kuaꞌa ra itun barco ya kaku na. Ta ndisaa una kuiti ndi̱xiyo na ndi̱kaku, köo ndi̱xiꞌi na xiꞌin tikuii.


Ndi̱kaꞌan Ndioxi xiꞌin ra Abraham ya taxi ra ñuu ivi yóꞌó ndaꞌa ra xiꞌin na seꞌe sikua ra. Ta süvi xaꞌa ya xáa súvi ra ley Ndioxi kua taxi ra ya ndaꞌa ra xiꞌin na seꞌe sikua ra. Sundi xaꞌa ya kándixa ni ra Ndioxi kua ndu̱u ra ra vaꞌa, ra káa tá káa naꞌa, na köo ka kuachi kúu mií nuu Ndioxi.


Tá xa ku̱yati kivi ndiko koo yeꞌe ku Taa ra xa̱a ñuu ivi yóꞌó, ta tá ku̱u tiempo ya ndi̱xika ra Noé saa kuu.


Chi ndi̱kiꞌin vaꞌa Ndioxi yeꞌe, ta süvi xaꞌa ya xáa súvi i ley ra ya si̱ndoo ra Moisés kua ndi̱kiꞌin vaꞌa ra yeꞌe, xaꞌa ya ndáa ni ini i xíni i Jesucristo kua ndi̱kiꞌin vaꞌa ra yeꞌe, saa nda̱sa ra yeꞌe tá káa iin naꞌa, na köo ka kuachi kúu mií nuu Ndioxi.


Sundi ndeꞌe ta tixin Tachi I̱í ra kua kúndaa teꞌe ini nde ya ndikuiso Ndioxi ndeꞌe nuu ra, nduu nde tá íin naꞌa, na köo ka kuachi kúu mií nuu ra, xaꞌa ya ndáa ni ini nde xíni nde Jesucristo.


Kivi ndi̱xiyo Cristo ñuu ivi yóꞌo̱ ta ndee ni xa̱ku ndaꞌvi ra nuu Ndioxi, káꞌan ndaꞌvi ra xiꞌin Ndioxi, saa chi xíni ra iindaa mií Ndioxi ku ra kúu mií ndee ya sikaku ñaꞌa ra, ya ná ndöo ra ndikaa ra ndaꞌa ndìì ya xáꞌni naꞌa. Ta xaꞌa ya xa̱a súvi ni ra ya ndi̱kaꞌan Ndioxi xiꞌin ra, saa ndaꞌvi ni ndo̱ꞌo ra nuu Ndioxi, xaꞌa ya ikán kua xi̱ni soꞌo Ndioxi ya ndi̱kaꞌan ra xiꞌin ra.


Ta ya yóꞌó kua sínaꞌa Ndioxi nuu yo vitin: xaꞌa ya kándixa yo Jesucristo kua, ndúu yo naꞌa, na vaꞌa na köo ka kuachi kúu mií nuu ra, án yo judío ku yo, án süvi yo judío ku yo.


Ta tuꞌun vaꞌa xaꞌa Jesucristo kua sínaꞌa yoo ndá kuꞌva kua ndíkuiso vaꞌa Ndioxi naꞌa nuu ra. Saa ndása ra na ivi na vaꞌa, na köo ka kuachi kúu mií nuu ra. Tá kuꞌva káꞌan mií tuꞌun Ndioxi ya ta̱a na xinaꞌa, káchi ya saa: “Naꞌa na ndíkuiso vaꞌa Ndioxi, na ndúu tá íin naꞌa, na köo ka kuachi ku mií nuu ra, na kándixa ni ñaꞌa, na ikán ku na kuchiñu kutaku xiꞌin Ndioxi”, káchi tuꞌun ra.


Saa xi̱ni ra Juan kuaꞌan kuaꞌa ni nda naꞌnu nuu na judío, nda fariseo xiꞌin nda saduceo, chi kúni nda kuchi nda. Saa ndi̱kaꞌan ra tuꞌun yóꞌó xiꞌin nda, káchi ra saa: ―¡Ndóꞌo̱ nǎꞌa ku ndo, tá íin seꞌe kiti ko̱ó saa íin ndo! ¿Unku ndi̱kaꞌan xiꞌin ndo kuchi ndo, ta xaꞌa ya íkan ndo saa ta sikaku Ndioxi ndóꞌo̱ nuu ya tixuꞌvi ndo, káꞌán ndo?


Sundi suvi xiꞌin tikuií kua ndi̱xiꞌi ndiꞌi na ñuu ivi xi̱ndoo xinaꞌa, ndi̱kaꞌan ndaa na xiꞌin rá ta ndi̱xiꞌi ndiꞌi na.


Ni na xi̱ndoo xinaꞌa vaꞌa, ta köo ndi̱xaa kaꞌnu ini ra xaꞌa na, ti̱ꞌvi ra saví íꞌná xa̱ꞌni rá na. Ta ndi̱xiyo iin taa ra vaꞌa ni xi̱nani ra Noé, saa ndi̱kaꞌan ndoso ra tuꞌun Ndioxi xiꞌin na ya ná ikan na ya ndaa, ta ndisaa ra ikán ku ra ndi̱kaku xiꞌin inka ka uxa naꞌa.


Yeꞌe, Simón Pedro ra xáa chiñu nuu Tata yo Jesucristo ku i táa tutu ya tíꞌvi i xaa ndaꞌa ndóꞌo̱ ñani yo, na xa iin káchi luvi ni kándixa ra tá kuꞌva kándixa mií nde ra. Saa chi mií Tata yo Jesucristo ra síkaku yoo, ra kúu Iva yo Ndioxi ku iin taa ra ndee ni ndaa ini.


Xaꞌa ya ndinuꞌu ni ini yo ndáa ini yo Ndioxi yakan kúndaa teꞌe ini yo ya taxi ra ñaꞌa ndátun yo ndaꞌa yo. Vani täꞌan kuni yo ya, ta xíni yo taxi ra ya ndaꞌa yo.


Sundi vitin kúndaa ini yo xaꞌa ya kándixa yo Jesucristo kua ndúu yo naꞌa, na vaꞌa, na köo ka kuachi ku mií nuu Ndioxi, ta Jesucristo íyo ra xiꞌin yo. Yakan köo xíniñuꞌu un kaꞌan un: “¿unku na ndaa vi nuu ndivi?” kachi un, chi tá káꞌan un saa ta ya kúni un sinuu un Cristo kixi ra nuu ñuꞌú yóꞌó kua.


Ta sindiꞌi vi ndi̱kunuu tuni Ndioxi ra chi xa yachi ka vi ka̱ndixa ni ra Ndioxi. Ta xaꞌa ya ka̱ndixa ni ra yakan ndu̱u ra, ra vaꞌa nuu Ndioxi. Ta saa ndu̱u ra Abraham tá káa iva ndiꞌi ni kúu naꞌa, na ndinuꞌu ni kándixa Ndioxi, vani köo tuni Ndioxi kúu mií sava na. Ta xaꞌa ya kándixa na tá kuꞌva ka̱ndixa ra Abraham Ndioxi, xaꞌa ya ikán kua ndu̱u na, na vaꞌa, na köo ka kuachi kúu mií nuu ra.


Saa chi xinaꞌa tá xi̱taku ra Noé tá täꞌan kuun savi íꞌná ta ndiꞌi naꞌa xíxi na tin xíꞌi na, tíndaꞌa na tin táxi na seꞌe na tíndaꞌa ná. Saa i̱kan na nda kivi tá ndi̱keta ra Noé ini itun barco.


Xa yachi ka ndítuꞌun i xiꞌin ndo, tá ná kuu saa ta kuenta ni koo ndo xiꞌin mií ndo.


Ta vaꞌa ná koto yo ndá kuꞌva íyo ya káꞌan yo xaꞌa, chi naꞌa, na köo kúu judío ta ni köo ndíchikaa na ndee ya nduku na Ndioxi, ta xa nda̱sa vaꞌa ra na, ndu̱u na naꞌa na köo ka kuachi kúu mií nuu ra, xaꞌa ya ka̱ndixa na Jesucristo.


Xaꞌa ya ñaa kua ná kundaa ini ndo xiꞌin ya ta̱a ra profeta Daniel. Chi yeꞌe káꞌan i xiꞌin ndo: Tá xíto ndo ya väꞌa, ya kini, ya kúndasi nuu Ndioxi xíni ra, ndi̱xaa ya íyo ya ñaꞌñu ií ni ini veꞌe ñuꞌu kaꞌnu, ta saa kua kundaa ini ndo ya xa ti̱ndaa kivi ya ndee ni ndee vaxi tindoꞌo. Saa ndiꞌi naꞌa, na káꞌvi ya yóꞌó ta ná kundaa ini na xiꞌin ya.


Saa si̱xani Ndioxi nda ndíchi ikán, ta ku̱ndaa ini nda, ya ndïko koo nda ñuu nuu íyo ra Herodes. Ta saa ndi̱ko koo nda kuanuꞌu nda ñuu nda, ta köo ndi̱ndiko koo nda nuu ra Herodes. Inka ichí ndi̱kiꞌin nda kuaꞌan nda.


Sundi chiñu ya íkan nda sutu yóꞌó ini veꞌe ñuꞌu, ta tá káa copia ya íyo nuu ndivi va káa ya ndínaꞌa na ndá kuꞌva káa mií ya ndixa ndaa ni íyo ini veꞌe ñuꞌu nuu ndivi. Ta xíni yo kúu ya copia, saa chi tá kivi ndi̱kaꞌan Ndioxi xiꞌin ra Moisés ya sikuaꞌa ra veꞌe ñuꞌu manta nuu kañuꞌu na Ndioxi, ta ndi̱kaꞌan ra xiꞌin ra, káchi ra saa: “Koto vaꞌa un ya kaꞌan i xiꞌin un, tá kuꞌva káa nií copia ya sinaꞌa i nuu un iku yóꞌó, saa koo ya sikuaꞌa un”, káchi Ndioxi xiꞌin ra.


Yakan kua xíniñuꞌu ni yo kuni soꞌo yo ya káꞌan Ndioxi xiꞌin yo, süvi ka vi ya kundoꞌo yo tá ndo̱ꞌo xií sikua yo kivi köo ndi̱xiin na kuni soꞌo na ya ndi̱kaꞌan ra xiꞌin na iku Sinaí ñuu ivi yóꞌó. Tá tu köo ndi̱kuchiñu na ikán kaku na kivi ndi̱kaꞌan ra xiꞌin na ñuu ivi yóꞌó, ta ndisaa ka vi yoo, unkua ikan yo kaku yo tá tu köo xíin yo kuni soꞌo yo ya káꞌan ra xiꞌin yo kivi vitin. Saa chi kivi káꞌan ra xiꞌin yo ta nda nuu ndivi vaxi ya káꞌan ra xiꞌin yo.


Swiv nou:

Piblisite


Piblisite