HEBREOS 11:25 - Xochapa Mixteco

²⁵ Ta chi̱kaa ini ra ya ndoꞌo ni ra xiꞌin na ñuu Ndioxi, yakan köo ndi̱kutoo ra kusini ra xiꞌin ñaꞌa saví ni íyo uvi ndaa kivi ñuu ivi yóꞌó, ta síndaꞌvi ya naꞌa kuakiꞌvi na kuachi.

HEBREOS 11:25 Referans Kwoze

2 Corintios 5:17

Saa chi ndiꞌi yo xa ndi̱kitaꞌan xiꞌin Cristo, ta ndu̱u yo na xa̱á i̱kan Ndioxi. Ndiꞌi kuꞌva ya väꞌa, ya yata ndi̱xiyo ini yo, ta xa ki̱ndoo ndiꞌi ya chí sata.

El Apocalipsis 18:7

Ta na väꞌa ikan ta ndi̱xiyo tái ni ini na, saa kuika ni ndi̱xiyo na, ta ku̱u mií na ndiꞌi ñaꞌa ya káchi ini mií na. Ta vaꞌa ná taxi Ndioxi ndoꞌo ni na vitin. Saa chi na väꞌa ikán, ta kútai ni ini na, chínuu vaꞌa ni na tuꞌun na, yakan ndíkani ini na káchi na saa: “Naꞌnu ni mií nde chi ndeꞌe ku nde xáꞌnda chiñu nuu ndiꞌi naꞌa. Ta köo íyo nde tá káa iin ñaꞌa yá ndaꞌvi, yá ndi̱xiꞌi ndaa, chi nda iin kivi ndöꞌo nde, ni nda loꞌo küsuchi ini nde”, káchi na ndíkani ini na.

1 Pedro 2:10

Chi xa xíni mií ndo tá yachi ta ndaꞌvi ni ndi̱xiyo ndo, tá íyo ndo ndi̱xika ndaꞌvi saa ndi̱xiyo ndo, ta vitin ndi̱kuiso vií Ndioxi ndóꞌo̱ ndu̱u ndo na ñuu mií ra. Chi yachi ta ni köo ndïkuvi kundaꞌvi ini ra kuni ra ndóꞌo̱, ta vitin ta ndiniꞌi taꞌvi ndo nuu ra kúndaꞌvi ni ini ra xíni ra ndóꞌo̱.

Santiago 5:5

Ta ndee ni vaꞌa ndóo ndo nuu na ñuu ivi yóꞌó. Íyo ndiꞌi saví ya kúni ndo nuu ndo. Nda ndu̱nduꞌu ni va ndo, tá kuꞌva ndúnduꞌu kiti ri kuaꞌan kuvi, saa íin ndo.

Santiago 1:20

Chi ndiꞌi naꞌa, na ndee ni sáa ta küvi ikan na ya vaꞌa kúni Ndioxi.

HEBREOS 11:37

Ta sava na xa̱ꞌni ñaꞌa na xiꞌin yu̱ú. Sava na xa̱ꞌnda sava ñaꞌa na xiꞌin kàà ya xáꞌnda itun. Sava na xa̱ꞌni ñaꞌa na xiꞌin i̱chi. Ta sava na xi̱ndixi ñii levo xiꞌin ñii tixuꞌu, köo toto na ndi̱xiyo, ni veꞌe na köo ndi̱xiyo. Ndaꞌvi ni ndi̱xiyo na, ku̱chiꞌña ni ini na ta ndo̱ꞌo ni na ndaꞌa inka naꞌa, na köo xíni Ndioxi.

HEBREOS 10:32

Ta saa ndóꞌo̱, ndikaꞌán ni ini ndo ndá kuꞌva ndo̱ꞌo ndo yachi, tá sikan ndi̱yeꞌe nima ndo xiꞌin tuꞌun vaꞌa xaꞌa Tata yo Jesucristo, ta ndee ni tindoꞌo ki̱xi nuu ndo, ta ndi̱xaꞌa ndee ndiꞌi ini ndo xiꞌin ya ndinuꞌu ni ini ndo xi̱ndikun ndo sata ra.

HEBREOS 4:9

Xaꞌa ya káꞌan Ndioxi saa kua kúndaa ini yo ya íyo ka nuu ndikundee yoo kúu ñuu Ndioxi xiꞌin ra.

2 Timoteo 1:8

Xaꞌa ya ñaa kua kükaꞌán nuu un ndikuiin un kaꞌan un xaꞌa Tata yo Jesucristo. Ni xaꞌa yeꞌe kükaꞌán nuu un xaꞌa ya ndíkaa i veꞌe kàà yóꞌó xaꞌa ra. Ya ndee ni ka xíniñuꞌu un ikan un kua xaꞌa ndee ni ini un ndoꞌo un xiꞌin i xaꞌa tuꞌun vaꞌa xaꞌa ra. Ta mií ra taxi ndee ndaꞌa yo ya kuchiñu yo nuu ndiꞌi tindoꞌo vaxi nuu yo.

Colosenses 1:24

Ta yeꞌe, ta kúsini ni va i ya tíxuꞌvi i xaꞌa ndo vitin ñani yo xiꞌin kuꞌva yo na veꞌe ñuꞌu, chi xaꞌa ya tíxuꞌvi i saa kua síxinu ka i ya ti̱xuꞌvi ni Jesucristo xaꞌa ndóꞌo̱ kándixa ra, chi ikin kuñu ra ku ndo.

ROMANOS 5:3

Ta süvi ndisaa xaꞌa ya vaꞌa yóꞌó ku ya kúsini yo, chi kúsini tu yo tá vaxi tindoꞌo nuu va yo. Saa chi xíni yo ndiꞌi tindoꞌo ndóꞌo yo ta xáa ndee ka ya ini yo xiꞌin ya uꞌvi vaxi nuu yo, ta ndee ka ndíkundikun yo ichí Ndioxi.

San Lucas 16:25

Saa ndi̱kuiin ra Abraham káꞌan ra: “Seꞌe, kuñuꞌu ini un, kivi xi̱taku un ñuu ivi ta vaꞌa ni ndi̱xiyo un. Ndi̱xiyo ndiꞌi ya kúni un, ta ra Lázaro yóꞌó ndo̱ꞌo ni ra ndaꞌvi. Yakan kua íyo vaꞌa ra vitin, ta yóꞌo̱ ndóꞌo ni un.

San Mateo 13:21

Sundi täꞌan tiin vaꞌa ya nima na, ni täꞌan kundaa vaꞌa ini na xiꞌin ya, ta ñaa vaxi tindoꞌo nuu na, án sítixuꞌvi ñaꞌa naꞌa xaꞌa ya kándixa na Jesucristo, ñaa ndikun síndikoo na tuꞌun Ndioxi.

Los Hechos 7:34

Naꞌa yóꞌó ná kaꞌan i xiꞌin un chi xi̱ni i ndóꞌo ni na taꞌan un na ndóo ñuu Egipto, na ndíkun ichí i, xi̱ni soꞌo i xáku ni na, yakan nu̱u i vaxi i chindee i na. Naꞌa, chi vitin tiꞌvi i yóꞌo̱ kuꞌun un ñuu Egipto”, káchi Tachi Ndioxi xiꞌin ra Moisés ―ka̱chi ra Esteban xiꞌin na chiñu ikán.