HEBREOS 11:16 - Xochapa Mixteco

¹⁶ Sundi na ikán ta kúni na koo na inka ñuu ya vaꞌa ni káa, ta ñuu ikán ku ndivi ni̱nù. Xaꞌa ya ikán kua köo ndi̱kukaꞌán nuu Ndioxi xiꞌin na xaꞌa ya káꞌan na kúu ra Ndioxi na, saa chi xa nda̱sa vaꞌa ra iin ñuu nuu koo na xiꞌin ra.

HEBREOS 11:16 Referans Kwoze

HEBREOS 13:14

Saa chi ñuu ivi nuu ndóo yo vitin, ta köo ñuu nuu kuchiñu kundoo yo ndiꞌi saa tiempo, yakan ndátun yo koo yo ñuu xa̱á vaxi kivi, nuu ndïꞌi xaꞌa yo nda iin ichí.

HEBREOS 11:10

Soꞌva i̱kan ra Abraham xaꞌa ya xi̱ndatun ra, koo ra iin ñuu ya ndee ni tuun ndi̱kuaꞌa kútu ta köo ndíꞌi xaꞌa ya, iin ñuu ya vaꞌa ni, ya taxi Ndioxi ndaꞌa ra. Saa chi ñuu ikán ta mií Ndioxi ku ra ta̱va xaꞌa ya, ta ndi̱kani ini ra ndá kuꞌva koo ya.

Filipenses 3:20

Sundi yoo, ta nuu ndivi ku ñuu yo, chi ikán koo yo xiꞌin Ndioxi. Ta ndátun yo ndiko koo Tata yo Jesucristo kixi ra sikaku ra yoo.

San Juan 14:2

Veꞌe Iva i, ta íyo kuaꞌa ni nuu koo ndo. Tá tu süvi ya ndaa kua ta käꞌan i saa xiꞌin ndo, ndikuu. Ta vitin kuꞌun i xaa vií i nuu koo ndo.

HEBREOS 2:11

Saa chi iin ku ra ndása i̱í yoo, ta saa ndúu ndiꞌi yo iin xiꞌin ra ta iin káchi ndúu i̱í ndiꞌi yo nuu ra, yakan köo kúkaꞌán nuu ra kaꞌan ra xiꞌin yo ya kúu yo ñani ra.

San Mateo 25:34

Ta yeꞌe, ra kúu rey kaꞌan i xiꞌin na ndóo ñaꞌñu kuáꞌá i, kachi i saa: “Naꞌa ndo, ndóꞌo̱ ku ndo niꞌi ya vaꞌa nuu Iva i Ndioxi. Naꞌa ndo kiꞌvi ndo nuu xáꞌnda chiñu ra, ya xa íyo ndúvi xaꞌa ndo nda tá täꞌan xikoo xaꞌa ñuu ivi yóꞌó.

HEBREOS 12:22

Sundi ndóꞌo̱, ta süvi taꞌan iku ikán kua ndi̱kuyati ndo nuu. Chi ndóꞌo̱, ta nuu iku ya náni Sión kua ku̱yati ndo, ya yóꞌó ku ñuu Jerusalén, ya íyo nuu ndivi ni̱nù ya kúu ñuu Ndioxi ra táku, nuu íyo kuaꞌa ni mil tatun Ndioxi xáa kaꞌnu ya ra.

HEBREOS 11:14

Xaꞌa ya i̱kan na saa kua si̱naꞌa na yoo ya ndi̱xika na ndu̱ku na inka ñuu ya kúu ñuu mií na.

2 Timoteo 4:18

Ta mií Iva yo ku ra sikaku yeꞌe nuu ndiꞌi ñaꞌa väꞌa, saa kuniꞌi ra yeꞌe kuꞌun i xiꞌin ra nuu ndivi nuu xáꞌnda chiñu ra. ¡Saa ná kunuu sukun ni ya toꞌo ra, ndiꞌi saa kivi ya vaxi! Saa ná koo.

San Marcos 8:38

Saa tu na ndíkuáa yeꞌe va, tá tu ndíkuáa na tuꞌun i nuu na ñuu ivi kuachi yóꞌó, ta saa ndikuaa tu yeꞌe, ra xa̱a ñuu ivi yóꞌó va na. Chi tá ná ndiko koo i, ta iin yeyeꞌe koo i kixi i xiꞌin ya yeꞌe Iva i Ndioxi tin na tatun ra ―káchi Jesús xiꞌin na.

Los Hechos 7:32

“Yeꞌe ku Ndioxi ra ndaa, ra ka̱ñuꞌu nda xii sikua un, ra Abraham xiꞌin ra Isaac tin ra Jacob”, káchi tachi Ndioxi xiꞌin ra. Saa ndi̱ndiꞌvi ni ra. Ñaa xa̱á ya kísi ñaꞌa ya xaꞌa ya íꞌvi ra, ta ni köo ndi̱xaꞌa ndee ka ini ra koto ra.

San Lucas 12:32

Saa ndi̱kaꞌan ka Jesús, káchi ra saa: ―Ndóꞌo̱ ndíkun sata i ta ku ïꞌvi ndo chi tá íyo iin tiꞌvi levo vali sana i saa íin ndo. Ta kúsini ni va Ndioxi taxi ra koo ndo xiꞌin ra nuu xáꞌnda chiñu ra.

San Marcos 12:26

Ta saa tu ya káꞌan ndo ya ndïtaku na ndíi va, ¿án täꞌan kundaa ini ndo xiꞌin ya ta̱a ra Moisés xinaꞌa tá ndi̱kaꞌan Ndioxi xiꞌin ra nuu xíxi itun iñu? káchi ra saa: “Yeꞌe ku Ndioxi ra káñuꞌu ra Abraham xiꞌin ra Isaac tin ra Jacob” káchi Ndioxi.

San Lucas 20:37

Nda ni ya ta̱a ra Moisés xinaꞌa ta teꞌe ni káꞌan ya. Ya ikán sínaꞌa ya mií yo xaꞌa na ndíi ya ndítaku na, chi ya ta̱a ra Moisés tá ndi̱kaꞌan Ndioxi xiꞌin ra nuu xi̱ni ra xíxi itun iñú, káchi ya saa: “Yeꞌe ku Ndioxi ra káñuꞌu ra Abraham, tin ra Isaac xiꞌin ra Jacob”, káchi ra.

HEBREOS 10:34

Saa ku̱ndaꞌvi ni ini ndo xi̱ni ndo na tá ñúꞌu na veꞌe kàà. Ta nda kúsini ndo tá xíto ndo kíndaa na ñaꞌa ndo ndaꞌa ndo. Saa chi ndóꞌo̱, ra xíni ndo, vaꞌa ni ka ñaꞌa kúu mií ndo nuu ndivi, ya taxi Ndioxi ndaꞌa ndo, saa chi ya ikán ta nda iin ichí ndïꞌi xaꞌa ya.

HEBREOS 11:40

Saa chi ku̱ni ra taxi ra ya vaꞌa ni ka ndaꞌa na, taꞌan ya chi̱tuni ra taxi ra ndaꞌa yoo, saa chi saa kua iin kachi nduu vaꞌa ni ka na nuu ra xiꞌin yoo.

El Apocalipsis 21:2

Yeꞌe Juan, xi̱ni i ñuu i̱í, ñuu Jerusalén ya xa̱á, xi̱ni i ya vaxi nuu ya nuu ndivi nuu íyo Ndioxi. Luvi ni ya, tá kuꞌva luvi ni toto ndíxi ñaꞌa ya tindaꞌa yá xiꞌin i̱í yá, saa káa ñuu ya xi̱ni i.