HEBREOS 11:13 - Xochapa Mixteco

¹³ Ta ndiꞌi na káꞌan yo xaꞌa yóꞌó ta xi̱ndaa ni ini na xi̱ni na Ndioxi, saa ndi̱xiꞌi ndiꞌi na, ta köo ndi̱kiꞌin na ñuꞌú ya ndi̱kaꞌan Ndioxi taxi ra ndaꞌa na. Sundi xaꞌa ya xi̱ndaa ni ini na xi̱ni na ya ndi̱kaꞌan Ndioxi taxi ra ya ndaꞌa na, vani xi̱ni xika na ya, ta saa ku̱sini ni na ndikiꞌin na ya. Saa ndi̱kani ini na süvi ñuu na ku ñuu ivi yóꞌó, na xi̱ndoo tóo va ku na nuu ya, ta saa yáꞌa na kuaꞌan va na.

HEBREOS 11:13 Referans Kwoze

HEBREOS 11:27

Xaꞌa ya xi̱ndaa ni ini ra Moisés xi̱ni ra Ndioxi, yakan kua köo ndi̱ndiꞌvi ra tá kivi ke̱ta ra ñuu Egipto. Vani ndi̱saá ni ra rey ikán xiꞌin ra, ta köo ndi̱ndiꞌvi ra nuu ra. Ta ndi̱xaꞌa ndee ndiꞌi ini ra, saa chi nda tá káa ra xi̱ni xiꞌin nuu Ndioxi, ra küvi kuni yo, saa ndi̱xiyo ra.

San Juan 8:56

Ta ra Abraham ra káꞌan ndo kúu iva ndo, ta xi̱ni i ku̱sini ni ra tá ndi̱kaꞌan Ndioxi xiꞌin ra ya kixi i ñuu ivi yóꞌó ―káchi Jesús xiꞌin nda.

HEBREOS 11:39

Vani ndo̱ꞌo ni na ndaꞌvi ikán ta vaꞌa ni va káꞌan Ndioxi xaꞌa na, saa chi xi̱ndaa ni ini na xi̱ni na ra, sundi köo ndi̱kiꞌin na ya ki̱ndoo Ndioxi xiꞌin na taxi ra ndaꞌa na.

Efesios 2:19

Xaꞌa ya ñaa kua, ndóꞌo̱ ta köo kúu ka ndo na ke̱e inka ñaꞌñu ñuu xíka ni, ta ni köo kúu ka tu ndo naꞌa, na xíka tá ñuu tá ñuu, chi xa iin ndu̱u ndo xiꞌin na ñuu Ndioxi, na i̱í, ta iin veꞌe ndu̱u yo xiꞌin taꞌan yo xaꞌa ra.

ROMANOS 8:24

Tá si̱kaku Ndioxi yoo, saa xa̱á yo ndátun yo xaa súvi ra ndiꞌi ya vaꞌa ndi̱kaꞌan ra xiꞌin yo. Ta saa ni kúni Ndioxi ná kundatun yo, ndakua sixinu ndiꞌi ra ya ndi̱kaꞌan ra. Chi tá xa si̱xinu ra ya ndi̱kaꞌan ra xiꞌin yo, ta köo xíniñuꞌu ka yo kundatun yo xaa súvi tuku ra ya, ndikuu.

1 Pedro 2:11

Ñani yo tin kuꞌva yo, ndóꞌo̱ ta tá íin naꞌa, na ndóo tóo xiꞌin na xíka tóo ñuu ivi yóꞌó saa íin ndo, yakan xíkan ni i ya mani nuu ndo, ndee koo ini ndo ta täxi ka ndo kaꞌnda chiñu ya väꞌa kúni kaꞌnda chiñu nuu ikin kuñu ndo, chi ndiꞌi ya väꞌa ñaa ta kánitaꞌan ya xiꞌin ya vaꞌa ndo.

1 Pedro 1:17

Ta ndóꞌo̱, tá káꞌan ndo xiꞌin Ndioxi, ta kaꞌan ndo xiꞌin ra ya kúu ra Iva ndo. Ta vaꞌa va chi köo ndi̱kaxin ra nda iin naꞌa, iin kuꞌva xáa nani ra kuachi xiꞌin ndiꞌi na. Xaꞌa ya ñaa kua xíniñuꞌu ndo xaa súvi ndo ndiꞌi ñaꞌa íkan ndo xiꞌin ya toꞌo, nani ndóo naꞌa ndo ñuu ivi yóꞌó.

ROMANOS 4:21

Ta ndinuꞌu ni ini ra Abraham ka̱ndixa ra Ndioxi, ya kúu mií ra ndee sixinu ra ya ndi̱kaꞌan ra xiꞌin ra.

1 Juan 3:19

Ta xaꞌa ya kúꞌvi ini yo xíni taꞌan yo kua ndínaꞌa yo mií yo ya kúu yo kuenta ya ndaa, ta ndikundee ini yo xiꞌin ndee ya táxi Ndioxi ndaꞌa yo.

San Mateo 13:17

Ya ndaa káꞌan i xiꞌin ndo, xinaꞌa ndi̱xiyo kuaꞌa ni nda profeta nda ndi̱kaꞌan ndoso tuꞌun yuꞌu Ndioxi saa tu nda ndi̱xika ndaku ni nuu Ndioxi va, nda ikán ta ku̱too ni nda koto nda ya xíto ndo vitin, ta köo ndi̱kuvi kuni nda ya, saa ni ku̱too ni nda kuni soꞌo nda ya xíni soꞌo ndo, ta köo ndi̱kuvi kuni soꞌo nda ya ―káchi Jesús xiꞌin nda ítaꞌan xiꞌin ra.

San Juan 12:41

Soꞌva ndi̱kaꞌan ra Isaías xaꞌa Jesús xinaꞌa, chi xi̱ni xiꞌin nuu ra ya ndee ni vaꞌa luvi kúu mií Jesús.

2 Corintios 4:18

Xaꞌa ya ñaa kua köo xíka ini nde xaꞌa ñaꞌa ya vaꞌa xíto xiꞌin nuu yo, chi ya küvi kuni yo ku ya ndáa yaꞌvi ni ka nuu nde. Saa chi ñaꞌa ya xíni xiꞌin nuu yo ta kama ni va ndíꞌi xaꞌa ya, sundi ñaꞌa ya köo xíni xiꞌin nuu yo ta ndiꞌi saa va ichí íyo ya.

2 Corintios 5:6

Xaꞌa ya ñaa kua ndee ni ndáa ini yo Ndioxi ndiꞌi saa kivi. Ta xa kúndaa ini yo tá kivi táku yo ini ikin kuñu yo ya kúu mií yo vitin, ta täꞌan tindaa yo koo yo xiꞌin Tata yo Jesucristo.

HEBREOS 11:14

Xaꞌa ya i̱kan na saa kua si̱naꞌa na yoo ya ndi̱xika na ndu̱ku na inka ñuu ya kúu ñuu mií na.

HEBREOS 11:17

Xaꞌa ya ndáa ni ini ra Abraham xíni ra Ndioxi kua ka̱ndixa ra tá ndi̱kaꞌan Ndioxi xiꞌin ra ya soko ra seꞌe ra, ra Isaac nuu ra, ta iin mituꞌun saa ndi̱xiyo seꞌe ra. Chi xa kúndaa ini ra ya xaa súvi Ndioxi ya ki̱ndoo ra xiꞌin ra,

1 Pedro 1:1

Yeꞌe Pedro, ra kúu apóstol ra ti̱ꞌvi Tata yo Jesucristo xáa chiñu nuu ra ku i táa tutu yóꞌó xaa ya nuu ndóꞌo̱ ñani yo xiꞌin kuꞌva yo na ndi̱kaxin Ndioxi. Ndóꞌo ka̱na koo kuaꞌan ndóo ndo inka ñuu xíka ni ya kúu ñuu Ponto xiꞌin ñuu Galacia tin ñuu Capadocia xiꞌin ñuu Asia tin ñuu Bitinia.