HEBREOS 11:10 - Xochapa Mixteco

¹⁰ Soꞌva i̱kan ra Abraham xaꞌa ya xi̱ndatun ra, koo ra iin ñuu ya ndee ni tuun ndi̱kuaꞌa kútu ta köo ndíꞌi xaꞌa ya, iin ñuu ya vaꞌa ni, ya taxi Ndioxi ndaꞌa ra. Saa chi ñuu ikán ta mií Ndioxi ku ra ta̱va xaꞌa ya, ta ndi̱kani ini ra ndá kuꞌva koo ya.

HEBREOS 11:10 Referans Kwoze

HEBREOS 13:14

Saa chi ñuu ivi nuu ndóo yo vitin, ta köo ñuu nuu kuchiñu kundoo yo ndiꞌi saa tiempo, yakan ndátun yo koo yo ñuu xa̱á vaxi kivi, nuu ndïꞌi xaꞌa yo nda iin ichí.

Filipenses 3:20

Sundi yoo, ta nuu ndivi ku ñuu yo, chi ikán koo yo xiꞌin Ndioxi. Ta ndátun yo ndiko koo Tata yo Jesucristo kixi ra sikaku ra yoo.

HEBREOS 12:22

Sundi ndóꞌo̱, ta süvi taꞌan iku ikán kua ndi̱kuyati ndo nuu. Chi ndóꞌo̱, ta nuu iku ya náni Sión kua ku̱yati ndo, ya yóꞌó ku ñuu Jerusalén, ya íyo nuu ndivi ni̱nù ya kúu ñuu Ndioxi ra táku, nuu íyo kuaꞌa ni mil tatun Ndioxi xáa kaꞌnu ya ra.

2 Corintios 5:1

Ta xa kúndaa vaꞌa ini yo chi ikin kuñu yo ya kúu mií yo ñuu ivi yóꞌó, ta tá íyo veꞌe manta ya ndíꞌi xaꞌa va saa íyo ya. Sundi tá ná ndiꞌi xaꞌa ya yóꞌó, ta xa íyo inka veꞌe ikin kuñu yo ya xa̱á si̱kuaꞌa Ndioxi nuu ndivi. Ta ya ikán ta köo ndíꞌi xaꞌa ya, ndiꞌi saa ichí koo ya chi süvi na ñuu ivi yóꞌó ku na ndi̱sikuaꞌa ya.

HEBREOS 3:4

Saa chi ndiꞌi veꞌe, ta íyo naꞌa síkuaꞌa ya, sundi Ndioxi, ta süvi iindaa veꞌe kua ndi̱sikuaꞌa ra, si̱kuaꞌa tu ra iníi ñuu ivi yóꞌó va.

San Juan 14:2

Veꞌe Iva i, ta íyo kuaꞌa ni nuu koo ndo. Tá tu süvi ya ndaa kua ta käꞌan i saa xiꞌin ndo, ndikuu. Ta vitin kuꞌun i xaa vií i nuu koo ndo.

El Apocalipsis 21:2

Yeꞌe Juan, xi̱ni i ñuu i̱í, ñuu Jerusalén ya xa̱á, xi̱ni i ya vaxi nuu ya nuu ndivi nuu íyo Ndioxi. Luvi ni ya, tá kuꞌva luvi ni toto ndíxi ñaꞌa ya tindaꞌa yá xiꞌin i̱í yá, saa káa ñuu ya xi̱ni i.

HEBREOS 12:28

Nuu xáꞌnda chiñu Ndioxi, nuu koo yo xiꞌin ra kua ndoo koo chi küvi kanda ya ikán kutaꞌa ya. Yakan kua ná taxi ni yo tixaꞌvi ndaꞌa ra, ta saa ná xaa kaꞌnu ni yo ra tá kuꞌva kútoo mií ra, xaꞌa ya íꞌvi yo xíni yo ra.

HEBREOS 11:16

Sundi na ikán ta kúni na koo na inka ñuu ya vaꞌa ni káa, ta ñuu ikán ku ndivi ni̱nù. Xaꞌa ya ikán kua köo ndi̱kukaꞌán nuu Ndioxi xiꞌin na xaꞌa ya káꞌan na kúu ra Ndioxi na, saa chi xa nda̱sa vaꞌa ra iin ñuu nuu koo na xiꞌin ra.