HEBREOS 10:8 - Xochapa Mixteco

⁸ Chi tá núnu̱ú ta káꞌan Jesucristo, ya köo kúni Ndioxi ya soko naꞌa kiti sana na nuu ra. Ni ya kaꞌni na ri, ni ya kaꞌmi na ri nuu ra ya xaa kaꞌnu ini ra xaꞌa kuachi na, köo kúni ra. Nda iin ya yóꞌó köo kúni ra, vani nuu ley ra ya íyo ndaꞌa na xinaꞌa xa̱ꞌnda chiñu ya nuu na ya xíniñuꞌu ni na xaa súvi na ya yóꞌó, káchi ley ikán.

HEBREOS 10:8 Referans Kwoze

HEBREOS 10:5

Yakan kua ndi̱kaꞌan Jesucristo saa xiꞌin Ndioxi tá ki̱xi ra ñuu ivi yóꞌó, ka̱chi ra saa: “Köo kúni un kaꞌni na kiti soko na nií ri nuu un, ta ni ya soko na ndá ka ñaꞌa nuu un, köo kúni un. Sundi ta̱xi un ikin kuñu i ndaꞌa i ya nditaxi i mií i ndaꞌa un.

San Marcos 12:33

Ya kuꞌvi ini yo kuni yo Ndioxi xiꞌin ndiꞌi nima yo, xiꞌin ndiꞌi ya vaꞌa yo tin ndiꞌi ndee yo, xiꞌin ndiꞌi ya xínituni yo, ta kuꞌvi ini yo kuni yo na taꞌan yo, tá kuꞌva kúꞌvi ini yo xíni xiꞌin mií yo, ya yóꞌó kua ndixa ni ka ndaa yaꞌvi nuu ya sóko yo nuu Ndioxi xiꞌin ya kaꞌmi yo ñaꞌa nuu Ndioxi ―káchi ra maestro ikán xiꞌin Jesús.

ROMANOS 8:3

Ndioxi i̱kan ra ya vaꞌa xiꞌin yo, ñaꞌa ya köo ndi̱kuchiñu ley ya ta̱a ra Moisés ikan ya xiꞌin yo xaꞌa ya köo ndee kúu mií ikin kuñu yo nuu ya väꞌa. Xaꞌa ya ikán kua ti̱ꞌvi ra Seꞌe ra ki̱xi ra ñuu ivi yóꞌó, ta ndi̱xiyo ikin kuñu ra tá kuꞌva íin mií yo ivi yóꞌó. Ti̱ꞌvi Ndioxi ra ki̱xi ra ndi̱soko ra mií ra xaꞌa kuachi yo, ta saa ku̱chiñu ra si̱ndiꞌi xaꞌa ra ndee ya kúu mií kuachi yo nuu Ndioxi.