HEBREOS 10:25 - Xochapa Mixteco

²⁵ Xíniñuꞌu yo ndikitaꞌan yo xiꞌin na ñani yo tin kuꞌva yo ya xaa kaꞌnu yo Ndioxi. Ta ná ïkan yo tá íkan sava na taꞌan yo, köo xíin ka na ndikitaꞌan na ya xaa kaꞌnu na Ndioxi. Ná xaꞌa ka yo ndee xiꞌin taꞌan yo, saa chi vitin ka kua ndee ni, chi xa kuaꞌan kúyati ni kivi ya ndiko koo tuku Tata yo Jesucristo kixi ra ñuu ivi yóꞌó.

HEBREOS 10:25 Referans Kwoze

Los Hechos 2:42

Ta ndiꞌi saa kivi xíni soꞌo na ya sínaꞌa nda apóstol. Tá kuꞌva íyo ya káꞌan nda xiꞌin na, saa íyo ya íkan na xiꞌin taꞌan na. Vitin taan ndíkitaꞌan ndiꞌi na xíxi na xiꞌin taꞌan na. Saa káꞌan tu na xiꞌin Ndioxi va.

San Mateo 18:20

Saa chi nuu ndíkitaꞌan uvi ndo, án uni ndo tixin kivi yeꞌe, ta ikán íyo i xiꞌin ndo ―káchi Jesús.

1 Tesalonicenses 5:11

Xaꞌa ya ñaa kua xaꞌa ndo ndee xiꞌin taꞌan ndo, chindee taꞌan ndo xiꞌin na taꞌan ndo ya ná kuaꞌnu ka na xiꞌin tuꞌun Ndioxi. Tá kuꞌva íkan ndo vitin saa ikan ndo xiꞌin taꞌan ndo.

HEBREOS 3:13

Xaꞌa ya ikán kua, xaꞌa ni ndo ndee xiꞌin taꞌan ndo. Sixinu ndo ini taꞌan ndo iin iin kivi, vitin ka tá íyo tiempo. Ikan ndo saa xiꞌin taꞌan ndo ya ná ndïkava ndo nuu kuachi ya väꞌa, ta sindaꞌvi ya ndóꞌo̱, ya vaꞌa kua íkan ndo kaꞌán ndo, ta saa ndasa tuun ndo nima ndo nuu Ndioxi.

HEBREOS 10:24

Ta saa ná nduku ka yo ndá kuꞌva kuniꞌi taꞌan yo ya kuꞌvi ni ini yo kuni taꞌan yo, ta ná ikan yo ndisaa ya vaꞌa xiꞌin taꞌan yo.

1 Corintios 5:4

Vaꞌa ndikitaꞌan ndiꞌi ndo tixin kivi Tata yo Jesucristo, ta saa tu yeꞌe va, nda tá káa ra íyo xiꞌin ndo saa káa i. Saa íyo tu ndee Jesucristo va xiꞌin ndo nuu ndíkitaꞌan ndo.

1 Tesalonicenses 4:18

Xiꞌin tuꞌun ya káꞌan i xiꞌin ndo yóꞌó kua kaꞌan ndo xiꞌin na taꞌan ndo, xaꞌa ndo ndee xiꞌin na.

Los Hechos 2:1

Saa ku̱u ndi̱yaꞌa uxa semana ya ndi̱taku Jesús ta ti̱ndaa kivi ya koo viko Pentecostés. Saa ndi̱kitaꞌan ndiꞌi na kándixa Jesús ndóo na iin veꞌe.

Los Hechos 20:7

Tá ti̱ndaa kivi núnu̱ú xaꞌa semana saa ndi̱kitaꞌan ndiꞌi nde ndíkun Jesús ya taꞌvi nde xita vaꞌa kuxi nde xiꞌin taꞌan nde xiꞌin ra Pablo, saa káꞌan ndoso ra tuꞌun Ndioxi xiꞌin naꞌa, síin kivi saa íyo ra ñuu na, ta tuvi xitaan keta ra kuꞌun ra inka ñaꞌñu, káchi ra. Yakan ndíꞌi ni ini ra nda sava ñǔu ta káꞌan ka ra xiꞌin na.

1 Corintios 14:3

Sundi naꞌa, na káꞌan ndoso tuꞌun yuꞌu Ndioxi ta káꞌan na saa xiꞌin taꞌan na ya táxi na ndee ndaꞌa taꞌan na ya ná kuaꞌnu ka na xiꞌin tuꞌun Ndioxi, saa síndiko na ini taꞌan na.

ROMANOS 12:8

Ta sava tuku yo ndi̱niꞌi taꞌvi xaꞌa yo ndee xiꞌin naꞌa, ta kuꞌva saa ná ikan yo xiꞌin na. Tá sava tuku yo ndi̱niꞌi taꞌvi ya siniꞌi yo ñaꞌa nuu inka na, ta kuꞌva saa ná ikan yo xiꞌin na, ná ikan yo ya xiꞌin ndinuꞌu nima yo. Tá sava tu yo ndi̱niꞌi taꞌvi ya kunuu yo nuu naꞌa, ta kuꞌva saa ná ikan yo xiꞌin na, ndinuꞌu ini yo ná ikan yo saa. Tá sava tuku yo ndi̱niꞌi taꞌvi ya kundaꞌvi ni ini yo kuni yo naꞌa, ta kuꞌva saa ná kundaꞌvi ni ini yo ikan yo saa xiꞌin na ta ná kusini ni yo.

Filipenses 4:5

Vívií koo ndo, tái koo ndo, saa kuni inka naꞌa ya vaꞌa ni íyo ndo. Chi xa kama ni ndiko koo Tata yo Jesucristo kixi ra.

2 Pedro 3:9

Köo kuáchi vi Iva yo Ndioxi ya sixinu ra ya ki̱ndoo ra xaa súvi ra xiꞌin yo. Süvi tá kuꞌva ndíkani ini naꞌa, kuekuee ni kúu íkan ra, káchi na. Chi xaꞌa ya kaꞌnu ni ini ra xiꞌin yo kua íkan ra saa xiꞌin yo, saa chi köo kúni ra ndiꞌi xaꞌa nda iin naꞌa. Kúni ra ná ndiko koo ini na xaꞌa ya väꞌa íkan na, ta ná ndinama na kuꞌva íyo na.

Santiago 5:8

Tá íkan ra ikán saa xíniñuꞌu ndo kuekuee kundatun ndo, ndakú ni koo ini ndo nda ná ndiko koo Tata yo Jesucristo.

1 Corintios 14:23

Saa tá ná ndikitaꞌan ndiꞌi ndo na veꞌe nuꞌu, ta ñaa ná xáa ndiꞌi ndo kaꞌan ndo tuꞌun ya köo xíni ndo, ya ke̱e nuu ndivi, ta saa ná kiꞌvi naꞌa, na köo kúndaa ini xiꞌin tuꞌun ya káꞌan ndo, ná kachi yo, án na köo kándixa tuꞌun Ndioxi, ta ¿án käꞌan na xaꞌa ndo ya ndu̱kiꞌvi ndo, túvi ndo?

Judas 1:19

Ta nda káꞌan i xaꞌa xiꞌin ndo ku nda, táva kuachi xiꞌin ndo ta taꞌvi taꞌan ndo, ta ndisaa ya kútoo mií ikin kuñu nda kua íkan nda, ta köo Tachi Ndioxi íyo xiꞌin nda.

2 Pedro 3:14

Xaꞌa ya ñaa kua, nani ndátun yo kuu saa, ñani mani, ta yáꞌa ni vi kuenta koo ndo xiꞌin mií ndo, täxi ndo kuyakua ndo xiꞌin kuachi, vií ni koo ndo xiꞌin Ndioxi.

1 Pedro 4:7

Ta vaꞌa ná kundaa ini ndo chi xa yati ni va ndiꞌi xaꞌa ñuu ivi yóꞌó, yakan ndóꞌo̱ ta káxin teꞌe koo ini ndo, ta ndinuꞌu ni ini ndo kaꞌan ni ndo xiꞌin Ndioxi ndiꞌi saa kivi.

2 Pedro 3:11

Iin ndiꞌi xaꞌa yaa ya, yakan ndóꞌo̱ ta ndikani vaꞌa ini ndo ndá kuꞌva xíniñuꞌu ndo koo ndo, vívií koo ndo, i̱í koo ndo tá kuꞌva kúni mií Iva yo Ndioxi saa koo ndo.

1 Corintios 11:20

Sundi tá ndíkitaꞌan ndo xíxi xíní ndo xita vaꞌa, saa xíꞌi ndo vino, ya ndíkaꞌán ini ndo ndi̱xiꞌi Tata yo xaꞌa ndo, ta väꞌa íkan ndo, chi köo íyo yuꞌu ndo xiꞌin taꞌan ndo tá íkan ndo saa.

1 Corintios 3:13

Sundi tá ná tindaa kivi ya ndiꞌi xaꞌa ñuu ivi yóꞌó, ta saa kua ndituvi teꞌe ndiꞌi ya xaꞌa chiñu ya i̱kan iin iin naꞌa. Ta ndee ni koko ñu̱ꞌu̱, ta xiꞌin ya ikán kua kuchiñu koto ndoso Ndioxi chiñu iin iin na ndá kuꞌva vaꞌa xa̱a chiñu na.

Los Hechos 16:16

Saa ke̱e tuku nde kuaꞌan nde inka kivi nuu káꞌan na xiꞌin Ndioxi. Ñaa ndi̱kitaꞌan nde xiꞌin iin yá loꞌo, kúu mií tachi nduvaꞌa, ta sa̱ta ñaꞌa xitoꞌo yá xáa chiñu yá nuu na. Ta kuaꞌa ni xuꞌun táva na xiꞌin yá xaꞌa ya ndáku yá.

San Mateo 10:15

Ya ndaa káꞌan i xiꞌin ndo, tá ná tindaa kivi ya xaa nani Ndioxi kuachi xiꞌin na ñuu ivi, ta ndee ni ka sitixuꞌvi ra na ñuu yóꞌó nuu na ñuu Sodoma xiꞌin na Gomorra na väꞌa xi̱ndoo xinaꞌa.

San Juan 12:48

Ta ndiꞌi na kúndasi nuu xíni yeꞌe, na köo xíin ndikiꞌin tuꞌun i, ta íyo ya táxi kuachi xaꞌa na. Tuꞌun ya xi̱ni soꞌo na ndi̱kaꞌan i, ya ikán kua táxi kuachi xaꞌa na.

HEBREOS 10:37

“Chi ra ndátun ndo kixi, ta kama ni kixi ra. Ndiko koo tuku ra kixi ra, küachi ka ra.

HEBREOS 13:22

Na taꞌan yo, xíkan ni i ya mani nuu ndo, kaꞌnu ni koo ini ndo xaꞌa ya loꞌo ni kua táa i nuu tutu yóꞌó xaa ndaꞌa ndo. Ta taa ni soꞌo ndo ya káꞌan i xiꞌin ndo, ya xáꞌa ni i ndee xiꞌin ndo.