HEBREOS 10:23 - Xochapa Mixteco

²³ Ta vitin tuun ni ná kundikun yo ra xaꞌa ya ndáa ni ini yo xiní yo ra, ta ná käka uvi ini yo nuu naꞌa xaꞌa ya ndíkun yo ra, saa chi Ndioxi ta síxinu ndiꞌi ra ya xa ki̱ndoo ra xiꞌin yo.

HEBREOS 10:23 Referans Kwoze

1 Tesalonicenses 5:24

Saa chi Ndioxi ra ka̱na ndóꞌo̱ kundikun ndo ra, ta xaa súvi ra ya ndi̱kaꞌan ra xiꞌin ndo.

1 Corintios 1:9

Vaꞌa ni Ndioxi xiꞌin yo, chi ndee ni vaꞌa síxinu ra ya káꞌan ra xiꞌin yo. Xaꞌa ya ñaa kua ka̱na mií ra ndóꞌo̱ ya iin ndi̱kutaꞌan ndo xiꞌin Seꞌe ra, ra kúu Tata yo Jesucristo.

2 Tesalonicenses 3:3

Sundi mií Tata yo Jesucristo ta síxinu ndiꞌi ra tuꞌun káꞌan ra, saa táxi ni ra ndee ndaꞌa ndo ya tuun ni kundikun ndo ra, saa kundaa ni ra ndóꞌo̱ nuu ya väꞌa.

HEBREOS 6:18

Uvi nuu ku ñaꞌa ya ki̱ndoo Ndioxi xaa súvi ra: iin ku ya ki̱ndoo ra xiꞌin naꞌa xaa súvi ra ya ndi̱kaꞌan ra xiꞌin na, ta inka kua chi̱naꞌa ra tixin mií ra ya sixinu ra ya ki̱ndoo ra xiꞌin na. Xaꞌa ya ikán kua vaꞌa ná kandixa ni yo ra, ta ná kuyati yo nuu ra ya chindee ra yoo, saa ná kundaa teꞌe ini yo ya ndikiꞌin yo ya ndi̱kaꞌan ra xiꞌin yo taxi ra ndaꞌa yo.

Tito 1:2

Chi yoo ta xa kúndaa teꞌe vaꞌa ini yo, ya ki̱ndoo ra xiꞌin yo taxi ra koo yo xiꞌin ra ndiꞌi saa ichí, ta köo ndi̱sindaꞌvi ra yoo chi nda tá täꞌan ka vi xikoo xaꞌa ñuu ivi kua ndi̱kaꞌan ra ikan ra saa xiꞌin yo.

HEBREOS 3:6

Sundi Jesucristo, xaꞌa ya kúu ra Seꞌe Ndioxi ta xáa súvi ni ra chiñu ya ta̱xi Ndioxi ndaꞌa ra, yakan xáꞌnda chiñu ra veꞌe ra. Saa yoo, ta na veꞌe Ndioxi ku yo, yoo ku yo xáꞌnda chiñu ra nuu, tá tu ndinuꞌu ni ini yo ndáa ni ini yo xíni yo Ndioxi, saa kúsini ni yo ndátun yo niꞌi yo ya taxi Ndioxi ndaꞌa yo.

1 Corintios 10:13

Chi taꞌan tindoꞌo̱ ya ndóꞌo ndóꞌo̱ ku ya ndóꞌo ndiꞌi ni kúu va naꞌa. Sundi Ndioxi ta vaꞌa ni va ra chi síxinu ndiꞌi ra ya káꞌan ra, ta saa ikan ra xiꞌin ndo chindee ra ndóꞌo̱ yaꞌa ndo nuu ndiꞌi tindoꞌo ya ndee ni vaxi nuu ndo, ta täxi ra kixi tindoꞌo ndee ni nuu ndo ya küchiñu ndo xiꞌin, sinaꞌa ra ndóꞌo̱ ndá kuꞌva yaꞌa ndo nuu ndiꞌi ya.

El Apocalipsis 3:11

Kama ni ndiko koo i, yakan ni ndóꞌo̱ ta sïndikoo ndo ya ndíkun ndo ichí i, ya ná kïxi inka naꞌa kindaa na ñaꞌa ya taxi Ndioxi ndaꞌa ndo.

Santiago 1:6

Sundi tá ndúku ndo ya nuu ra ta vaꞌa kundaa ni ini ndo ra ya taxi ra ya ndaꞌa ndo, käka uvi ini ndo, chi naꞌa, na xíka uvi ini ta íyo na tá kuꞌva kánda ni nuu nduta ñûꞌu tá xíka ni tachi ta ndá yokan síkuiko nuu rá, saa íin na.

HEBREOS 11:11

Xaꞌa ya xi̱ndaa ni ini yá Sara xi̱ni yá Ndioxi yakan ku̱chiñu yá ka̱ku seꞌe yá, chi köo ndi̱kuvi koo seꞌe yá, yá numa ndi̱xiyo yá, ta ka̱ku seꞌe yá tá xa ku̱chee ni yá. Xaꞌa ya xi̱ndaa ni ini yá xi̱ni yá Ndioxi ya sixinu ra ya ndi̱kaꞌan ra xiꞌin yá, yakan vaꞌa ka̱ku seꞌe yá.

HEBREOS 4:14

Jesús, ra kúu Seꞌe Ndioxi ku iin sutu ra ndee ni chee, ra ndee ni kaꞌnu nuu yo. Ta ra ikán ku ra nda̱a nuu ndivi, yakan tuun ni ná kandixa yo ra, ta ná xïkuiin yo ya ndáa ini yo ra.

HEBREOS 3:14

Ta ya ndixa kua táxi Cristo ndiꞌi ya kúu mií ra ndaꞌa yo, tá tu köo síndoo yo ya tuun ni ndíkun yo ra, tá tu ndáa ni ini yo xíni yo ra tá kuꞌva ndi̱xiyo yo xiꞌin ra nda tá xaꞌa, tá sikan xa̱á yo ndikun yo ra.

2 Corintios 9:13

Ndúkuaꞌa naꞌa taxi tixaꞌvi ndaꞌa Ndioxi, chi kíꞌin na kuenta ya xáa súvi ndo tuꞌun vaꞌa xaꞌa Tata yo Jesucristo ya káꞌan ndoso ndo. Ta saa ndúkuaꞌa ni naꞌa táxi tixaꞌvi ndaꞌa ra xaꞌa ya ndee ni vaꞌa chíndee ndo na taꞌan ndo, ta saa chíndee tu ndo ndiꞌi va naꞌa.

HEBREOS 3:1

Ñani yo xiꞌin kuꞌva yo, ndóꞌo̱ ku ndo ndi̱kaxin Ndioxi, saa ka̱na ra ndóꞌo̱ ta xa̱a i̱í ra ndóꞌo̱ koo ndo xiꞌin ra. Yakan kiꞌin ni ndo kuenta, chi suvi mií Jesús ku ra ku apóstol, ra ti̱ꞌvi Ndioxi vaxi xaa chiñu ra nuu ra, ta kúu tu ra sutu ra chee ni nuu ndiꞌi yo kándixa ñaꞌa.