HEBREOS 10:19 - Xochapa Mixteco

¹⁹ Na taꞌan yo, vitin ta xaꞌa ya ndi̱xita nií Jesucristo tá ndi̱xiꞌi ra, yakan kua ná kündiꞌi ka ini yo, ta ndinuꞌu ini yo ná kiꞌvi yo ini Cuarto ya ndee ni I̱í.

HEBREOS 10:19 Referans Kwoze

Efesios 2:18

Ta vitin xaꞌa ya i̱kan Jesucristo xaꞌa yo kua vaꞌa kuchiñu ndiꞌi ndaa yo kuyati yo nuu Iva yo Ndioxi tixin ndee Tachi I̱í ra.

HEBREOS 9:12

Ta Jesucristo ndi̱kiꞌvi ra ini veꞌe ñuꞌu ikán nuu ndíkaa Cuarto ya ndee ni I̱í, ta köo ndi̱kiꞌvi ra xiꞌin nií tixuꞌu ni xiꞌin nií kiti cerra vali. Sundi xiꞌin nií mií ra kua ndi̱kiꞌvi ra. Ta iindaa mituꞌun ichí kua i̱kan ra saa, ta ya i̱kan ra saa ta ndáa yaꞌvi ni ya, chi ikán ku nuu sa̱ña ra yoo, ndi̱saña ndika yo kuaꞌan yo ndiꞌi saa tiempo, ta nda iin ka ichí küñuꞌu yo ndaꞌa ndee ya väꞌa.

HEBREOS 4:16

Yakan vaꞌa ná kuyati yo nuu ra tá ndóꞌni yo nuu tindoꞌo ta ná ku ïꞌvi yo kuyati yo nuu ra, chi ndee ni vaꞌa ra, kúndaꞌvi ni ini ra xíni ra yoo, yakan kúꞌvi ni ini ra xíni ra yoo, ta saa chindee ra yoo tá ñúꞌu yo nuu tindoꞌo, ta ná kuyati yo nuu íyo ra xáꞌnda chiñu ra.

Efesios 3:12

Xaꞌa ya ndáa ni ini yo xíni yo Tata yo Jesucristo kua vaꞌa ndi̱niꞌi yo ichí kuyati yo nuu Ndioxi kaꞌan yo xiꞌin ra xiꞌin ndinuꞌu nima yo.

ROMANOS 5:2

Saa tu xaꞌa ya kándixa yo Jesucristo kua ndi̱niꞌi uun yo nuu ndi̱kiꞌvi yo ndi̱kitaꞌan vaꞌa ni yo xiꞌin Ndioxi, ta ni küxika ka yo nuu ra. Saa kúsini ni yo chi kúndaa teꞌe ini yo ya koo yo xiꞌin ra nuu kuni yo ya chee ni kúu mií Ndioxi.

HEBREOS 12:28

Nuu xáꞌnda chiñu Ndioxi, nuu koo yo xiꞌin ra kua ndoo koo chi küvi kanda ya ikán kutaꞌa ya. Yakan kua ná taxi ni yo tixaꞌvi ndaꞌa ra, ta saa ná xaa kaꞌnu ni yo ra tá kuꞌva kútoo mií ra, xaꞌa ya íꞌvi yo xíni yo ra.

1 Juan 4:17

Tá ndixinu yo ndinuu kúꞌvi ini yo xíni yo Ndioxi xiꞌin na taꞌan yo, ta ku ïꞌvi yo nuu ra kivi xaa nani ra kuachi yo. Chi tá íyo mií Jesucristo saa íyo yo kivi xíka yo ñuu ivi yóꞌó.

ROMANOS 8:15

Saa chi tachi ya ndi̱kiꞌin yo ta süvi ya sindoꞌo naꞌa kua, köo xáꞌnda chiñu ya nuu yo xiꞌin ya uꞌvi, yakan köo xíniñuꞌu yo ku iꞌvi yo sitixuꞌvi Ndioxi yoo. Chi Tachi Ndioxi, ya táku ini yo vitin, ndása ya yoo seꞌe Ndioxi. Ta táxi ya kaꞌan yo xiꞌin ra, kachi yo saa: “Iva mani mií i”, kachi yo xiꞌin ra.

2 Timoteo 1:7

Saa chi Tachi I̱í Ndioxi ya ta̱xi ra íyo xiꞌin yo ta köo táxi ya nduu yo naꞌa, na ìyo ni, ta̱xi ya ndee ndaꞌa yo ya ná ndundee ni ini yo ta ná küiꞌvi yo, saa ná kuꞌvi ni ini yo kuni taꞌan yo, ta ná koo káxin teꞌe ini yo.

HEBREOS 9:3

Saa tíkaa iin toto chee ni, ta sata toto ikán ndíkaa inka Cuarto, ta Cuarto ikán kua náni Cuarto ya ndee ni I̱í.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.

HEBREOS 3:1

Ñani yo xiꞌin kuꞌva yo, ndóꞌo̱ ku ndo ndi̱kaxin Ndioxi, saa ka̱na ra ndóꞌo̱ ta xa̱a i̱í ra ndóꞌo̱ koo ndo xiꞌin ra. Yakan kiꞌin ni ndo kuenta, chi suvi mií Jesús ku ra ku apóstol, ra ti̱ꞌvi Ndioxi vaxi xaa chiñu ra nuu ra, ta kúu tu ra sutu ra chee ni nuu ndiꞌi yo kándixa ñaꞌa.

HEBREOS 3:6

Sundi Jesucristo, xaꞌa ya kúu ra Seꞌe Ndioxi ta xáa súvi ni ra chiñu ya ta̱xi Ndioxi ndaꞌa ra, yakan xáꞌnda chiñu ra veꞌe ra. Saa yoo, ta na veꞌe Ndioxi ku yo, yoo ku yo xáꞌnda chiñu ra nuu, tá tu ndinuꞌu ni ini yo ndáa ni ini yo xíni yo Ndioxi, saa kúsini ni yo ndátun yo niꞌi yo ya taxi Ndioxi ndaꞌa yo.

HEBREOS 10:18

Ta xa xa̱a kaꞌnu ini Ndioxi xaꞌa yo, yakan kua köo xíniñuꞌu ka nda sutu kaꞌni nda kiti taxi nda ndaꞌa Ndioxi xaꞌa kuachi yo.

HEBREOS 10:35

Yakan ndóꞌo̱, ta sïndikoo ndo ya ndáa ni ini ndo xíni ndo Ndioxi, saa chi vaxi kivi ta yáꞌa ni vaꞌa ya niꞌi ndo nuu ra.