HEBREOS 10:18 - Xochapa Mixteco

¹⁸ Ta xa xa̱a kaꞌnu ini Ndioxi xaꞌa yo, yakan kua köo xíniñuꞌu ka nda sutu kaꞌni nda kiti taxi nda ndaꞌa Ndioxi xaꞌa kuachi yo.

HEBREOS 10:18 Referans Kwoze

HEBREOS 10:2

Saa chi tá tu ndíkuchiñu ley ikán ndasa vaꞌa ya nima na nuu Ndioxi xaꞌa kuachi na, ta kündiꞌi ka ini na xaꞌa kuachi na, ta ni köo xíniñuꞌu soko ka na kiti sana na xaꞌa ya síndikaꞌán ya xínituni na mií na ya íyo ka kuachi na, ndikuu.

HEBREOS 10:14

Saa chi xaꞌa ya i̱kan ra saa ndi̱soko ra mií ra, ta iindaa ichí va i̱kan ra saa, nda̱sa vaꞌa ra na ndíkun sata ra, ndu̱u ndǎku na nuu ra, saa xa̱a i̱í ra na, ta saa koo na ndiꞌi saa tiempo.

HEBREOS 10:17

Ta saa káꞌan tuku ra, káchi ra saa: Ta ndïkaꞌán ka ini i xaꞌa kuachi na, ni ya väꞌa íkan na, ndïkaꞌán ka ini i xaꞌa ya, káchi Iva yo Ndioxi.

HEBREOS 10:19

Na taꞌan yo, vitin ta xaꞌa ya ndi̱xita nií Jesucristo tá ndi̱xiꞌi ra, yakan kua ná kündiꞌi ka ini yo, ta ndinuꞌu ini yo ná kiꞌvi yo ini Cuarto ya ndee ni I̱í.