Gálatas 6:8 - Xochapa Mixteco

⁸ Saa chi ndiꞌi naꞌa chíꞌi ya kúni ikin kuñu na, ta kuꞌva saa koo ñaꞌa ndikiꞌin na, ndikiꞌin na ya ndiꞌi xaꞌa na kuvi na. Sundi naꞌa, na chíꞌi ya kúni Tachi I̱í Ndioxi, ta niꞌi na nuu Tachi I̱í ra kutaku na ndiꞌi saa tiempo.

Gálatas 6:8 Referans Kwoze

ROMANOS 8:13

Saa chi tá íkan yo ya kúni kuñu yo, ta saa kua ku̱aꞌan yo ichí nuu ndíꞌi xaꞌa yo, kuvi yo. Ta saa ni, tá xiꞌin ndee Tachi Ndioxi síndiꞌi xaꞌa yo ya väꞌa, ya kúni ikin kuñu yo, ta saa kua ndixa kutaku yo nuu Ndioxi.

Santiago 3:18

Ndiꞌi naꞌa, na ndúku kuꞌva ya chindee taꞌan na xiꞌin inka naꞌa ya koo vií na, na íkan saa ta tá íin na chíꞌi ñaꞌa vaꞌa saa íin na nuu Ndioxi.

2 Pedro 2:19

Ta káꞌan nda xiꞌin na tá ná kundikun na nda, ta taxi nda koo ndíka na, káchi nda xiꞌin na, ni mií nda ta köo íyo ndíka nda nuu ya väꞌa, xaꞌa ya íkan nda ya kúni mií nda. Ta ya ndaa ku ndixa va ya chi naꞌa, na táxi xáꞌnda chiñu ya väꞌa nuu na, ta núꞌni va na ndaꞌa ya väꞌa.

Gálatas 6:7

Sïndaꞌvi ndo mií ndo, saa chi nda iin naꞌa küvi kusiki ndaa na Ndioxi. Chi tá kúu na chíꞌi, tá kuꞌva chíꞌi na ta kuꞌva saa íyo ñaꞌa ndíkuiso na tá síkee na.

ROMANOS 13:14

Vaꞌa ni ka kua ná ndikundixi ni yo ndee Tata yo Jesucristo. Ta ná ndïkani kíꞌvi ini yo tá kuꞌva ndíkani ini na ñuu ivi yóꞌó, chi na ikán ta ndisaa xaꞌa chiñu kíꞌvi ya kútoo ni mií ikin kuñu na kua íkan na.

El Apocalipsis 22:11

Naꞌa na íkan ya väꞌa, ta vaꞌa ná ikan ka na ya väꞌa. Na íkan ya kini, ta ná ikan ka na ya kini. Na íkan ya vaꞌa ta ná ikan ka na ya vaꞌa. Na i̱í, na xáa súvi ya kúni Ndioxi, ta ná xaa súvi ka na ya kúni Ndioxi ―káchi tatun Ndioxi ikán xiꞌin i.

San Juan 4:36

Ta Ndioxi ku ra cháꞌvi na ndíkaya ivi, saa chi ndiꞌi na yóꞌó ta kutaku na xiꞌin ra ndiꞌi saa kúu kivi, tá kúu ra chíꞌi xiꞌin ra síkee ta iin káchi kúsini nda xiꞌin taꞌan nda.

Judas 1:21

Ta sïndoo ndo ya ndíkun ndo ichí Ndioxi, ra kúꞌvi ni ini xíni ndóꞌo̱, ta saa niꞌi ndo koo ndo xiꞌin ra ndiꞌi saa ichí xaꞌa ya kúndaꞌvi ni ini ra xíni ra ndóꞌo̱.

San Juan 6:27

Xäa chiñu ndo xaꞌa ndisaa ya kuxi ndo, chi ya ñaa ta ya ndíꞌi xaꞌa va kua, sundi xaa chiñu ndo xaꞌa ya köo ndíꞌi xaꞌa, ya chindee ndóꞌo̱ koo ndo xiꞌin Ndioxi ndiꞌi saa kivi ya vaxi. Chi yeꞌe Taa ra xa̱a ñuu ivi yóꞌó ku ra kúu mií ichí ya taxi i ya ndaꞌa ndo, chi Iva i Ndioxi ku ra ta̱xi ichí ndaꞌa i ya ikan i saa ―káchi Jesús xiꞌin na.

ROMANOS 6:13

Nda iin ñaꞌñu ikin kuñu ndo täxi ndo ikan ya ndá ka ñaꞌa ya väꞌa. Ndinuꞌu ni ka ini ndo nditaxi ndo mií ndo ndaꞌa Ndioxi xaꞌa ya ikan ndo ya vaꞌa, ya ndaa nuu ra. Chi vitin kúu ndo naꞌa, na táku nuu ra, ta yachi tá iin na ndíi saa ndi̱xiyo ndo nuu ra. Yakan nditaxi ndiꞌi ndo mií ndo ndaꞌa ra, tá káa iin ndaꞌa chiñu ya xáa chiñu ndaku nuu Ndioxi, saa ná koo ndo xiꞌin ra.

San Mateo 19:29

Ta ndiꞌi na síndikoo veꞌe na, án ñani na, án kuꞌva na, án iva siꞌí na, án yá síꞌi na, án seꞌe na, án ñuꞌú na, xaꞌa ya ndíkun na yeꞌe. Ta na yóꞌó ta kuaꞌa ni ya vaꞌa niꞌi na nuu Ndioxi. Nda iin ciento ka ya vaꞌa niꞌi na sata iin iin ñaꞌa ya si̱ndoo na. Ta saa niꞌi na koo na xiꞌin Ndioxi ndiꞌi saa kivi ya vaxi.

Tito 3:7

Saa nda̱sa vaꞌa ra yoo, ndu̱u yo tá íin naꞌa, na köo ka kuachi kúu mií nuu ra, xaꞌa ya vaꞌa ni ra xiꞌin yo kua i̱kan ra saa xiꞌin yo. Ta saa kúsini ni yo chi kúndaa teꞌe ini yo ya niꞌi yo nuu taxi Ndioxi ndaꞌa yo koo yo xiꞌin ra ndiꞌi saa kivi ya vaxi.

San Juan 4:14

Sundi na koꞌo tikuii nduta táxi i ndaꞌa na ta nda iin kivi ïchi ka na. Saa chi tikuii rá táxi i koꞌo na ta nduu rá tá káa iin ita chee ini na, ta nda iin kivi ïchi rá ini na. Ta na koꞌo tikuii rá taxi i ta küvi na, chi kúu mií rá ndee ya taxi rá kutaku na, ta nda iin kivi ya vaxi ndïꞌi xaꞌa na ―káchi Jesús xiꞌin yá.

San Lucas 18:30

ta kuaꞌa ni ya vaꞌa niꞌi ndo nuu Ndioxi tiempo vitin, ta saa niꞌi tu ndo ya vaꞌa nuu ra tiempo ya vaxi va. Niꞌi ndo nuu koo ndo xiꞌin ra ndiꞌi saa tiempo, nda iin kivi ndïꞌi xaꞌa ndo ―káchi Jesús xiꞌin nda.

2 Pedro 2:12

Ta nda vata sínaꞌa ñaa, ta ya káꞌan ndikuu nda xaꞌa ku ndiꞌi va ñaꞌa ya köo kúndaa ini nda xiꞌin. Tá íkan kiti, ri köo ya xínituni va saa íkan nda, chi kiti ikán ta ka̱ku ri ya tiin na ri kuꞌun ri kuvi va ri, tá kuꞌva ndóꞌo ri ikán, saa kundoꞌo tu nda ñaa va.

1 Timoteo 1:16

Xaꞌa ya ikán kua ku̱ndaꞌvi ni ini Tata yo Jesucristo xi̱ni ra yeꞌe. I̱kan ra saa xiꞌin i ya kúni ra ná kuni naꞌa ya ndee ni kaꞌnu ini ra xiꞌin na ndee ni ndee kuachi kúu mií nuu ra. Ta kúni ra ná kuni na ya ndo̱ꞌo i, ta saa kuchiñu na kandixa na ra, ta saa niꞌi na kutaku na xiꞌin ra ndiꞌi saa kivi ya vaxi.

San Mateo 25:46

Ta saa kuꞌun na nuu tixuꞌvi ni na ndiꞌi saa kivi ya vaxi, ta na vaꞌa, na xáa súvi ya kúni Ndioxi ta kuꞌun na nuu kutaku na xiꞌin Ndioxi ndiꞌi saa kivi ya vaxi ―káchi Jesús xiꞌin na.

ROMANOS 6:23

Saa chi naꞌa, na íkan kuachi ta yaꞌvi na ya cháꞌvi kuachi na nuu na kua ndiꞌi xaꞌa na, kuvi na nuu Ndioxi. Sundi yoo ta si̱niꞌi Ndioxi ya vaꞌa nuu yo ya kutaku yo xiꞌin ra ndiꞌi saa kivi, ta nda iin ichí ndïꞌi xaꞌa yo, xaꞌa ya xa iin ndu̱u yo xiꞌin Tata yo Cristo Jesús.

ROMANOS 8:6

Ta saa naꞌa na íkan ndisaa ya kúni mií ikin kuñu na, ta tíꞌvi na mií na ku̱aꞌan na ichí nuu ndiꞌi xaꞌa na kuvi na nuu Ndioxi. Sundi naꞌa, na xáa súvi ya kúni mií Tachi I̱í Ndioxi ta kutaku na xiꞌin Ndioxi, saa koo vaꞌa ni ini na.

ROMANOS 8:11

Ndioxi ku ra si̱taku Jesús tá ndi̱xiꞌi ra. Ta suvi ni mií ra si̱taku Cristo Jesús ku ra taxi kutaku ndo. Saa taxi ra kutaku ikin kuñu ndo ya ndíꞌi xaꞌa. Tixin mií Tachi ra ya íyo xiꞌin ndo kua sitaku ra ndoꞌo̱.

1 Corintios 15:42

Yakan saa tu ikin kuñu na ndíi va: chi tá ndi̱xiꞌi yo sínduxi na ikin kuñu yo tixin ñuꞌú, táꞌi ya. Sundi tá ná nditaku yo ta nda iin ka kivi ndïꞌi xaꞌa ikin kuñu yo.