Gálatas 6:17 - Xochapa Mixteco

¹⁷ Ñani yo, yóꞌó ku nuu káꞌan i xiꞌin ndo, xíkan ni i ya mani nuu ndo, täva ka ndo kuachi xiꞌin i. Chi yeꞌe, ta ndee ni va kuaꞌa yanda íyo ikin kuñu i nuu ti̱kueꞌe ni i xaꞌa ya ndóꞌo ni i xaꞌa Tata yo Jesucristo.

Gálatas 6:17 Referans Kwoze

2 Corintios 1:5

Saa chi ndeꞌe, ta ndee ni kuandaa kuachi sata nde, tíxuꞌvi ni nde xaꞌa ya ndíkun nde Tata yo Jesucristo. Yakan tá kuꞌva kuandaa ni kuachi nde, kuꞌva saa kuandaa ni tu ya síndiko ra ini va nde.

Colosenses 1:24

Ta yeꞌe, ta kúsini ni va i ya tíxuꞌvi i xaꞌa ndo vitin ñani yo xiꞌin kuꞌva yo na veꞌe ñuꞌu, chi xaꞌa ya tíxuꞌvi i saa kua síxinu ka i ya ti̱xuꞌvi ni Jesucristo xaꞌa ndóꞌo̱ kándixa ra, chi ikin kuñu ra ku ndo.

2 Corintios 4:10

Nda mií nuu kuaꞌan nde, ta tindoꞌo ya ndóꞌo ikin kuñu nde kua káꞌan xaꞌa nde ya ndóꞌo ni nde, chi saa ndo̱ꞌo ni mií Tata yo Jesucristo ndi̱xiꞌi ra. Ta xiꞌin ya ndóꞌo nde saa kua vaꞌa xíto naꞌa ya táku ra ini nde.

HEBREOS 12:15

Kuenta ni koo ndo xiꞌin taꞌan ndo, kïꞌvi ndo kuachi ya táxi kuxika naꞌa nuu ya kúꞌvi ni ini Ndioxi xíni ra na. Täxi ndo kaku ya väꞌa nima ndo saa nduu ndo tá íyo iku uva, ya xatu ni síkuaꞌa kueꞌe xiꞌin naꞌa. Ta ìyo ni sindiꞌi xaꞌa ndo ya vaꞌa kuaꞌa ni naꞌa.

Los Hechos 15:24

Ku̱ndaa ini nde xaꞌa sava nda taꞌan nde ndóo ñuu Jerusalén yóꞌó ya ndi̱xaꞌan nda kéꞌe nda ndóꞌo̱, sáka nda ini ndo, káꞌan nda xiꞌin ndo ya xíniñuꞌu ndo ndikunuu tuni Ndioxi ndóꞌo̱, ta xaa súvi ndo ley ya ta̱a ra Moisés, káchi nda xiꞌin ndo. Ta kúni nde kundaa ini ndo, chi ndeꞌe ta köo ndi̱taxi nde ichí ndaꞌa nda xaa nda kaꞌan nda xiꞌin ndo.

Gálatas 1:7

Ta ya ndixa kua káꞌan i xiꞌin ndo, köo ka inka tuꞌun vaꞌa xaꞌa Jesucristo, ya ndaa ni xaꞌa ra kua xa ndi̱tuꞌun i xiꞌin ndo. Chi íyo sava nda taa kúni saka xi̱ní ndo ya ná ndisaka ini ndo xaꞌa tuꞌun ra ya xa xi̱ni soꞌo ndo.

Filipenses 3:10

Saa chi ya kúni ni i kua yóꞌó: Kúni ni i kuni taꞌan vaꞌa ka i xiꞌin Cristo, saa kúni i koo ndee Ndioxi ya si̱taku Jesús xiꞌin i, ta xa íyo ndúvi i ndoꞌo i tá kuꞌva ndi̱xiyo ndúvi mií ra ndi̱xiꞌi ra.

El Apocalipsis 13:16

Ta kiti uvi, ri ìyo ni káa ikán xa̱ꞌnda ri chiñu ya ndikunuu sello iin iin na, kaꞌi na vali tin na naꞌnu, saa tu na kuika tin na ndaꞌvi, saa tu na íkan chiñu mií na án na xáa chiñu xiꞌin ya nduxa nuu xitoꞌo na. Ndi̱taꞌnda chiñu ya ndikunuu sello ndaꞌa kuáꞌá na án taan na.

El Apocalipsis 13:17

Ta naꞌa, na köo sello kúu mií, ta küchiñu na sata na ñaꞌa xíniñuꞌu na ta ni ku̱chiñu na xiko na. Ta sello ikán kua kúu kivi kiti núnu̱ú ikán, án número mií ri ìyo ni káa ikán kua.