Gálatas 6:14 - Xochapa Mixteco

¹⁴ Sundi yeꞌe, ta köo kúni i kutai ini i xaꞌa ndá ka ñaꞌa. Ndisaa xaꞌa ya ndi̱xiꞌi Tata yo Jesucristo nuu cruzin xaꞌa kuachi yo kua kúni i kutai ini i xaꞌa. Chi xaꞌa ya i̱kan Jesucristo nuu cruzin kua ndu̱u i tá káa iin ra xa ndi̱xiꞌi nuu ya väꞌa íyo ñuu ivi yóꞌó, ta köo ka ndee ya kaꞌnda chiñu ya nuu i, chi yeꞌe tá káa ra xa ndi̱xiꞌi va saa káa i nuu ya.

Gálatas 6:14 Referans Kwoze

ROMANOS 6:6

Saa chi tá ndi̱xiꞌi Jesucristo ndaꞌa cruzin, ta nda tá íin mií yo ndi̱xiꞌi saa ndi̱xiyo yo xiꞌin ra ndaꞌa nu. Ndaꞌa nu ikán ku nuu ndi̱ꞌi xaꞌa ya yata, ya ku̱u mií yo, ya ndee ni si̱keꞌe ini yo ikan yo ya väꞌa nuu Ndioxi.

Gálatas 2:20

Ta yeꞌe, nda tá káa ra ínuu nuu cruzin xiꞌin Tata yo Jesucristo saa káa i, ta köo táku ka i xaꞌa mií i, chi ndisaa xaꞌa mií ra kua táku i. Kivi táku i ini ikin kuñu i ya kúu mií i, ta ndisaa xaꞌa ya ndáa ni ini i xíni i Tata yo Jesucristo ra kúu Seꞌe Ndioxi kua táku i, chi mií ra ku ra kúꞌvi ni ini xíni yeꞌe, saa ta̱xi ra mií ra ndi̱xiꞌi ra xaꞌa i.

1 Corintios 2:2

Saa tá ndi̱xiyo i xiꞌin ndo, ta chi̱kaa ini i kaꞌan i xiꞌin ndo ndisaa xaꞌa Cristo, ta köo ndi̱xiin i kaꞌan i xiꞌin ndo ndá ka ñaꞌa, ndisaa xaꞌa ya ndi̱xiꞌi ra nuu cruzin kua ndi̱kaꞌan i xiꞌin ndo.

Filipenses 3:3

Ta na ndixa kúu mií tuni Ndioxi ku yoo na káñuꞌu ni Ndioxi xiꞌin ndiꞌi nima yo, chi kúu mií yo Tachi Ndioxi. Ta kúsini ni yo xiꞌin ya i̱kan Tata yo Jesucristo xaꞌa yo. Ta köo kándixa yo ya sikaku ra yoo xaꞌa kuꞌva íin yo án xaꞌa ndá ka ñaꞌa ya íkan yo.

ROMANOS 1:16

Kúni i ná kundaa ini ndo, chi yeꞌe ta köo kúkaꞌan nuu i ya kándixa i tuꞌun vaꞌa xaꞌa Jesucristo, chi tuꞌun yóꞌó kúu mií ya ndee Ndioxi ya sikaku ya ndiꞌi naꞌa, na kándixa ya káꞌan ya. Xiꞌna ni ka na judío ku na xi̱ni soꞌo tuꞌun vaꞌa xaꞌa Jesucristo, saa xi̱ni soꞌo tu naꞌa, na köo kúu judío va ya.

Gálatas 5:24

Ta saa ndiꞌi yo íyo xiꞌin Jesucristo xaꞌa ya ndi̱xiꞌi ra nuu cruzin xaꞌa yo, ta saa iin káchi ndi̱xiꞌi tu ikin kuñu yoo va xiꞌin ndiꞌi ñaꞌa väꞌa ya ndee ni ku̱too ikin kuñu yo xaa súvi ya yachi.

1 Corintios 3:21

Xaꞌa ya ñaa kua, kütai ini ndo xaꞌa ya ndíkun ndo ndá ka taa, chi nda taa taꞌan mií ndo ku nda, ta saa tu ndeꞌe, xaꞌa mií va ndo xáa chiñu nde, ya chindee taꞌan nde xiꞌin ndo.

1 Corintios 15:58

Ñani mani, xaꞌa ya ñaa kua xíniñuꞌu ndo ndee ni ndee kundikun ndo ichí Ndioxi, xaꞌa ni ndo ndee ta ndïko koo ini ndo ya íkan ndo saa, iin tuun saa chikaa ini ndo xaa chiñu ni ndo xaꞌa Tata yo, saa chi chiñu íkan ndo nuu ra, ta süvi ya uun ku ya.

Gálatas 1:4

Chi Tata yo Jesucristo ta ndi̱taxi ra mií ra ndi̱xiꞌi ra xaꞌa kuachi yo, xaꞌa ya saa chi̱tuni mií Iva yo Ndioxi, ya kuchiñu yo kaku yo nuu ya väꞌa, ya xáꞌnda chiñu ñuu ivi yóꞌó, nuu ndóo yo tiempo vitin.

1 Corintios 1:23

Sundi ndeꞌe, ta xaꞌa Jesucristo, ra ndi̱xiꞌi nuu cruzin xaꞌa kuachi va yo kua káꞌan ndoso nde xiꞌin na. Ta tuꞌun yóꞌó nda tá káa yu̱ú nuu káchiꞌi xaꞌa na kóyo na, saa káa ya nuu na judío. Ta na griego ndíkani ini na, tá káa ya kíꞌvi va, saa káa ya nuu na.

ROMANOS 6:2

¡Ni küvi ka ikan yo saa! Chi yo kándixa Jesucristo ku yo, tá íin yo xa ndi̱xiꞌi saa íin yo nuu kuachi ya xa̱ꞌnda chiñu nuu yo yachi, yakan ni chïkaa soꞌo ka yo ya väꞌa.

2 Corintios 11:12

Ta nda vitin, ta täxi i ya chaꞌvi nda iin ndo yeꞌe xaꞌa ya ndítuꞌun i xiꞌin ndo xaꞌa Jesucristo, sïndiꞌi i ini nda iin ndo. Chi köo kúni i ya chinuu vaꞌa nda apóstol vata ikán tuꞌun nda, xaꞌa ya káꞌan nda ya iin káchi íin nda tá kuꞌva íin ndeꞌe, káchi nda, ta süvi ya ndaa kua.

San Lucas 20:16

Ná kaꞌan i xiꞌin ndo unkua ikan ra xiꞌin na. Tá ná xaa ra, ta iin sindiꞌi xaꞌa ndiꞌi ra na ta̱xi too ra ñuꞌú ndaꞌa, kaꞌni ra na. Ñaa nduku ra inka na kundaa ñuꞌú ra ―káchi Jesús xiꞌin na. Tá xi̱ni soꞌo na ya ndi̱kaꞌan ra. Ñaa xa̱á na káꞌan na, káchi na saa: ―Ná täxi Ndioxi kundoꞌo yo tá ndo̱ꞌo na ndu̱ku too ñuꞌú ra ikán ―káchi na.

Gálatas 2:17

Saa tu yoo va, xaꞌa ya kúni yo ndikuiso vaꞌa Ndioxi yoo kua kándixa yo Jesucristo, ta ya ñaa kua kúni kachi ya, yo íyo kuachi ku tu mií va yo nuu Ndioxi. Ta xaꞌa ya ndíkuni yo ya íyo kuachi yo nuu ra, ta köo kúni kachi ya mií Jesucristo ku ra tíꞌvi yoo ya ikan yo ya väꞌa. ¡Chi süvi saa íyo ya!

Gálatas 2:19

Saa chi yeꞌe, ta tá káa ra xa ndi̱xiꞌi va saa káa i nuu ley ya ta̱a ra Moisés. Suvi mií ley ikán kua xa̱ꞌni yeꞌe tá kivi ndi̱xiꞌi i nuu ya, ta saa kua ndi̱taku i ya xaa súvi i ya kúni mií Ndioxi.

Gálatas 3:21

Ta ya ndítuꞌun i xaꞌa xiꞌin ndo, ta ¿án köo ndi̱xiyo yuꞌu ya xiꞌin ley ya ta̱a ra Moisés xaꞌa ya ki̱ndoo Ndioxi xiꞌin ra Abraham, túvi ndo? ¡Ta süvi saa íyo ya! Chi tá tu ya ndi̱kuchiñu ku ley ikán taxi ya kutaku yo ndiꞌi saa tiempo xiꞌin Ndioxi, xaꞌa ya xáa súvi ni yo ya, ta ndikuiso vaꞌa va ra yoo nduu yo naꞌa, na köo ka kuachi kúu mií nuu ra, ndikuu.

Filipenses 3:18

Chi xa kuaꞌa ni ichí ndi̱kaꞌan i xiꞌin ndo, ta vitin káꞌan tuku i xiꞌin ndo, nda xáku i káꞌan i xiꞌin ndo xaꞌa sava naꞌa, na sáa ini xíni tuꞌun vaꞌa xaꞌa Tata yo Jesucristo, ra ndi̱xiꞌi nuu cruzin.

Colosenses 2:20

Ta ndóꞌo̱, tá íin ndo ndi̱xiꞌi xiꞌin Tata yo Jesucristo saa íyo ndo, xaꞌa ya ñaa kua ndi̱saña ndo ndaꞌa tachi nduvaꞌa, ta köo xáꞌnda chiñu ka ya nuu ndo vitin. ¿Ta ndachu táxi tuku ndo ichí ya kaꞌnda chiñu ya nuu ndo?