Gálatas 5:10 - Xochapa Mixteco

¹⁰ Ta yeꞌe, ta kándixa i ya chindee Ndioxi ndóꞌo̱ ya kundaa ini ndo, ya ná kändixa ndo ya káꞌan nda vata ñaa xiꞌin ndo. Chi nda ñaa ku nda sáka ini ndo xaꞌa ñaꞌa ya káꞌan nde xiꞌin ndo, ta vaꞌa chi mií Ndioxi ku ra sindoꞌo ini nda xaꞌa ya íkan nda saa, án ndá ka mií naꞌa kúu va na, ta saa ikan ra xiꞌin na.

Gálatas 5:10 Referans Kwoze

Gálatas 5:12

Ta naꞌa, na síndaꞌvi ndóꞌo̱ ya ndikunuu tuni Ndioxi ndóꞌo̱, ta ¡án vaꞌa ka ná kaꞌnda vaꞌa va na mií na, nduu capo va na, káchi yeꞌe!

Filipenses 3:15

Ta kuꞌva saa ná ndikani ini ndiꞌi yo xa xa̱ꞌnu tuꞌun Ndioxi nima. Tá ndá tu ndóꞌo̱ köo ndíkani ini kuꞌva saa, ta xa síin ndíkani ini ndo, ta mií Ndioxi ku ra sinaꞌa ndóꞌo̱ ndá kuꞌva ndikani ini ndo.

Gálatas 1:7

Ta ya ndixa kua káꞌan i xiꞌin ndo, köo ka inka tuꞌun vaꞌa xaꞌa Jesucristo, ya ndaa ni xaꞌa ra kua xa ndi̱tuꞌun i xiꞌin ndo. Chi íyo sava nda taa kúni saka xi̱ní ndo ya ná ndisaka ini ndo xaꞌa tuꞌun ra ya xa xi̱ni soꞌo ndo.

2 Corintios 2:3

Xaꞌa ya ñaa kua vaꞌa ka ta̱a i tutu xaa ya nuu ndo, ta köo ndi̱xaa mií i nuu ndo, ya ná xäa suchi i ini ndo. Chi tá ná ndi̱kitaꞌan tuku i xiꞌin ndo ta xäa suchi ndo ini i, xaa sií va ndo ini i.

1 Timoteo 1:20

Ta saa ndo̱ꞌo ra Himeneo xiꞌin ra Alejandro. Xaꞌa ya íkan kua ndi̱taxi i uvi saa nda ndaꞌa kiti nǎꞌa, ya ná sikuaꞌa nda ya käꞌan ndikuu nda xaꞌa Ndioxi.

Gálatas 6:17

Ñani yo, yóꞌó ku nuu káꞌan i xiꞌin ndo, xíkan ni i ya mani nuu ndo, täva ka ndo kuachi xiꞌin i. Chi yeꞌe, ta ndee ni va kuaꞌa yanda íyo ikin kuñu i nuu ti̱kueꞌe ni i xaꞌa ya ndóꞌo ni i xaꞌa Tata yo Jesucristo.

Gálatas 4:17

Chi naꞌa, na xáa nduxa xiꞌin ndo ya ndikundikun ndo ley ya ta̱a ra Moisés ta süvi na vaꞌa ku na, yakan ndee ni va ndúku na kuꞌva ya koo vaꞌa ni ini ndo xiꞌin na, sundi väꞌa ndíkani ini na xíni na ndóꞌo̱. Kúni na ná kuxika ndo nuu nde, ta ndisaa mií na ná kundikun ndo, ta köo kúni na kundikun ndo inka naꞌa.

Gálatas 3:1

¿Ndachu kíꞌvi ni íkan ndo, ñani yo, na ñuu Galacia? ¿Ta unku na sa̱ka ini ndo ya köo xíin ka ndo kandixa ndo ya ndaa si̱naꞌa nde ndóꞌo̱ xaꞌa Jesucristo? Chi tá si̱naꞌa i ndóꞌo̱ ta ndee ni va teꞌe si̱naꞌa i ndóꞌo̱ xaꞌa ya ndi̱xiꞌi ra nuu cruzin xaꞌa kuachi ndiꞌi yo.

Gálatas 2:6

Ta nda ñani yo ndóo ñuu Jerusalén, nda kúnaꞌnu, ndíso chiñu xiꞌin na veꞌe ñuꞌu, ta nda iin ya köo ndi̱kaꞌan nda xiꞌin i ya nama i kuꞌva sínaꞌa i naꞌa. Ta saa ni yeꞌe ta köo xíka ini i xaꞌa ya káꞌan nda, ni nda naꞌnu ni va ku nda. Saa chi nuu Ndioxi ta iin káchi íin ndiꞌi va yo ivi yóꞌó nuu ra.

Gálatas 2:4

Ndi̱kitaꞌan nde ndi̱tuꞌun nde xiꞌin taꞌan nde, chi sava nda káꞌan kúu nda ñani yo, ta nda vata va ku nda. Tá kua ndi̱kiꞌvi nda veꞌe ñuꞌu ya xínani nda ya íkan yo, chi nda ikán ta köo kúni nda ya koo ndíka yo tá kuꞌva káꞌan Jesucristo, sundi kúni nda ná nduu tuku yo tá íin yo xáa súvi ley Ndioxi xiꞌin ya nduxa.

2 Corintios 10:6

Chi ndeꞌe, tá ná kuni nde ya ndee ni vaꞌa ndíkun ndo Jesucristo, ta xa íyo ndúvi nde taxi nde ndoꞌo naꞌa, na köo xíin kándixa ra.

1 Corintios 5:5

Ta ñaa nditaxi ndo ra ndaꞌa kiti nǎꞌa ya ná ndiꞌi xaꞌa ikin kuñu ra xaꞌa ya väꞌa íkan ra, ta saa kuchiñu kaku ya vaꞌa ra kivi tá ná ndiko koo Tata yo Jesucristo kixi ra.

Los Hechos 15:24

Ku̱ndaa ini nde xaꞌa sava nda taꞌan nde ndóo ñuu Jerusalén yóꞌó ya ndi̱xaꞌan nda kéꞌe nda ndóꞌo̱, sáka nda ini ndo, káꞌan nda xiꞌin ndo ya xíniñuꞌu ndo ndikunuu tuni Ndioxi ndóꞌo̱, ta xaa súvi ndo ley ya ta̱a ra Moisés, káchi nda xiꞌin ndo. Ta kúni nde kundaa ini ndo, chi ndeꞌe ta köo ndi̱taxi nde ichí ndaꞌa nda xaa nda kaꞌan nda xiꞌin ndo.

FILEMÓN 1:21

Táa i tutu yóꞌó xaa ya ndaꞌa un ñani yo, chi yeꞌe ta ndáa ni ini i xíni i yóꞌo̱ ya xaa súvi un chiñu ya ndúku i nuu un, ta nda kuaꞌa ka ya ikan un xiꞌin i.

2 Tesalonicenses 3:4

Ta ndáa ni ini nde xíni nde Tata yo Jesucristo ya chindee ra ndóꞌo̱ xaa súvi ndo ndiꞌi ya ndi̱kaꞌan nde xiꞌin ndo, ta ndiꞌi saa ichí ná ikan ndo saa.

Gálatas 4:20

Tá ya kúvi vi kua ta ndikun xaa i nuu ndo ñaa, saa kuekuee ndituꞌun i xiꞌin ndo tá kuꞌva kúni mií i. Ta xaꞌa ya köo íyo yati i xiꞌin ndo ta ni köo xíni i ndá kuꞌva kaꞌan i xiꞌin ndo.

Gálatas 4:11

Ta xaꞌa ya íkan ndo saa kua íꞌvi ni va i xiꞌin ndo chi án sana ya mani uun va kua ndi̱kaꞌan ndoso i tuꞌun Ndioxi xiꞌin ndo.

2 Corintios 13:10

Táa kuee i tutu yóꞌó xaa ya nuu ndo yachi ka tá täꞌan xaa i nuu ndo, tá íyo xíka ni i saa káꞌan i xiꞌin ndo. Chi tá ná xaa i nuu ndo ta köo xíniñuꞌu i koo ndaku ni ini i xiꞌin ndo xiꞌin ichí ya ta̱xi Tata yo ndaꞌa i kuniñuꞌu i xiꞌin ndo. Chi ichí ta̱xi ra ndaꞌa i xaꞌa ndo, ta ya chindee taꞌan i xiꞌin va ndo kua, süvi xaꞌa ya sindiꞌi xaꞌa i ndóꞌo̱ xiꞌin kua.

2 Corintios 10:2

Ta xaꞌa ya ñaa kua káꞌan i xiꞌin sava ndo vaꞌa ka ná ndinama ini ndo xaꞌa ya ndíkani ini ndo xaꞌa i saa, ta ni yeꞌe ta ndäꞌi kueꞌe i nuu ndo ya ndíkani ini ndo xaꞌa i ya xáa súvi i chiñu tá kuꞌva íkan na ñuu ivi yóꞌó, káchi ndo xaꞌa i. Chi yeꞌe ta xa íyo ndúvi va i ya kaꞌan i xiꞌin sava ndo.

2 Corintios 8:22

Ta saa tíꞌvi tu nde inka ra ñani yo xaa ra xiꞌin nda, chi ndee ni vaꞌa íyo ndúvi ra xaa súvi ra ndá ka chiñu. Chi ndee ni kúni ra chindee taꞌan ra xiꞌin na taꞌan yo, yakan xaa ra nuu ndo, xaꞌa ya ndee ni ndáa ini ra xíni ra ndóꞌo̱.

2 Corintios 7:16

Kúsini ni i chi yáꞌa ni ndáa ini i xíni i ndóꞌo̱ xaꞌa ya íkan ndo saa.

2 Corintios 5:16

Ta vitin xiꞌin ndiꞌi saa kivi ya vaxi, ta ndeꞌe ta xa si̱ndikoo nde ya ndíkani ini nde xaꞌa inka naꞌa, köo íkan ka nde tá kuꞌva íkan na ñuu ivi yóꞌó. Ya ndixa kua saa ndi̱kani ini nde xaꞌa na yachi tá täꞌan kundikun nde Jesucristo. Nda ni mií ra ta saa ndi̱kani ini nde xaꞌa ra, ta vitin ta köo ndíkani ka ini nde xaꞌa ra kuꞌva saa.

2 Corintios 2:6

Ta vaꞌa va, chi xa cha̱ꞌvi va ra xaꞌa kuachi ya i̱kan ra chi xa iin káchi si̱ndoꞌo ndiꞌi va ndo ini ra.

2 Corintios 1:15

Ta xaꞌa ya ndáa ni ini i ya kuchiñu ndo kundaa ini ndo xiꞌin ya ndi̱kaꞌan i xiꞌin ndo, yakan ndi̱kani ini i xaa i koto i ndóꞌo̱, ta vaꞌa ni kee ndo, chi uvi ichí vi xaa i nuu ndo.

Gálatas 5:7

Ta ndóꞌo̱, ta vaꞌa ni va xa̱a súvi ndo ndi̱xika ndo ichí ra ya ndaa. Ta ¿unku na si̱ndaꞌvi ndóꞌo̱ ya kündikun ka ndo ichí ra?