Gálatas 4:11 - Xochapa Mixteco

¹¹ Ta xaꞌa ya íkan ndo saa kua íꞌvi ni va i xiꞌin ndo chi án sana ya mani uun va kua ndi̱kaꞌan ndoso i tuꞌun Ndioxi xiꞌin ndo.

Gálatas 4:11 Referans Kwoze

1 Tesalonicenses 3:5

Xaꞌa ya ñaa kua köo ndi̱kundee ka ini i kundatun i, chi kúni ni i kundaa ini i ndá kuꞌva kándixa ndo Tata yo Jesucristo, yakan vaꞌa ka ti̱ꞌvi i ra Timoteo ñani yo xaa ra nuu ndo koto ra ndóꞌo̱. Süvi ka vi ya sindaꞌvi kiti nǎꞌa ndóꞌo̱ ya ikan ndo ya väꞌa, chi tá tu ná ikan ndo saa ta ni köo ndáa yaꞌvi ya i̱kan nde xiꞌin ndo, ya uun kuiti va kua xa̱a chiñu nde xiꞌin ndo.

Gálatas 2:2

Ndi̱xaꞌan i ñuu Jerusalén, saa chi saa íyo ya si̱naꞌa Ndioxi nuu i ya xíniñuꞌu i kuꞌun i. Saa ndi̱kitaꞌan i xiꞌin ndisaa mií nda ñani yo, nda ínuu tuꞌun ndíso chiñu xiꞌin veꞌe ñuꞌu ñuu Jerusalén. Ta ndi̱tuꞌun i xiꞌin nda xaꞌa tuꞌun vaꞌa ya ndíkani i xaꞌa Tata yo Jesucristo nuu naꞌa, na köo kúu judío. Ndi̱tuꞌun teꞌe i xiꞌin nda ya ná kundaa ini nda ya köo ndi̱nama i tuꞌun ya ndítuꞌun i xiꞌin naꞌa xaꞌa Jesucristo, chi köo kúni i xaa chiñu uun i, tá tu köo íyo yuꞌu nda xiꞌin i xaꞌa chiñu íkan i.

2 Juan 1:8

Ta ndóꞌo̱, kuenta ni koo ndo saa chi süvi ka vi ya mani uun xa̱a chiñu ndo. Sundi ndikundikun ni ndo Jesucristo, ta saa ndikiꞌin ndo ndiꞌi ya vaꞌa chi̱tuni Ndioxi taxi ra ndaꞌa ndo.

Filipenses 2:16

Chi tuun ni ndíkun ndo tuꞌun ra ya táxi táku ndo xiꞌin Ndioxi. Tá íkan ndo ya yóꞌó, ni yeꞌe, ta vaꞌa ni kúni i xiꞌin ndo. Chi kivi tá ná ndiko koo Cristo ñuu ivi yóꞌó ta kuni ra ya ndixa kua xa̱a chiñu i xiꞌin ndo, ta köo ndi̱xaa chiñu uun i xiꞌin ndo.

Gálatas 4:20

Tá ya kúvi vi kua ta ndikun xaa i nuu ndo ñaa, saa kuekuee ndituꞌun i xiꞌin ndo tá kuꞌva kúni mií i. Ta xaꞌa ya köo íyo yati i xiꞌin ndo ta ni köo xíni i ndá kuꞌva kaꞌan i xiꞌin ndo.

1 Corintios 15:58

Ñani mani, xaꞌa ya ñaa kua xíniñuꞌu ndo ndee ni ndee kundikun ndo ichí Ndioxi, xaꞌa ni ndo ndee ta ndïko koo ini ndo ya íkan ndo saa, iin tuun saa chikaa ini ndo xaa chiñu ni ndo xaꞌa Tata yo, saa chi chiñu íkan ndo nuu ra, ta süvi ya uun ku ya.

Los Hechos 16:6

Saa ku̱ni ra Pablo kuꞌun ra chí Asia ta köo ndi̱xiin Tachi I̱í Ndioxi taxi ya kuꞌun nda ndituꞌun nda tuꞌun Ndioxi ikán. Xaꞌa ya ikán kua ndi̱kiꞌin nda kuaꞌan chí Frigia xiꞌin Galacia.

Gálatas 4:10

Chi ndóꞌo̱, ta ndínaꞌa ka va ndo taꞌan ya íkan na ñuu ivi yóꞌó, chi xáa kaꞌnu ka va ndo sava kivi, xiꞌin yoo tin kuiya, ndítava ka va ndo viko taꞌan ya íkan na ivi yóꞌó.

Gálatas 4:12

Xaꞌa ya ikán kua xáku ndaꞌvi i nuu ndo ñani yo, ya ná nduu ndo tá kuꞌva íyo yeꞌe, chi yeꞌe ta xa ndu̱u i tá kuꞌva íyo mií ndo köo kúu judío, ta ïkan ka ndo taꞌan ñaꞌa ya íkan ley nde judío. Chi yo kándixa Jesucristo ta xa ndi̱saña ndíka yo nuu ndiꞌi ya ñaa, ta saa kúni i ná koo ndo. Saa chi ndóꞌo̱ ta nda iin ya väꞌa köo ndi̱kan ndo xiꞌin i.