Gálatas 3:19 - Xochapa Mixteco

¹⁹ Tá tu saa, ta ¿ndá xaꞌa kua ta̱xi Ndioxi ley ra ndaꞌa ra Moisés, túvi ndo? Ta̱xi Ndioxi ley ra ndaꞌa na ya ná kundaa ini na väꞌa íkan na nuu Ndioxi, chi köo ndi̱xaa súvi na ya kúni ra. Ta saa chi̱tuni ra koo saa kaꞌnda chiñu ley ra nuu na, nda kivi tá ná xinu kivi kixi Jesucristo, ra kúu seꞌe sikua ra Abraham, ra ndi̱kaꞌan Ndioxi xaꞌa nuu ndikiꞌin ra ya vaꞌa taxi Ndioxi ndaꞌa ra. Ta saa ta̱xi ra ley ra ndaꞌa na tatun ra, ta na ikán ta̱xi ya ndaꞌa ra Moisés ndi̱xikanuu ra nuu na Israel ta̱xi ra ya ndaꞌa na.

Gálatas 3:19 Referans Kwoze

Los Hechos 7:53

Vani tatun na ke̱e nuu Ndioxi ku na ndi̱tuꞌun xiꞌin xii yo ndi̱kiꞌin na ley Ndioxi ya si̱ndoo ra Moisés ndaꞌa na, ta ni köo xíin ndo kandixa ndo ya ―káchi ra Esteban xiꞌin na chiñu ikán.

HEBREOS 2:2

Ndikaꞌán ini ndo xaꞌa ley Ndioxi ya ta̱xi ra ndaꞌa na tatun ra ta na ikán ta̱xi ya ndaꞌa xii sikua yo ra Moisés. Ta ya ndi̱kaꞌan Ndioxi xiꞌin na ndi̱xiyo ndee ya si̱tixuꞌvi ni ya ndiꞌi naꞌa, na köo ndi̱xiin xaa súvi ya káꞌan ya.

Gálatas 3:16

Ta kuꞌva saa íyo ya ki̱ndoo Ndioxi xiꞌin ra Abraham xiꞌin iin ra kúu seꞌe ñani sikua ra, köo káꞌan ya xaꞌa kuaꞌa ni na seꞌe ñani sikua ra, iindaa va ra káꞌan ya xaꞌa, ta ra ikán ku Jesucristo, xaꞌa ra ikán káꞌan ya.

ROMANOS 4:15

Chi ley Ndioxi ta tindoꞌo va ku ya táxi ya tá yáꞌa ndoso na ya. Chi tá köo káꞌan ya saa, ta köo kuachi ndíso na, ndikuu.

ROMANOS 2:13

Naꞌa na xáa súvi ley Ndioxi ku naꞌa na köo kuachi ku mií nuu ra. Ta na ndisaa xíni soꞌo ya ta köo xáa súvi na ya, na ikán ku na íyo kuachi nuu ra.

Los Hechos 7:38

Ta suvi mií ra Moisés ku ra ndi̱xika xiꞌin xii sikua yo tá ndi̱xika na iku yuyu. Ta suvi xiꞌin ra ikán kua ndi̱kaꞌan tatun ya ke̱e nuu Ndioxi. Ndi̱kaꞌan ya xiꞌin ra xiki iku yuyu ya náni Sinaí. Ta̱xi ya tuꞌun Ndioxi ndaꞌa ra ta̱a ra. Ta saa íyo ya ta̱xi ra ndaꞌa xii sikua yo ya sinaꞌa na seꞌe na, ta ya ikán kua xíni yo nda kivi vitin. Tuꞌun Ndioxi ikán ta nda tá káa ya táku saa káa ya.

San Juan 15:22

’Tá tu köo ndi̱kixi i ñuu ivi yóꞌó ndituꞌun i xiꞌin na, ta köo kuachi na, ndíkuu. Ta vitin ta küvi kaꞌan na ya köo xíni na, chi xa ndi̱tuꞌun i ya ndaa xiꞌin na, yakan ndíso mií na xaꞌa kuachi na, chi xa ku̱ndaa ini na xaꞌa ya ndaa ta köo xíin na xaa súvi na ya.

San Juan 1:17

Ta ley Ndioxi ta ndaꞌa xii sikua yo ra Moisés ta̱xi Ndioxi ya xa̱ꞌnda chiñu ya nuu yo. Sundi ya ndaa xiꞌin ya kúꞌvi ni ini Ndioxi xíni ra yoo ta tixin Jesucristo kua xa̱a ya nuu yo.

HEBREOS 2:5

Ndioxi, ta köo ndi̱taxi ra ichí ndaꞌa na tatun ra ya kaꞌnda chiñu na nuu ñuu ivi ya xa̱á, ya káꞌan yo xaꞌa vitin.

San Lucas 16:31

Ñaa ndi̱kaꞌan ra Abraham, káchi ra saa: “Tá tu köo xíin nda kuni soꞌo nda nda ya ta̱a ra Moisés ni ya ta̱a nda ndi̱kaꞌan ndoso tuꞌun yuꞌu Ndioxi ta ni ná nditaku na ndíi kuꞌun na kaꞌan na xiꞌin nda ta küaꞌa vi nda kuni soꞌo nda”, káchi ra Abraham xiꞌin ra kuika ikán. Soꞌva káchi tuꞌun ndíchi ikán ―káchi Jesús xiꞌin na.