Gálatas 2:19 - Xochapa Mixteco

¹⁹ Saa chi yeꞌe, ta tá káa ra xa ndi̱xiꞌi va saa káa i nuu ley ya ta̱a ra Moisés. Suvi mií ley ikán kua xa̱ꞌni yeꞌe tá kivi ndi̱xiꞌi i nuu ya, ta saa kua ndi̱taku i ya xaa súvi i ya kúni mií Ndioxi.

Gálatas 2:19 Referans Kwoze

ROMANOS 7:4

Ta ná kundaa ini yo xaꞌa ya yóꞌó unkua kúni kachi ya ñani yo: Vitin ki̱ndoo ndika ndo nuu ley ya si̱naꞌa ra Moisés xinaꞌa. Xaꞌa ya iin ndu̱u ikin kuñu ndo xiꞌin ikin kuñu Jesucristo, ta iin káchi ndi̱xiꞌi ndo xiꞌin ra. Ta vitin tá íin ndo ndi̱xiꞌi saa ndu̱u ndo nuu ley ikán. Xaꞌa ya ikán kua ki̱ndoo ndíka ndo ya kuchiñu taxi ndo mií ndo ndaꞌa Jesucristo, ra ndi̱xiꞌi ta ndi̱taku ra. Yakan vaꞌa ikan ndo kuaꞌa ni ya vaꞌa nuu Ndioxi.

ROMANOS 6:2

¡Ni küvi ka ikan yo saa! Chi yo kándixa Jesucristo ku yo, tá íin yo xa ndi̱xiꞌi saa íin yo nuu kuachi ya xa̱ꞌnda chiñu nuu yo yachi, yakan ni chïkaa soꞌo ka yo ya väꞌa.

1 Tesalonicenses 5:10

Ta saa koo yo xiꞌin ra chi mií ra ku ra ndi̱xiꞌi xaꞌa yo yakan kua án yo táku ku yo án yo ndi̱xiꞌi ku yo, ta kuchiñu yo koo yo xiꞌin ra tá ná ndiko koo ra.

2 Corintios 5:15

Sundi mií Jesucristo ku ra ndi̱xiꞌi xaꞌa ndiꞌi yo ya ná kuchiñu yo ikan yo tá kuꞌva kúni mií ra, ta ná ïkan yo tá kuꞌva kúni mií yo, saa chi mií ra ku ra ndi̱xiꞌi xaꞌa yo, ta ndi̱taku ra.

ROMANOS 6:11

Saa tu ndóꞌo̱ va, xaꞌa ya iin ndu̱u ndo xiꞌin Jesucristo, ta ndïndoso ini ndo ya kúu ndo naꞌa, na xa ndi̱xiꞌi nuu ndee kuachi ndo. Ta iin káchi tá kuꞌva táku Jesucristo, saa táku ndo xiꞌin ra ya ikan ndo ya vaꞌa chinuu vaꞌa ndo ya toꞌo Ndioxi.

ROMANOS 8:2

Chi xaꞌa ya xa ndu̱u yo iin xiꞌin Cristo Jesús, yakan kúu mií yo ndee Tachi I̱í Ndioxi, ya táxi kutaku yo xiꞌin ra, saa sa̱ña ra yoo ndaꞌa ley ya síndikaꞌan ni ini yo kiꞌvi yo kuachi nuu Ndioxi ta kuvi yo.

1 Pedro 2:24

Tá ndi̱xiꞌi Cristo nuu itun cruzin ta nuu nu ikán kua ndi̱kundiso ndiꞌi ra kuachi yo to̱so ra ya sata ikin kuñu ra kuaꞌan ya xiꞌin ra. I̱kan ra saa xiꞌin yo ya ná köo ka ndee kuu mií kuachi yo ya kaꞌnda chiñu ka ya nuu yo, saa kutaku yo ikan yo ya vaꞌa. Xaꞌa ya ndo̱ꞌo ni ra yakan si̱ndaꞌa ra yoo.

ROMANOS 6:14

Ta vitin köo ka ndee kuachi ndo kaꞌnda chiñu ya nuu ndo. Chi köo íyo ka ndo tixin ley ya ta̱a ra Moisés xinaꞌa. Chi tixin ya kúꞌvi ni ini Ndioxi xíni ra ndóꞌo̱ va kua íyo ndo vitin, ta ya ikán ku ya xáꞌnda chiñu nuu ndo.

1 Pedro 4:6

Xaꞌa ya ñaa kua xa ndi̱kaꞌan ndoso naꞌa tuꞌun vaꞌa xaꞌa Tata yo Jesucristo xiꞌin naꞌa, na xa ndi̱xiꞌi, ya kuchiñu kutaku ya vaꞌa na nuu Ndioxi, vani xa̱a nani na ñuu ivi yóꞌó kuachi xiꞌin na tá kivi xi̱taku na.

HEBREOS 9:14

Tá tu ku̱chiñu nií ikán xiꞌin yaá nda̱sa vaꞌa ya sata ikin kuñu na, ta ¡ndisaa ka vi nií Jesucristo, ndee ni ka ndee kúu mií rá ikán chi nda loꞌo kuachi ra köo, yakan vaꞌa ndasa vaꞌa rá yoo xaꞌa Tachi ra ya táku ndiꞌi saa ichí! Saa chi nií mií ra ku rá ndása vaꞌa nima yo, ndúvaꞌa yo nuu kuachi ya xáꞌni yoo, ta saa kua kuchiñu yo xaa chiñu yo nuu Ndioxi, ra táku.

Tito 2:14

Chi ndi̱taxi ra mií ra ndi̱xiꞌi ra xaꞌa yo, ya yóꞌó ku yaꞌvi cha̱ꞌvi ra xaꞌa yo nuu si̱kaku ra yoo ndaꞌa ndee ya väꞌa i̱kan yo, ta nda̱sa vaꞌa ra yoo ndu̱u yo na ñuu mií ra, ya kuchiñu yo ikan yo ya vaꞌa nuu ra.

Colosenses 2:20

Ta ndóꞌo̱, tá íin ndo ndi̱xiꞌi xiꞌin Tata yo Jesucristo saa íyo ndo, xaꞌa ya ñaa kua ndi̱saña ndo ndaꞌa tachi nduvaꞌa, ta köo xáꞌnda chiñu ka ya nuu ndo vitin. ¿Ta ndachu táxi tuku ndo ichí ya kaꞌnda chiñu ya nuu ndo?

Gálatas 3:24

Ta ndee ni xi̱ndaa ya yoo, tá kuꞌva ndee ni vaꞌa ndáa iin taa na vali, kíꞌin ni ra kuenta xiꞌin na, kuꞌva saa xi̱ndaa ya yoo, nda kivi tá xa̱a Jesucristo, ta saa kua nda̱sa vaꞌa ra yoo ndu̱u yo tá íin naꞌa, na köo ka kuachi kúu mií nuu Ndioxi.

Gálatas 2:20

Ta yeꞌe, nda tá káa ra ínuu nuu cruzin xiꞌin Tata yo Jesucristo saa káa i, ta köo táku ka i xaꞌa mií i, chi ndisaa xaꞌa mií ra kua táku i. Kivi táku i ini ikin kuñu i ya kúu mií i, ta ndisaa xaꞌa ya ndáa ni ini i xíni i Tata yo Jesucristo ra kúu Seꞌe Ndioxi kua táku i, chi mií ra ku ra kúꞌvi ni ini xíni yeꞌe, saa ta̱xi ra mií ra ndi̱xiꞌi ra xaꞌa i.

Colosenses 3:3

Chi ndóꞌo̱, ta xa ndi̱xiꞌi va ndo xaꞌa kuꞌva yata ya ndi̱xiyo ndo yachi, ta vitin chi̱vaꞌa Jesucristo ndóꞌo̱ íyo ndo ndaꞌa Iva yo Ndioxi ra ndáa ni ndóꞌo̱.

Gálatas 3:10

Ta ndiꞌi naꞌa, na ndíkani ini ya xíniñuꞌu ni na xaa súvi na ya káꞌan ley Ndioxi ya ta̱a ra Moisés, saa kua nduu na, na vaꞌa, na köo ka kuachi kúu mií nuu Ndioxi, káꞌán na, ta íyo chiꞌña sata na, chi saa káꞌan tuꞌun Ndioxi, káchi ya soꞌva: “Ndiꞌi naꞌa, na köo kúchiñu xaa súvi ndiꞌi ni kúu ya káꞌan ley Ndioxi ya ta̱a ra Moisés, ta na ndíso chiꞌña ku ndiꞌi na”, káchi tuꞌun ra.

1 Corintios 10:31

Sundi yeꞌe, ta ya káꞌan i xiꞌin ndo ku ya yóꞌó: Tá íkan ndo ndá ka mií ñaꞌa án ya xíxi ndo ku ya án ya xíꞌi ndo ku ya, ta xaa kaꞌnu ndo ra xaꞌa ndiꞌi va ya.

ROMANOS 7:14

Ta xa kúndaa ini yo ley Ndioxi ta mií ra chi̱nduꞌu ya, ya ke̱e ndivi ku ya. Ta yeꞌe ta ra ñuu ivi yóꞌó va ku i, tá káa iin ra núꞌni káa i ndíkaa i ndaꞌa kuachi i chi xáꞌnda chiñu ya nuu i.

ROMANOS 5:20

Tá ta̱xi Ndioxi ley ra ndaꞌa na, saa kua ku̱ndaa ini na ya ndee ni íyo kuachi na nuu ra. Tá ndee ni nda̱a kuachi na ta saa ndee ni ka ndaa tu ya vaꞌa i̱kan Ndioxi xiꞌin va na, xaꞌa ya kúꞌvi ni ini ra xíni ra na.

ROMANOS 4:15

Chi ley Ndioxi ta tindoꞌo va ku ya táxi ya tá yáꞌa ndoso na ya. Chi tá köo káꞌan ya saa, ta köo kuachi ndíso na, ndikuu.

1 Corintios 9:20

Xaꞌa ya ikán kua, tá íyo i xiꞌin na ñuu i na judío, ta tá íin na ikán saa íkan i ya kuchiñu i chindee taꞌan i xiꞌin na, kandixa na Tata yo Jesucristo. Tá íyo i xiꞌin na taꞌan i na ndíkun ley ra Moisés, ta saa íkan i, vani köo kándixa ka i tá kuꞌva kándixa mií na. Ta íkan i saa ya ná kuchiñu chindee taꞌan i xiꞌin na kaku na.

Gálatas 6:14

Sundi yeꞌe, ta köo kúni i kutai ini i xaꞌa ndá ka ñaꞌa. Ndisaa xaꞌa ya ndi̱xiꞌi Tata yo Jesucristo nuu cruzin xaꞌa kuachi yo kua kúni i kutai ini i xaꞌa. Chi xaꞌa ya i̱kan Jesucristo nuu cruzin kua ndu̱u i tá káa iin ra xa ndi̱xiꞌi nuu ya väꞌa íyo ñuu ivi yóꞌó, ta köo ka ndee ya kaꞌnda chiñu ya nuu i, chi yeꞌe tá káa ra xa ndi̱xiꞌi va saa káa i nuu ya.