Filipenses 4:7 - Xochapa Mixteco

⁷ Ta saa taxi Ndioxi ya koo vaꞌa ini ndo, chi iindaa ya vaꞌa táxi Ndioxi kua ndee ni vaꞌa, ta nda iin yo küchiñu xinu kundaa ini xiꞌin ya, ta ya ikán kua kundaa nima ndo xiꞌin ya xínituni ndo, xaꞌa ya kúu ndo kuenta Tata yo Jesucristo.

Filipenses 4:7 Referans Kwoze

San Juan 14:27

’Táxi i tuꞌun vaꞌa ndaꞌa ndo ya koo vaꞌa ni ini ndo, ta köo táxi i ya tá kuꞌva táxi na ñuu ivi yoꞌo ya, síndoo i tuꞌun vaꞌa yóꞌó ya koo ya xiꞌin ndo. Ta ya táxi i koo vaꞌa ini ndo, ta süvi taꞌan ya táxi na ñuu ivi yóꞌó kua. Ta ku ïꞌvi ndo, ni kündiꞌi ini ndo.

2 Tesalonicenses 3:16

Ta mií Iva yo ra táxi koo vaꞌa ni ini yo, ná taxi ra koo vaꞌa ni ini ndo ndiꞌi saa ichí xaꞌa ndiꞌi ya íkan ndo. Ta saa ná koo ra xiꞌin ndiꞌi ndo.

Colosenses 3:15

Ta taxi ndo ná koo ya vaꞌa táxi Cristo ndaꞌa ndo ya kaꞌnda chiñu ya nima ndo, chi mií Cristo ku ra ka̱na ndóꞌo̱ ya nduu ndo iin ikin kuñu xiꞌin ra, ta taxi ni ndo tixaꞌvi ndaꞌa Ndioxi ndiꞌi saa ichí.

Gálatas 5:22

Ta süvi saa íkan Tachi I̱í Ndioxi xiꞌin yo, chi ya chíndee taꞌan ka va kua xiꞌin yo kuꞌvi ini yo kuni yo na taꞌan yo, saa táxi ya kusini ni yo, ta táxi ya íyo vaꞌa ini yo xiꞌin taꞌan yo, saa táxi ya ndúu yo na kaꞌnu ini, ta táxi ya ndúu yo na toꞌo ni ini, saa táxi tu ya ndúu yo naꞌa, na tái ni ini, ta táxi tu ya ndúu yo naꞌa na ndáa ni ini naꞌa xíni na án Ndioxi ta ndáa ini ra xíni ra yoo,

ROMANOS 15:13

Ta vitin káꞌan i xiꞌin mií Ndioxi ra chíkaa ndee ini ndo ya kundatun ndo ya vaꞌa ikan ra xiꞌin ndo. Ná taxi ni ra ya kúsini ni ndo, saa ná koo vaꞌa ni ini ndo. Ta saa ná ndundee ni ka ya kándixa ndo ya ndátun ndo niꞌi ndo tixin ndee Tachi I̱í ra.

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

ROMANOS 8:6

Ta saa naꞌa na íkan ndisaa ya kúni mií ikin kuñu na, ta tíꞌvi na mií na ku̱aꞌan na ichí nuu ndiꞌi xaꞌa na kuvi na nuu Ndioxi. Sundi naꞌa, na xáa súvi ya kúni mií Tachi I̱í Ndioxi ta kutaku na xiꞌin Ndioxi, saa koo vaꞌa ni ini na.

ROMANOS 5:1

Xaꞌa ya kándixa yo Tata yo Jesucristo, ta Ndioxi ndása ra mií yo ndúu yo naꞌa, na vaꞌa, na íin tá íin naꞌa na köo ka kuachi kúu mií nuu ra, chi Tata yo Jesucristo ku ra si̱kitaꞌan mani yoo xiꞌin Ndioxi, ndi̱kundoo vaꞌa yo xiꞌin ra.

Efesios 3:19

Saa káꞌan ni i xiꞌin Ndioxi ya ná taxi ra ya xínituni ndo ndaꞌa ndo ya ná kuchiñu ndo kundaa ini ndo chi ya kúꞌvi ni ini ra xíni ra ndóꞌo̱ ta yáꞌa ni ka ndee ya ikán nuu ndá ka ya xínituni ndo. Káꞌan ni i xiꞌin ra xaꞌa ndo ya ná xinu ndo kuni taꞌan ni ndo xiꞌin ra, saa ná sikutu ni ra ya vaꞌa ini ndo.

ROMANOS 14:17

Xíniñuꞌu yo kundaa ini yo chi süvi xaꞌa ya xíxi yo, ta ni süvi xaꞌa nduta xíꞌi yo kua ndáa yaꞌvi ni chindee yoo koo yo nuu xáꞌnda chiñu Ndioxi. Ya ndee ni ndee ku ya ikan yo ya vaꞌa, ya ndaa xiꞌin taꞌan yo, ta vívií ná koo yo xiꞌin taꞌan yo, ná kusini ni yo xaꞌa ya ta̱xi Tachi I̱í Ndioxi ndaꞌa yo ya koo vaꞌa ni ini yo.

El Apocalipsis 1:4

Yeꞌe Juan táa i tutu yóꞌó kuaꞌan ya nuu uxa veꞌe ñuꞌu ya ñúꞌu estado Asia. Ndikiꞌin ni ndo tuꞌun mani, saa ná koo vaꞌa ni ini ndiꞌi ndóꞌo̱ na ndíkitaꞌan káñuꞌu Ndioxi. Ndioxi ra xa táku nda kivi núnu̱ú, ta táku ra kivi vitin, saa kutaku ra ndiꞌi saa kivi ya vaxi. Ta mií ra xiꞌin uxa nuu Tachi ra ya íyo xiꞌin ra nuu xáꞌnda chiñu ra ná chikaa ni ya vaꞌa ndóꞌo̱, ta ná taxi ra ya koo vaꞌa ni ini ndo.

San Lucas 1:79

Chi kixi ra sindiyeꞌe ra nuu na ndóo nuu naá, na köo xíni xaꞌa ra, chi na ikán tá íin na xa ndátun kuvi va saa íin na. 2 Saa sinaꞌa ra ichí nuu yo kuꞌun yo nuu luvi ni káa ―káchi ra Zacarías xiꞌin ya lee loꞌo seꞌe ra.

2 Corintios 13:11

Ñani yo, ya yóꞌó ku ndiꞌi ya káꞌan nde xiꞌin ndo ta vaꞌa ná kusini ni ndo, saa chikaa ni ndo ndee ya kuaꞌnu ka ndo xiꞌin tuꞌun Ndioxi, ta ná ndu xaa ka ndo, ná nduu ndo tá kuꞌva kúni Ndioxi, ta iin yuꞌu koo ndo xiꞌin taꞌan ndo. Ta saa kua vaꞌa koo Ndioxi xiꞌin ndo, ra táxi ya vaꞌa koo ini ndo, xiꞌin ya kúꞌvi ni ini ra xíni ra ndóꞌo̱.

San Lucas 2:14

¡Ná kunuu ka ya toꞌo Ndioxi, ra íyo nuu ndivi! 2 Ta ná koo vaꞌa ni ini na ñuu ivi na íkan ra ya vaꞌa xiꞌin ―káchi na tatun ikán.

Filipenses 4:9

Xaa súvi ndo ya xa si̱naꞌa i ndóꞌo̱, ya xa ta̱xi i ichí ndaꞌa ndo xaꞌa, ya xi̱ni soꞌo ndo ndi̱kaꞌan i xiꞌin ndo xiꞌin ya xi̱ni ndo i̱kan i. Ikan ndo ya yóꞌó ta koo Ndioxi xiꞌin ndo chi mií ra ku ra táxi ya koo vaꞌa ini ndo.

ROMANOS 1:7

Táa i tutu yóꞌó xaa ya ndaꞌa ndóꞌo̱, ñani yo, xiꞌin ndóꞌo̱ kuꞌva yo ndóo ñuu Roma, chi ndóꞌo̱ ku naꞌa, na kúꞌvi ni ini Ndioxi xíni ra. Saa ka̱na ra ndóꞌo̱ ya kuu ndo naꞌa, na i̱í nuu ra, koo vaꞌa ni ini ndo, ná taxi ni ra ya vaꞌa ndaꞌa ndo ya ndi̱niꞌi uun ndo nuu Iva yo Ndioxi xiꞌin Tata yo Jesucristo.

HEBREOS 13:20

Ta mií Iva yo ku ra táxi koo vaꞌa ni ini yo, mií ra ku ra si̱taku Tata yo Jesucristo tañu na ndíi, ta mií ra ku ra ndáa ni ndóꞌo̱ tá kuꞌva íkan iin ra ndee ni vaꞌa ndáa levo sana ra, saa íkan ra xiꞌin ndo. Ta ki̱ndoo ra xiꞌin ndo ya ikan ra ya xa̱á xiꞌin ndo xaꞌa nií ra nduta ndi̱xita nuu cruzin. Ta nda iin ichí ndïsama ini ra xaꞌa ya ki̱ndoo ra xiꞌin ndo.

El Apocalipsis 2:17

Ndiꞌi ndóꞌo̱ íyo soꞌo ta kuni soꞌo ni ndo ya káꞌan Tachi I̱í Ndioxi xiꞌin ndo. Ndiꞌi ndóꞌo̱, na kúchiñu nuu ñaꞌa ya väꞌa, xaꞌa ya köo síndikoo na ichí i, ta taxi i xita vaꞌa ya íyo sêꞌe kuxi na, xita vaꞌa yóꞌó náni ya maná ya ke̱e nuu ndivi. Saa taxi i iin yu̱ú yaa ndaꞌa iin iin na ikán, ta nuu yu̱ú ikán kunuu kivi na ya xa̱á. Ta nda iin naꞌa kündaa ini unkua ku kivi xa̱á iin iin na, iindaa mií na kundaa ini unkua ku kivi na ya xa̱á ―káchi Tata yo Jesucristo.

Judas 1:1

Yeꞌe, Judas, ñani ra Jacobo, ra xáa chiñu nuu Tata yo Jesucristo ku i táa tutu yóꞌó xaa ya ndaꞌa ndóꞌo̱ ka̱na ra, saa nda̱sa i̱í Iva yo Ndioxi ndóꞌo̱, ta ndáa ni Tata yo Jesucristo ndóꞌo̱.

Filipenses 1:2

Ta mií Iva yo Ndioxi xiꞌin Tata yo Jesucristo ná chikaa ni ya vaꞌa ndóꞌo̱ saa ná taxi ra koo vaꞌa ni ini ndo.

2 Corintios 10:5

Ta suvi xiꞌin ndee Ndioxi kua kuchiñu nde sindiꞌi xaꞌa nde ndiꞌi tuꞌun väꞌa ya kánaꞌa naꞌa xaꞌa nde. Ta kuꞌva soꞌva kua kúchiñu nde síndiꞌi xaꞌa nde ndiꞌi ñaꞌa ya ndee ni xáa tai ini naꞌa, chi köo táxi ya kundaa ini na xaꞌa Ndioxi. Ta saa sínaꞌa nde na ya ná nditaxi ndiꞌi na ya ndíchi ndíkani ini na ndaꞌa Jesucristo, saa kua kuchiñu na xaa súvi na ya kúni mií ra.

Filipenses 1:1

Yeꞌe Pablo xiꞌin ra Timoteo, nde xáa chiñu nuu Tata yo Jesucristo ku nde táa tutu yóꞌó xaa ya nuu ndiꞌi ndóꞌo̱, na ñani yo, na i̱í, na ndíkun Jesucristo, ndóo ñuu Filipos. Tíꞌvi ni nde tuꞌun mani xaa ya nuu ndiꞌi ndo, saa tu tá kúu ndiꞌi ndóꞌo̱ na kúnaꞌnu xáꞌnda chiñu veꞌe ñuꞌu, xiꞌin ndiꞌi na chíndee taꞌan xiꞌin ndo.

Filipenses 4:19

Ta mií Iva i Ndioxi ku ra taxi ndiꞌi ñaꞌa ndaꞌa ndo ya xíniñuꞌu nuu ndo. Chi kuaꞌa ni ya kuika íyo nuu ra nuu ndivi, ta mií ra ku ra taxi ndiꞌi ñaꞌa ya kúmani nuu ndo ndaꞌa ndo, xaꞌa ya i̱kan Tata yo Jesucristo xaꞌa ndo.

Filipenses 4:21

Káꞌan ndioxi ni i xiꞌin ndiꞌi ndóꞌo̱ ñani yo na i̱í, ndóꞌo̱ ndíkun Tata yo Jesucristo ndóo ñuu Filipos. Ta saa tu na taꞌan yo, na ndóo xiꞌin i yóꞌó, tíꞌvi ni na tuꞌun mani xaa nuu ndo.