Filipenses 4:6 - Xochapa Mixteco

⁶ Ta nda iin ya kündiꞌi ini ndo xaꞌa. Tá ndá ya kúmani nuu ndo ta kuaku ndaꞌvi ndo nuu Ndioxi. Nduku ndo ñaꞌa ya xíniñuꞌu ndo nuu ra, saa taxi ni ndo tixaꞌvi ndaꞌa ra xaꞌa ya chíndee ra ndóꞌo̱.

Filipenses 4:6 Referans Kwoze

1 Pedro 5:7

Ta nditaxi ndiꞌi ndo tindoꞌo ya síndiꞌi ini ndo ndaꞌa ra, saa chi mií ra ku ra ndáa ndóꞌo̱.

San Mateo 6:8

Ïkan ndo tá íkan na ikán, saa chi Iva yo Ndioxi ta xa xíni ra unkua xíniñuꞌu ndo, ni täꞌan ka kaꞌan ndo xiꞌin ra, ta xa xíni va ra unkua xíniñuꞌu ndo.

Colosenses 4:2

Ñani yo xiꞌin kuꞌva yo, xïkuiin ndo kaꞌan ni ndo xiꞌin Ndioxi, saa koo ndúvi ni ndo ndiꞌi saa kivi ya taxi ni ndo tixaꞌvi ndaꞌa ra.

Efesios 6:18

Ta xïkuiin ndo, kaꞌan ni ndo xiꞌin Ndioxi ndiꞌi saa ichí ya ná chindee taꞌan Tachi I̱í ra xiꞌin ndo. Koo ndúvi ni ndo, ta ndïkava ini ndo, kaꞌan ni ndo xiꞌin Ndioxi xaꞌa ndiꞌi na ñuu Ndioxi, na i̱í.

Colosenses 3:17

Ta ndiꞌi ñaꞌa íkan ndo án ya káꞌan ndo, ta vaꞌa ikan ndo ndiꞌi ya xaꞌa ya chinuu vaꞌa ndo tuꞌun mií Tata yo Jesús, saa taxi ni ndo tixaꞌvi ndaꞌa Iva yo Ndioxi.

San Lucas 18:1

Sindiꞌi saa xa̱á Jesús ndítuꞌun ra xiꞌin nda ítaꞌan xiꞌin ra, ndíkani ra nuu nda ya ná kaꞌan ni nda xiꞌin Ndioxi, ta ná ndïko koo ini nda.

San Lucas 12:22

Sindiꞌi ikán ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Kündiꞌi ini ndo xaꞌa ya kutaku ndo, ni ya kuxi ndo, ni xaꞌa tikoto kundixi ndo, kündiꞌi ini ndo.

Colosenses 3:15

Ta taxi ndo ná koo ya vaꞌa táxi Cristo ndaꞌa ndo ya kaꞌnda chiñu ya nima ndo, chi mií Cristo ku ra ka̱na ndóꞌo̱ ya nduu ndo iin ikin kuñu xiꞌin ra, ta taxi ni ndo tixaꞌvi ndaꞌa Ndioxi ndiꞌi saa ichí.

Efesios 5:20

Ndiꞌi saa ichí taxi ni ndo tixaꞌvi ndaꞌa Iva yo Ndioxi, xaꞌa ndiꞌi ni kúu ñaꞌa tixin Tata yo Jesucristo.

San Lucas 10:41

Saa ndi̱kuiin Jesús káꞌan ra xiꞌin yá: ―Marta, Marta, ya ndaa ndixa kua ndíꞌi ni ini un xáa chiñu un chi íyo ni chiñu nuu un ya síndiꞌi ni yóꞌó.

San Lucas 18:7

Tá tu saa i̱kan ra ikán, ta ndisaa ka vi Ndioxi, ¿án chïndee ra na ndi̱kaxin ra tá ná kaꞌan na xiꞌin ra vitin taan? ¿Án ndïkuiin kama ra yuꞌu na?

San Mateo 10:19

Tá ti̱in na ndóꞌo̱, ta kündiꞌi ini ndo xaꞌa tuꞌun ya kaꞌan ndo xiꞌin na, saa chi mií Ndioxi ku ra taxi tuꞌun ndaꞌa ndo kaꞌan ndo xiꞌin na.

San Lucas 12:29

Kündiꞌi ini ndo xaꞌa ñaꞌa kuxi ndo án nduta koꞌo ndo án ndá ka ñaꞌa xíniñuꞌu ndo, kündiꞌi ini ndo xaꞌa nda iin ya.

2 Corintios 1:11

tá káꞌan ni ndo xiꞌin Ndioxi xaꞌa nde. Tá tu kuaꞌa ni naꞌa káꞌan xaꞌa nde xiꞌin Ndioxi, ta saa kuaꞌa ni na taxi tixaꞌvi ndaꞌa ra xaꞌa ya vaꞌa níꞌi ndeꞌe nuu ra.

1 Corintios 7:32

Káꞌan i saa xiꞌin ndo ya ná kündiꞌi ni ini ndo. Saa chi nda kuâán ta xaꞌa chiñu Ndioxi va ku ya ndíꞌi ni ini nda, saa ndíꞌi ni tu ini nda ndá kuꞌva kua xaa sií nda ini va ra.

1 Pedro 4:7

Ta vaꞌa ná kundaa ini ndo chi xa yati ni va ndiꞌi xaꞌa ñuu ivi yóꞌó, yakan ndóꞌo̱ ta káxin teꞌe koo ini ndo, ta ndinuꞌu ni ini ndo kaꞌan ni ndo xiꞌin Ndioxi ndiꞌi saa kivi.

San Mateo 13:22

Ta ndikin ya ndi̱koyo tañu iñu ku ya káꞌan xaꞌa na xíni soꞌo tuꞌun Ndioxi, saa ndíꞌi ni ini na xaꞌa chiñu íyo ñuu ivi yóꞌó, án kúni na ndukuika ni na, ta ndiꞌi ya yóꞌó ta síndiꞌi xaꞌa ya tuꞌun Ndioxi ya xi̱ni soꞌo na, ta köo táxi ya kuaꞌnu tuꞌun ra nima na.

1 Corintios 7:21

Án sana tá kivi ka̱na Ndioxi ndóꞌo̱ ya kundikun ndo ra, ta na sa̱ta naꞌa xáa chiñu nuu na ku ndo, ta kündiꞌi ini ndo. Tá tu kúchiñu ndo ta vaꞌa nduku ndo kuꞌva ya ná saña na ndóꞌo̱ kindoo ndíka ndo.

San Mateo 6:34

Yakan kündiꞌi ni ini ndo xaꞌa ñaꞌa ya kuniñuꞌu ndo kivi vaxi. Saa chi kivi vaxi ta xa kúu mií ya tindoꞌo va. Chi iin iin kivi ta xa ndíso mií va ya tindoꞌo.

1 Timoteo 2:1

Ñani yo, ya núnu̱ú ndúku i nuu un kua yóꞌó, kaꞌan ni ndo xiꞌin Ndioxi xaꞌa ndiꞌi naꞌa. Ta kuaku ndaꞌvi ndo nuu ra ná chindee ra na, ná chikaa ra ya vaꞌa ndiꞌi na. Saa kaꞌan ni ndo xiꞌin ra taxi ndo tixaꞌvi ndaꞌa ra xaꞌa ya ndi̱kuiin ra yuꞌu ndo xaꞌa ya káꞌan ndo xaꞌa xiꞌin ra.

1 Timoteo 5:5

Ta ná kuꞌva yo, ná kuâán ná ndi̱xiꞌi ndaa, ná köo nda iin naꞌa chindee ñaꞌa, ta ndáa ni ini ná xíni ná Ndioxi, saa káꞌan ni ná xiꞌin ra nduvi niuun ya ná chindee ra ná.