Filipenses 4:5 - Xochapa Mixteco

⁵ Vívií koo ndo, tái koo ndo, saa kuni inka naꞌa ya vaꞌa ni íyo ndo. Chi xa kama ni ndiko koo Tata yo Jesucristo kixi ra.

Filipenses 4:5 Referans Kwoze

San Mateo 6:25

Saa ndi̱kaꞌan tuku Jesús, káchi ra saa: ―Káꞌan i xiꞌin ndo, kündiꞌi ni ini ndo xaꞌa ñaꞌa kutaku ndo. Ni xaꞌa ya kuxi ndo án ya koꞌo ndo, ni toto kundixi ndo kündiꞌi ini ndo xaꞌa. Saa chi ya vaꞌa yo ku ya ndáa yaꞌvi ni ka nuu ñaꞌa xíxi yo. Ta ni toto ndíxi yo ta köo ndáa yaꞌvi ni ya nuu ikin kuñu yo.

Tito 3:2

Ta ná käꞌan väꞌa na xaꞌa nda iin naꞌa, ná täva na kuachi xiꞌin taꞌan na, vívií ná koo na xiꞌin taꞌan na, ni̱nu̱ ná koo ini na xiꞌin ndiꞌi na taꞌan na.

HEBREOS 10:37

“Chi ra ndátun ndo kixi, ta kama ni kixi ra. Ndiko koo tuku ra kixi ra, küachi ka ra.

1 Pedro 4:7

Ta vaꞌa ná kundaa ini ndo chi xa yati ni va ndiꞌi xaꞌa ñuu ivi yóꞌó, yakan ndóꞌo̱ ta káxin teꞌe koo ini ndo, ta ndinuꞌu ni ini ndo kaꞌan ni ndo xiꞌin Ndioxi ndiꞌi saa kivi.

1 Corintios 6:7

Saa chi ya kánitaꞌan ndo xiꞌin taꞌan mií ndo ta ya kaꞌa̱n ni nuu ku ya. Chi vaꞌa ka kua ná ikan na ñani yo ya väꞌa xiꞌin ndo án sikuiꞌna na ñaꞌa ndo, ta xaꞌa ndee ini ndo xiꞌin na, ta küꞌun ndo taxi ndo kuachi xaꞌa na nuu na chiñu.

HEBREOS 10:25

Xíniñuꞌu yo ndikitaꞌan yo xiꞌin na ñani yo tin kuꞌva yo ya xaa kaꞌnu yo Ndioxi. Ta ná ïkan yo tá íkan sava na taꞌan yo, köo xíin ka na ndikitaꞌan na ya xaa kaꞌnu na Ndioxi. Ná xaꞌa ka yo ndee xiꞌin taꞌan yo, saa chi vitin ka kua ndee ni, chi xa kuaꞌan kúyati ni kivi ya ndiko koo tuku Tata yo Jesucristo kixi ra ñuu ivi yóꞌó.

El Apocalipsis 22:7

Ta ndi̱kaꞌan Tata yo Jesucristo tuꞌun yóꞌó, káchi ra saa: ―¡Koo tuꞌva ndo, chi kama ni ndiko koo i! Ta vaꞌa ni kée na xáa súvi tuꞌun ya íyo nuu tutu yóꞌo̱ ya ndi̱kaꞌan nda ndi̱kaꞌan ndoso tuꞌun yuꞌu Ndioxi xinaꞌa ―káchi Jesús.

1 Corintios 8:13

Yakan tá xaꞌa ya xíxi yo kuñu kua síndikava yo na taꞌan yo nuu kuachi, ta vaꞌa ka kua ná küxi ka yo kuñu nda iin ichí, ya ná täxi yo koyo na taꞌan yo nuu kuachi.

San Mateo 6:34

Yakan kündiꞌi ni ini ndo xaꞌa ñaꞌa ya kuniñuꞌu ndo kivi vaxi. Saa chi kivi vaxi ta xa kúu mií ya tindoꞌo va. Chi iin iin kivi ta xa ndíso mií va ya tindoꞌo.

El Apocalipsis 22:20

Jesús ra ndíkani xaꞌa tuꞌun yóꞌó ya kúu ya ndaa, ra ikán ku ra káꞌan xiꞌin ndo, káchi ra saa: “Ndixa kama ni ndiko koo i”, káchi ra. Ta ndiꞌi na kándixa ya káꞌan ra, káchi na: Saa ná koo. ¡Naꞌa Tata Jesús, ra chee nuu nde! káchi na.

1 Pedro 1:11

Ta Tachi ya kúu mií Cristo, ra ndi̱kaxin Ndioxi kixi ndoꞌo ni xaꞌa yo kua ta̱xi xiní ndaꞌa nda ndi̱kaꞌan tuꞌun yuꞌu Ndioxi, ya kundaa ini nda xaꞌa ñaꞌa ya chee ni kuu mií ra kixi kivi vaxi, ta ndu̱ku ni tu nda kuꞌva kundaa ini nda xaꞌa ra ndá taa kuu ra, ta saa ndu̱ku tu nda kundaa ini nda ndá kivi kua kixi ra.

1 Corintios 9:25

Tá kúu ndiꞌi naꞌa, na xínu, xíka na xínu na ya síkuaꞌa na keꞌe taꞌan na xiꞌin inka naꞌa, ta xáꞌnu ini na xiꞌin ñaꞌa ya köo chíndee taꞌan xiꞌin na. Íkan na saa xaꞌa ya kúni na niꞌi na ñaꞌa, sundi ya ikán na ta ya ndíꞌi xaꞌa va ku ya. Ta ñaꞌa ya niꞌi yoo, ta nda iin kivi köo ndíꞌi xaꞌa ya.

2 Tesalonicenses 2:2

täxi ndo ndinama kama ni ini ndo xaꞌa ya káꞌan na xiꞌin ndo, síꞌvi na ndóꞌo̱ ya si̱kaꞌan Ndioxi ini na kaꞌan na tuꞌun yuꞌu ra ya xa ndi̱ko koo Tata yo Jesucristo ñuu ivi yóꞌó, án kaꞌan na xiꞌin ndo ndá ka tuꞌun ya taa na tutu xaa ya nuu ndo nuu síndaꞌvi na ndóꞌo̱, ya ta̱a ndeꞌe ya xaa ya nuu ndo, káchi na xiꞌin ndo, ta ni süvi ya ndaa kua.

San Lucas 21:34

Yakan kuenta ni koo ndo xiꞌin mií ndo, ta kündiꞌi ini ndo xaꞌa viko nuu kuxi ndo tin koꞌo ndo, ni kündiꞌi ini ndo xaꞌa ñaꞌa ya ndíꞌi ni ini na köo xíni Ndioxi. Koo tuꞌva ndo saa chi iin kuu soꞌva ndikava kivi ikán sata ndo.

1 Corintios 16:22

Tá ndá naꞌa köo kúꞌvi ini xíni Tata yo Jesucristo, ta vaꞌa ná nduu na, naꞌa na íyo chiꞌña xiꞌin. Chi xa kama ni va ndiko koo Tata yo Jesucristo.

2 Corintios 10:1

Ta yeꞌe Pablo, ku ra káꞌan xiꞌin ndo xáku ndaꞌvi i nuu ndo xiꞌin ya vaꞌa, ya mani ta̱xi Cristo ndaꞌa i. Saa chi sava ndo káꞌan xaꞌa i ya ndee ni vita ini i tá íyo i xiꞌin ndo, sundi tá íyo xíka i nuu ndo ta ndee ni ndaku ini i, káchi ndo xaꞌa i.