Filipenses 3:16 - Xochapa Mixteco

¹⁶ Sundi ya xa ku̱ndaa ini yo xaꞌa yóꞌó kua xíniñuꞌu ni yo xaa súvi yo vitin taan, ta saa ná ikan yo xiꞌin taꞌan yo.

Filipenses 3:16 Referans Kwoze

Colosenses 2:6

Xa ka̱ndixa ndo ra yakan kua xa ta̱xi ndo xáꞌnda chiñu ra nuu ndo, ta vaꞌa koo ndo tá kuꞌva kúni mií ra.

El Apocalipsis 3:3

Yakan ndikaꞌán ini ndo xaꞌa ya si̱kuaꞌá ndo tá sikan xa̱á ndo kándixa ndo yeꞌe. Ndiko koo ini ndo kuꞌun ndo ichí Ndioxi. Tá tu köo xíin ndo kuni soꞌo ndo ya káꞌan i xiꞌin ndo, ta iin kuu soꞌva ndiko koo i xaa i nuu ndo, tá íkan ra kuiꞌna, ni köo xíni naꞌa ndá kivi kua kuakiꞌvi ra síkuiꞌna ra veꞌe na, ta kuꞌva saa ikan i xiꞌin ndo, iin ku̱u soꞌva ndiko koo i, ta sitixuꞌvi ni i ndóꞌo̱.

Gálatas 6:16

Ta saa ná koo ni ya vaꞌa xiꞌin ndo, xiꞌin ya kúndaꞌvi ini Ndioxi xíni ra ndiꞌi ndóꞌo̱ na kúu ñuu Ndioxi, na xáa súvi ni ya káꞌan i xiꞌin ndo.

ROMANOS 15:5

Yakan ndúku ni i ya mani nuu Ndioxi ná taxi ra ndee ndaꞌa ndo, ta ná xaꞌa ni ra ndee xiꞌin ndo, ná chindee ni ra ndóꞌo̱ ya kutaꞌan vaꞌa ni ndo xiꞌin taꞌan ndo tá kuꞌva kúni mií Jesucristo.

Filipenses 4:2

Ta vitin xíkan ni i ya mani nuu ná kuꞌva yo, yá Evodia xiꞌin yá Síntique, ya ná ndikitaꞌan vaꞌa ná, saa chi ná ndíkun Tata yo Jesucristo ku uvi saa ná.

Filipenses 2:2

Yakan vitin ta xíkan ni i ya mani nuu ndo xaa ndúvi ni ndo ya kúni i saa kua xaa sii ni ndo ini i: vívií koo ndo xiꞌin taꞌan ndo, kuꞌvi ni ini ndo kuni taꞌan ndo, ta iin yuꞌu koo ndiꞌi ndo xiꞌin taꞌan ndo, iin kachi ndikani ini ndiꞌi ndo.

Filipenses 1:27

Ta kuenta ni koo ndo xaa súvi ndo ndisaa ya káꞌan tuꞌun ra xiꞌin ndo. Án xaa i koto i ndóꞌo̱ án xäa i nuu ndo, sundi kúni i kuni soꞌo i tuꞌun vaꞌa xaꞌa ndo ya ndaku ni íyo ndo xiꞌin tuꞌun Tata yo, ta iin yuꞌu ni ku ndo, iin ítaꞌan ndiꞌi ndo xáa chiñu ndo xaꞌa ra.

ROMANOS 12:16

Ta vívií koo ndo xiꞌin taꞌan ndo, käni taꞌan ndo. Kütai ni ini ndo nuu naꞌa, vívií koo ndo xiꞌin na, ta saa ikan ndo xiꞌin ndiꞌi na, ni na ndáꞌvi ku na, ta koto vií ndo na. Ta ndäsa xíni ni ka ndo mií ndo nuu inka naꞌa.

Gálatas 5:7

Ta ndóꞌo̱, ta vaꞌa ni va xa̱a súvi ndo ndi̱xika ndo ichí ra ya ndaa. Ta ¿unku na si̱ndaꞌvi ndóꞌo̱ ya kündikun ka ndo ichí ra?

Colosenses 4:2

Ñani yo xiꞌin kuꞌva yo, xïkuiin ndo kaꞌan ni ndo xiꞌin Ndioxi, saa koo ndúvi ni ndo ndiꞌi saa kivi ya taxi ni ndo tixaꞌvi ndaꞌa ra.