Filipenses 3:11 - Xochapa Mixteco

¹¹ Saa tá ná tindaa kivi ya kuvi i ta ndátun i sitaku Ndioxi yeꞌe xiꞌin naꞌa, na xa ndi̱xiꞌi.

Filipenses 3:11 Referans Kwoze

El Apocalipsis 20:5

Ta na nditaku ikán ku na núnu̱ú nditaku. Sundi na ndíi, na köo ndi̱kandixa Ndioxi ta täꞌan nditaku na nda ná xinu iin mil kuiya saa ndi̱taku na.

Los Hechos 26:7

nda xinaꞌa iin saa nda kivi vitin ndátun na ñuu yo ya ki̱ndoo Ndioxi xaa súvi ra xiꞌin uxi uvi saa nda kúu seꞌe sikua ra Israel. Ta xaꞌa ya ikán kua káñuꞌu ni na Ndioxi nduvi niuun. Ta suvi xaꞌa ya ikán kua táxi na kuachi xaꞌa i vitin, Tata Rey Agripa.

Los Hechos 23:6

Saa ku̱ndaa ini ra xaꞌa sava nda ya kúu nda saduceo ta sava nda kúu fariseo. Ñaa nda̱niꞌi ra tachi ra ta ndee ni ndi̱kaꞌan ra, káchi ra saa: ―Nda taꞌan yo, yeꞌe ta yeꞌe fariseo ku i, saa tu tata va i ra fariseo ku ra. Xaꞌa ya ñaa kua táxi na kuachi xaꞌa i chi kándixa i ya ndítaku na ndíi ―káchi ra xiꞌin nda.

HEBREOS 11:35

Xaꞌa ya xi̱ndaa ni ini ná síꞌi xi̱ni ná Ndioxi yakan vaꞌa ndi̱taku na veꞌe ná, na xa ndi̱xiꞌi. Ta sava naꞌa ndee ni ndi̱xuꞌvi, vani saa ndo̱ꞌo na, ta xaꞌa ya xi̱ndaa ni ini na xi̱ni na Ndioxi, yakan vaꞌa ndi̱xaꞌa ndee ni ini na ndo̱ꞌo na saa, chi ku̱ni na ikán nditaku na koo na inka ivi nuu vaꞌa ni káa.

2 Tesalonicenses 2:3

Täxi ndo sindaꞌvi nda iin naꞌa ndóꞌo̱. Saa chi tá ná tindaa kivi ya ndiko koo tuku Tata yo Jesucristo kixi ra ñuu ivi yóꞌó, ta xiꞌna ka na sáa ini xíni Ndioxi ku na ndikuita kani taꞌan na xiꞌin ra. Sindiꞌi ikán saa keta taa, ra nduvaꞌa ni ini, ra nǎꞌa, ra chi̱tuni Ndioxi ndiꞌi xaꞌa.

1 Tesalonicenses 3:5

Xaꞌa ya ñaa kua köo ndi̱kundee ka ini i kundatun i, chi kúni ni i kundaa ini i ndá kuꞌva kándixa ndo Tata yo Jesucristo, yakan vaꞌa ka ti̱ꞌvi i ra Timoteo ñani yo xaa ra nuu ndo koto ra ndóꞌo̱. Süvi ka vi ya sindaꞌvi kiti nǎꞌa ndóꞌo̱ ya ikan ndo ya väꞌa, chi tá tu ná ikan ndo saa ta ni köo ndáa yaꞌvi ya i̱kan nde xiꞌin ndo, ya uun kuiti va kua xa̱a chiñu nde xiꞌin ndo.

2 Corintios 11:3

Chi yeꞌe, ta ndíꞌi ni va ini i xiꞌin ndo, ìyo ni ndoꞌo ndo tá kuꞌva ndo̱ꞌo yá Eva, xiꞌin ya vata si̱ndaꞌvi kiti ko̱ó yá. Xaꞌa ya ñaa kua ndíꞌi ni ini i xíni i ndóꞌo̱. Koto ka saka naꞌa, na vata xi̱ní ndo, ta sindoo ndo ya ndee ni vaꞌa ndinuꞌu ini ndo ndíkun ndo ichí vaꞌa xaꞌa Jesucristo.

1 Corintios 9:27

Sundi yeꞌe, ta síndoꞌo ni va i ikin kuñu i, saa xáa nduxa i xiꞌin ya ná kandixa ya yeꞌe. Saa xáꞌa ni i ndee xiꞌin mií i ya xaa súvi ni i ya kúni ra, koto ka ndïkiꞌin i ya vaꞌa taxi Ndioxi ndaꞌa i nuu ndivi, vani ra ndi̱kaꞌan ndoso tuꞌun ra ndi̱xiyo i.

1 Corintios 9:22

Tá íyo i xiꞌin naꞌa, na vita ni ini, na sikan kándixa Tata yo Jesucristo, ta tá íin na ikán saa ndúu i, ya kuchiñu chindee taꞌan i xiꞌin na, ná kachi yo. Yakan tá kuꞌva íin ndá ka mií naꞌa, kuꞌva saa ndúu i nuu na ya kuchiñu chindee taꞌan i xiꞌin sava na kaku na.

ROMANOS 11:14

Yakan ndee ni ndíkundee i káꞌan ndoso i tuꞌun ra xiꞌin ndo, chi kúni i ná ndukuiñu xiní na ñuu i kuni na ndóꞌo̱, ta saa ndiko koo na nuu Ndioxi ya sikaku ra sava na.

San Juan 11:24

Saa ndi̱kuiin yá Marta, káꞌan yá: ―Xa xíni i nditaku ra tá ná ndiꞌi xaꞌa ñuu ivi, kivi ná nditaku na xa ndi̱xiꞌi yachi ―káchi yá xiꞌin ra.

San Lucas 14:14

Kuáꞌan kana na ñaa kuxi na xiꞌin un, ta saa koo vaꞌa ini un. Saa chi na ikán ta küchiñu na ndasa nuu na ñaꞌa un, sundi yóꞌo̱, ta niꞌi ka un ya vaꞌa nuu Ndioxi tiempo ná nditaku na ndaa ini, na xa ndi̱xiꞌi ―káchi Jesús xiꞌin ra.

Los Hechos 27:12

Ta köo ndi̱xiin nda ndoo nda Buenos Puertos chi väꞌa ñaꞌñu ikán ndee ni xíka tachi yoo vixin, káchi nda. Xaꞌa ya ikán kua ndi̱kani ini nda kuꞌun nda koo nda ñuu Fenice, nuu xáa barco inka ñaꞌñu Creta. Ta ñuu Fenice kua túvi xíto ndaa ya chi noroeste xiꞌin suroeste, saa íyo nuu vaꞌa kundichi tun barco yoo vixin ñuu ikán, káchi nda.

1 Corintios 15:23

Ta vívií koo ndiꞌi ñaꞌa tá íyo ya chi̱tuni mií Ndioxi saa koo ya. Ra núnuu ndi̱taku ku Tata yo Jesucristo, tá ná ndiko koo ra, saa nditaku naꞌa, na xi̱ndikun ñaꞌa.

2 Timoteo 4:8

Ta xíni i vaꞌa ni ini Ndioxi ta nina ya ndaa íkan ra xiꞌin naꞌa, chi mií ra ku ra xáa nani kuachi xiꞌin na. Ta saa ikan ra xiꞌin i taxi ra ya vaꞌa ndaꞌa i, tá kuꞌva íkan na xiꞌin naꞌa, na kéꞌe taꞌan níꞌi na ñaꞌa xaꞌa ya vaꞌa íkan na. Kuꞌva saa ikan Ndioxi xiꞌin i, taxi ra ya vaꞌa ndaꞌa i chi xa xa̱a súvi ndiꞌi i chiñu ya ta̱xi ra ndaꞌa i. Ta süvi ndisaa yeꞌe niꞌi ya vaꞌa ikan ra, ndiꞌi na ndíkun ichí ra ta ndátun na ndiko koo ra, na ikán ku na niꞌi ya vaꞌa.