Filipenses 2:7 - Xochapa Mixteco

⁷ ndi̱xiyo ndúvi ra si̱ndoo ra ya toꞌo ku̱u mií ra nuu ndivi, ta ndu̱u ra tá káa iin moso, ra xáa chiñu ndaꞌvi, saa ka̱ku ra tá kuꞌva káku mií yo ivi yóꞌó.

Filipenses 2:7 Referans Kwoze

2 Corintios 8:9

Chi xa xíni mií ndo ya kúꞌvi ni ini mií Tata yo Jesucristo xíni ra yoo kua nda̱sa ndaꞌvi ra mií ra, vani kuika ni ndi̱xiyo ra ta saa nda̱sa ndaꞌvi ra mií ra xaꞌa ndóꞌo̱, ya ná ndukuika ndo.

San Mateo 20:28

Tá kuꞌva íkan yeꞌe Taa ra xa̱a ñuu ivi yóꞌó, chi yeꞌe ta köo vaxi i ya kaꞌnda i chiñu nuu naꞌa, sundi yeꞌe ta vaxi i ya koto vií i xiꞌin na saa xaa súvi i chiñu nuu na, ta saa kua kuchiñu na saña ndika na xaꞌa kuachi na ―káchi Jesús.

San Juan 1:14

Ta Tuꞌun Ndioxi ikán, ndu̱u ya iin taa, tá íin mií yo saa ndu̱u ra, ta ndi̱xika ra xiꞌin nde ñuu ivi yóꞌó. Ta xi̱ni nde ya vaꞌa luvi ni kúu mií ra. Ta mií ya luvi ni kúu mií Ndioxi kua kúu mií ra, chi iindaa mií ra ku Seꞌe Ndioxi. Iin chútu ndaa ya vaꞌa, ya ndaa ini ra.

ROMANOS 8:3

Ndioxi i̱kan ra ya vaꞌa xiꞌin yo, ñaꞌa ya köo ndi̱kuchiñu ley ya ta̱a ra Moisés ikan ya xiꞌin yo xaꞌa ya köo ndee kúu mií ikin kuñu yo nuu ya väꞌa. Xaꞌa ya ikán kua ti̱ꞌvi ra Seꞌe ra ki̱xi ra ñuu ivi yóꞌó, ta ndi̱xiyo ikin kuñu ra tá kuꞌva íin mií yo ivi yóꞌó. Ti̱ꞌvi Ndioxi ra ki̱xi ra ndi̱soko ra mií ra xaꞌa kuachi yo, ta saa ku̱chiñu ra si̱ndiꞌi xaꞌa ra ndee ya kúu mií kuachi yo nuu Ndioxi.

Gálatas 4:4

Sundi tá ndi̱xinu kivi ya chi̱tuni mií Ndioxi ti̱ꞌvi ra Seꞌe ra ki̱xi ra ñuu ivi yóꞌó, saa ka̱ku ra tixin iin ñaꞌa, ta xa̱a súvi ndiꞌi ra ya káꞌan ley ya ta̱a ra Moisés.

HEBREOS 4:15

Saa chi sutu ra ínuu nuu yo ku ra ta kúndaꞌvi ni ini ra xíni ra yoo, xaꞌa ya xíni ra köo ndee ini yo, köo ndaku ini yo nuu ya väꞌa, chi tá káa níí ya ndóꞌo yoo, saa ndi̱xiyo tu ya ndo̱ꞌo mií va ra, xi̱to ndoso ni ya väꞌa ra, sundi nda iin kuachi köo ndi̱kiꞌvi ra.

ROMANOS 15:3

Saa chi ni mií Jesucristo, ta köo ndi̱xika ini ra ndisaa xaꞌa mií ra. Tá káꞌan tuꞌun Ndioxi xaꞌa ra, káchi ya saa: “Naꞌa na kánaꞌa xaꞌa un, ta nda xaꞌa yeꞌe kánaꞌa na”, káchi tuꞌun Ndioxi xaꞌa Jesucristo.

HEBREOS 12:2

Ta iindaa mituꞌun xaꞌa Tata yo Jesucristo kua ná kundiꞌi ni ini yo, saa chi mií ra ku ra sínaꞌa yoo ndá kuꞌva kua kundaa ni ini yo kuni yo Ndioxi, saa tu iindaa mituꞌun mií ra ku ra chíndee yoo, ndása vaꞌa ra kuꞌva ndáa ni ini yo xíni yo Ndioxi. Ta saa ndi̱xaꞌa ndee ndiꞌi ini ra ndoꞌo ni ra nuu cruzin, ta köo ndi̱kiꞌin ra kuenta xaꞌa ya kúkaꞌan nuu ra, chi kúndaa ini ra tá si̱ndiꞌi ndo̱ꞌo ra saa ta kusini ni ra. Ta vitin ndi̱kunduꞌu ra ñaꞌñu kuáꞌá Ndioxi xáꞌnda chiñu ra xiꞌin Ndioxi.

San Lucas 22:27

Saa ndi̱ndakan tuꞌun ra nda ítaꞌan xiꞌin ra, káchi ra saa: ―¿Unkua káchi ndóꞌo̱? ¿Unku ra chee ka, án ra índuꞌu xíxi nuu mesa, án ra chíkaa ñaꞌa xíxi ra índuꞌu nuu mesa ku ra chee ka? Xíni yo, ra índuꞌu xíxi nuu mesa ku ra chee. Ta yeꞌe vani ra chee ku i nuu ndo, sundi tá íkan iin moso saa íkan i xiꞌin ndo.

ROMANOS 15:8

Na taꞌan yo, ndítuꞌun i xiꞌin ndo xaꞌa Jesucristo, ya ki̱xi ra ñuu ivi yóꞌó xa̱a chiñu ra nuu na judío, saa xi̱ni na ya si̱xinu Ndioxi ya ki̱ndoo ra xiꞌin xii sikua na xinaꞌa, saa chi Ndioxi ta ya ndaa kua xáa súvi ra ya káꞌan ra.

Filipenses 2:6

chi mií ra, vani Ndioxi ku ra, tá kuꞌva íyo Iva ra Ndioxi saa káa ra, ta köo iin tuun ndíndasa ra mií ra ya kúu ra Ndioxi,

San Mateo 12:18

Ra yóꞌó ku taa ra ndi̱kaxin i xaa chiñu nuu i. Kúꞌvi ni ini i xíni i ra, ta kúsini ni i xiꞌin ra. Taxi i Tachi i koo ya xiꞌin ra. Saa kaꞌan ndoso ra ya ndaa xiꞌin ndiꞌi na köo kúu Judío.

HEBREOS 13:3

Ta ndikaꞌán ini ndo xaꞌa na ñúꞌu veꞌe kàà, nda tá íin mií vi ndo, saa íin ndo ñúꞌu veꞌe kàà xiꞌin na, kukaꞌán ndo. Ta saa kuñuꞌu ini ndo xaꞌa na ndóꞌo ni ini íkan inka naꞌa, nda tá xiꞌin mií vi ndo kua íkan na saa, kukaꞌán ndo.

ROMANOS 1:3

Ta xaꞌa Tata yo Jesucristo ra kúu Seꞌe Ndioxi, ra chee nuu yo kua ndíkani tuꞌun vaꞌa ikán. Ta kúu Jesucristo Seꞌe sikua ra rey David, xaꞌa ya ka̱ku ra tá kuꞌva káku ndiꞌi yo ñuu ivi yóꞌó.

San Marcos 9:12

Saa ndi̱kuiin ra káꞌan ra xiꞌin nda: ―Ya ndaa kua xiꞌna ra Elías ku ra ndiko koo kixi, ta ra ikán ku ra ndasa vií ndiꞌi ñaꞌa. ¿Ta ndachu kua káꞌan tu tuꞌun Ndioxi xaꞌa Taa ra xa̱a ñuu ivi yóꞌó, ya ndoꞌo ni ra ta kundasi nuu ñaꞌa na, káchi ya?

2 Corintios 13:4

Ya ndixa kua vita ni ndi̱xiyo ini ra tá xi̱nuu ra nuu cruzin ndi̱xiꞌi ra, sundi vitin ta táku ra xiꞌin ndee Ndioxi. Ta saa ndeꞌe, tá kuꞌva vita ndi̱xiyo ini Jesucristo, saa vita íyo ini nde. Ta kutaku nde xiꞌin ra xaꞌa ndee Ndioxi, tá kuꞌva táku mií Jesucristo ya kuchiñu nde chindee nde ndóꞌo̱.