Filipenses 2:6 - Xochapa Mixteco

⁶ chi mií ra, vani Ndioxi ku ra, tá kuꞌva íyo Iva ra Ndioxi saa káa ra, ta köo iin tuun ndíndasa ra mií ra ya kúu ra Ndioxi,

Filipenses 2:6 Referans Kwoze

San Juan 5:18

Xaꞌa ya ikán kua kúni ni nda naꞌnu nuu na judío kaꞌni ñaꞌa nda, chi xáa soꞌo ra yáꞌa ra ley na xaꞌa ya síndaꞌa ra naꞌa kivi ndíkundee na, ta saa káꞌan ra Iva ra kúu Ndioxi, ta iin ndása ra mií ra xiꞌin Ndioxi.

2 Corintios 4:4

Saa ndóꞌo na chi kiti nǎꞌa kúu ndioxi ñuu ivi yóꞌó ku ri ndi̱kasi ya xínituni na ya ná kändixa na tuꞌun vaꞌa xaꞌa Jesucristo ya káꞌan nde xiꞌin na, ta na ikán, tá íin na kuáa̱ saa íin na. Chi köo táxi ri kuni na ya yéꞌe̱ luvi ni kúu mií tuꞌun vaꞌa xaꞌa Jesucristo. Chi mií Jesucristo, tá káa níí mií Ndioxi saa káa ra.

HEBREOS 1:3

Ta ya luvi ni yéꞌe̱ kúu mií Seꞌe Ndioxi kua yéꞌe̱ mií Ndioxi. Tá káa níi mií Ndioxi saa káa níi mií Jesucristo, saa ta̱xi Ndioxi ichí ndaꞌa ra ya ndíso chiñu ra xiꞌin ndiꞌi ñaꞌa ya íyo ñuu ivi yóꞌó. Ta xiꞌin tuꞌun ra ya ndee ni ndee kua xáa chiñu ndiꞌi ya nda vitin. Saa ndi̱kata ra kuachi yo xiꞌin ndee mií ra, ta sindiꞌi nda̱a ra nuu ndivi ndi̱kunduꞌu ra ñaꞌñu kuáꞌá Ndioxi nuu tai toꞌo, xáꞌnda chiñu ra xiꞌin ra.

San Juan 17:5

Tata Iva i Ndioxi, vitin xaa kaꞌnu un yeꞌe, taxi un koo i xiín un nuu luvi ni ndi̱xiyo i xiꞌin un yachi tá täꞌan xikoo ñuu ivi yóꞌó.

El Apocalipsis 21:6

Saa ndi̱kaꞌan tuku ra xiꞌin i, káchi ra saa: ―Vitin xa ndi̱xinu ndiꞌi chiñu ya chi̱tuni i kunduvi ñuu ivi yóꞌó. Ta yeꞌe náni i “Alfa xiꞌin Omega” Chi yeꞌe ku taa ra núnu̱ú ta yeꞌe ku ra si̱ndiꞌi. Ta ndiꞌi naꞌa na íchi tikuii, siniꞌi i rá koꞌo na. Ta tikuii rá taxi i koꞌo na, ta ndee ni ndee kúu mií rá chi taxi rá kutaku na ndiꞌi saa kivi vaxi.

San Juan 10:30

Yeꞌe xiꞌin Iva i Ndioxi ta iin ku nde ―káchi Jesús xiꞌin na.

HEBREOS 13:8

Chi Jesucristo, ta köo ndísama ra, tá ndi̱xiyo ra xinaꞌa saa íyo ra vitin, ta saa koo ra ndiꞌi saa kivi ya vaxi.

San Juan 10:33

Saa ndi̱kuiin nda káꞌan nda: ―Süvi xaꞌa nda iin ya vaꞌa íkan un kua kúni kaꞌni nde yóꞌo̱. Xaꞌa ya ndi̱kaꞌan un kúu un Ndioxi kua kaꞌni nde yóꞌo̱. Chi ra ivi yóꞌó ku un, ta káꞌan un kúu un Ndioxi ―káchi nda xiꞌin ra.

ROMANOS 9:5

Ra Abraham xiꞌin ra Isaac tin ra Jacob, nda yóꞌó ku xii sikua ndiꞌi nde ñuu Israel, ta xii sikua tu Jesucristo va ku nda. Xaꞌa ya ki̱xi Jesucristo ñuu ivi yóꞌó ta ndi̱xiyo ikin kuñu ra tá kuꞌva íyo mií yo, yakan kúu ra Ndioxi ra Chee ni nuu ndiꞌi ñaꞌa. Vaꞌa ná kunuu vaꞌa ni ya toꞌo ra ndiꞌi saa kivi ya vaxi. Saa ná koo.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

San Juan 20:28

Saa ndi̱kuiin ra Tomás, káchi ra saa: ―¡Tata, yóꞌo̱ ku Tata i tin Ndioxi mií i! ―káchi ra xiꞌin Jesús.

San Juan 10:38

Tá tu xáa súvi i chiñu Iva i, ta vaꞌa kandixa ndo ya ikán, vani ná kändixa ndo yeꞌe. Tá tu kándixa ndo ya íkan i, ta saa kundaa ini ndo ya íyo Iva i xiꞌin i, ta yeꞌe íyo i xiꞌin ra ―káchi Jesús xiꞌin nda.

HEBREOS 1:6

Tá kivi ti̱ꞌvi Ndioxi Seꞌe ra, ra núnu̱ú ki̱xi ra ñuu ivi yóꞌó ta ndi̱kaꞌan ra xaꞌa ra, káchi ra saa: Ndiꞌi tatun xáa chiñu nuu i ta ná xaa kaꞌnu na Seꞌe i, káchi ra.

Tito 2:13

Saa ná koo yo nani ndátun yo tindaa kivi ya ndee ni chee nuu ndiko koo Tata yo Jesucristo kixi ra ñuu ivi yóꞌó sikaku ra yoo. Chi mií ra ku Ndioxi ra chee ni, ta kusini ni yo xiꞌin ra tá ná ndiko koo ra xiꞌin ndee ya luvi ni yéꞌe̱ kúu mií ra.

San Mateo 1:23

“Kee seꞌe iin yá kuâán loꞌo, taa loꞌo koo seꞌe yá kaku. Ta ra loꞌo seꞌe yá ta kunani ra Emanuel”. Chi kivi ra yóꞌó ta kúni kachi ya: “Ndioxi íyo xiꞌin yo” ―káchi ra ndi̱kaꞌan ndoso tuꞌun Ndioxi xinaꞌa.

San Juan 14:9

Saa ndi̱kuiin Jesús káꞌan ra: ―Felipe, xa naꞌá ni íyo i xiꞌin ndo ta, ¿án täꞌan kundaa ini un unku i? Na xíto xiꞌin nuu yeꞌe, ta xíto xiꞌin nuu tu na Iva va i. ¿Ta ndachu káꞌan un xiꞌin i sinaꞌa i ra nuu ndo?

HEBREOS 1:8

Sundi xaꞌa Seꞌe ra, káchi ra saa: Yóꞌo̱ ku Ndioxi ta ndiꞌi saa ichí kaꞌnda chiñu un nuu na ñuu ivi yóꞌó, nda iin ichí ndïꞌi xaꞌa chiñu ya kúu mií un, ta ndǎku ni kaꞌnda chiñu un.

San Juan 5:23

chi kúni Ndioxi ya ná xaa toꞌo ndiꞌi na Seꞌe ra, tá kuꞌva xáa toꞌo na mií ra, saa ná xaa toꞌo na Seꞌe ra. Saa chi ndiꞌi na köo xíin xaa toꞌo Seꞌe ra, ta kúni kachi ya köo xáa toꞌo na Iva ra, ra ti̱ꞌvi ra vaxi.

San Juan 14:28

Xa xi̱ni soꞌo ndo ya ndi̱kaꞌan i xiꞌin ndo: Kuꞌun i, ta sindiꞌi saa ndiko koo tuku i koo i xiꞌin ndo. Tá tu kúꞌvi ni ini ndo xíni ndo yeꞌe, ta kusini ni ndo chi ndi̱kaꞌan i xiꞌin ndo kuꞌun i nuu Iva i, chi Iva i ta chee ni ka ra ikán nuu yeꞌe.

San Juan 1:18

Nda iin mituꞌun naꞌa täꞌan kuni xiꞌin nuu Ndioxi. Iindaa Jesucristo Seꞌe Ndioxi, ra iin mituꞌun nuu ra, ra íyo xiꞌin ra, ra ikán ku ra xíni vaꞌa Ndioxi, ta ra ikán ku ra sínaꞌa yoo ndá kuꞌva káa Ndioxi.

1 Timoteo 1:17

Xaꞌa ya ikán kua, ¡ná xaa kaꞌnu ni yo Ndioxi, ná xaa toꞌo ni yo ra! ¡Chi nda xi̱naꞌa táku ra ta saa kutaku ra ndiꞌi saa kivi ya vaxi, nda iin yo köo kúchiñu kuni xiꞌin nuu yo ra, ta mií ra ku ra xáꞌnda chiñu nuu ndiꞌi ni kúu yo! ¡Iindaa mií ra ku Ndioxi ra ndaa ni, ra ndíchi ni! ¡Saa ná koo ya!

2 Corintios 8:9

Chi xa xíni mií ndo ya kúꞌvi ni ini mií Tata yo Jesucristo xíni ra yoo kua nda̱sa ndaꞌvi ra mií ra, vani kuika ni ndi̱xiyo ra ta saa nda̱sa ndaꞌvi ra mií ra xaꞌa ndóꞌo̱, ya ná ndukuika ndo.