Biblia Todo Logo
Bib sou entènèt

- Piblisite -




Filipenses 2:16 - Xochapa Mixteco

16 Chi tuun ni ndíkun ndo tuꞌun ra ya táxi táku ndo xiꞌin Ndioxi. Tá íkan ndo ya yóꞌó, ni yeꞌe, ta vaꞌa ni kúni i xiꞌin ndo. Chi kivi tá ná ndiko koo Cristo ñuu ivi yóꞌó ta kuni ra ya ndixa kua xa̱a chiñu i xiꞌin ndo, ta köo ndi̱xaa chiñu uun i xiꞌin ndo.

Gade chapit la Kopi




Filipenses 2:16
24 Referans Kwoze  

Yakan yeꞌe, ta tá káa ra xínu ni án tá káa ra ndee ni káni taꞌan nuu kéꞌe taꞌan na kúun na ikin nuu taꞌan na, saa káa i, ndee ni va ndíꞌi ini i xáa súvi i chiñu Ndioxi ta köo xínu kíꞌvi i, ni köo káni taꞌan i tá kuꞌva íkan naꞌa, na kúun ikin nuu tachi kuiti.


Ndi̱xaꞌan i ñuu Jerusalén, saa chi saa íyo ya si̱naꞌa Ndioxi nuu i ya xíniñuꞌu i kuꞌun i. Saa ndi̱kitaꞌan i xiꞌin ndisaa mií nda ñani yo, nda ínuu tuꞌun ndíso chiñu xiꞌin veꞌe ñuꞌu ñuu Jerusalén. Ta ndi̱tuꞌun i xiꞌin nda xaꞌa tuꞌun vaꞌa ya ndíkani i xaꞌa Tata yo Jesucristo nuu naꞌa, na köo kúu judío. Ndi̱tuꞌun teꞌe i xiꞌin nda ya ná kundaa ini nda ya köo ndi̱nama i tuꞌun ya ndítuꞌun i xiꞌin naꞌa xaꞌa Jesucristo, chi köo kúni i xaa chiñu uun i, tá tu köo íyo yuꞌu nda xiꞌin i xaꞌa chiñu íkan i.


Na taꞌan yo, vitin káꞌan nde xiꞌin ndo xaꞌa iin taa ra xa íyo xinaꞌa tá täꞌan xáa xaꞌa ñuu ivi. Chi ndeꞌe ta xi̱ni xiꞌin nuu nde ra, saa xi̱ni soꞌo nde tuꞌun ya ndi̱kaꞌan ra, ta ti̱in ndaa nde ra xiꞌin ndaꞌa nde. Yakan ndítuꞌun nde xiꞌin ndo xaꞌa ra, chi ra ikán ku tuꞌun Ndioxi ra táxi kutaku yo.


ta ya ndixa kua xa ku̱ndaa loꞌo ini ndo xiꞌin ya xa ndi̱kaꞌan nde xiꞌin ndo. Saa tá ná ndiko koo Tata yo Jesucristo ta kusini ni ndo xiꞌin nde, saa tu ndeꞌe va kusini ni nde xiꞌin ndo.


Saa ndi̱kuiin ra Simón Pedro, káchi ra saa: ―Tata, ¿unku ka na kuꞌun nde nuu? Ta iindaa yóꞌo̱ ku un ndítuꞌun tuꞌun ya táxi kutaku nde ndiꞌi saa kivi.


Xaꞌa ya ñaa kua köo ndi̱kundee ka ini i kundatun i, chi kúni ni i kundaa ini i ndá kuꞌva kándixa ndo Tata yo Jesucristo, yakan vaꞌa ka ti̱ꞌvi i ra Timoteo ñani yo xaa ra nuu ndo koto ra ndóꞌo̱. Süvi ka vi ya sindaꞌvi kiti nǎꞌa ndóꞌo̱ ya ikan ndo ya väꞌa, chi tá tu ná ikan ndo saa ta ni köo ndáa yaꞌvi ya i̱kan nde xiꞌin ndo, ya uun kuiti va kua xa̱a chiñu nde xiꞌin ndo.


Saa ndi̱kaꞌan ka ra xiꞌin na, káchi ra saa: ―Iindaa Tachi Ndioxi ku ya kúu mií ndee táxi ya kutaku naꞌa, ta nda iin na ñuu ivi köo kúu mií ndee ya taxi na kutaku naꞌa. Ta ndiꞌi tuꞌun ya ndi̱kaꞌan i xiꞌin ndo, ku tuꞌun Tachi Ndioxi ta kúu mií ya ndee táxi ya táku ndo.


Saa ndi̱kaꞌan ka Jesús xiꞌin na, káchi ra saa: ―Ndiꞌi na köo kúkaꞌan nuu xíni yeꞌe ra kúu Taa ra xa̱a ñuu ivi yóꞌó, ta ni yeꞌe ta kaꞌan i xaꞌa na nuu na tatun Ndioxi.


Saa chi tuꞌun Ndioxi, ta ya táku ku ya ta ndee ni kúnu kuakiꞌvi ya xáꞌnda ya. Ndee ni ka ndee tuꞌun ra nuu iin i̱chi̱ ya xi̱ín ni uvi saa yuꞌu. Chi tuꞌun ra, ta kuakiꞌvi ya xáꞌnda ya nima naꞌa, iin saa nda nuu vaꞌa na, xiꞌin tivavi na, xiꞌin mbeke ya ñúꞌu ini leke na, ta vaꞌa xíto ndoso ya ndiꞌi ya xínituni na xiꞌin ya ndíkani ini na, ya íyo nima na.


Saa chi ndóꞌo̱, ta ndi̱kaku uvi tuku ndo, ta köo ndi̱kaku ndo tixin iva siꞌí ndo na ñuu ivi yóꞌó, chi tixin tuꞌun Ndioxi ya táku ndiꞌi saa kivi kua ka̱ku ndo.


Ta kúni ni nde xaa nde nuu ndo chi ndóꞌo̱ ku ndo xáꞌa ni ndee xiꞌin nde xaꞌa ya ndee ni vaꞌa ndíkun ndo Tata yo Jesucristo, xaꞌa ya ñaa kua kúsini ni nde xiꞌin ndo. Tá ná ndiko koo Tata yo Jesucristo ñuu ivi yóꞌó ta vaꞌa ni kuni nde xiꞌin ndo, chi ndóꞌo̱ ta tá íin ñaꞌa ya luvi ni níꞌi iin naꞌa nuu kuaꞌan na kéꞌe taꞌan na, saa íin ndo nuu nde. Ta niꞌi ni nde ya vaꞌa nuu Ndioxi xaꞌa ndo tá ná sinaꞌa nde ndóꞌo̱ nuu ra.


Ta xaꞌa ya íkan ndo saa kua íꞌvi ni va i xiꞌin ndo chi án sana ya mani uun va kua ndi̱kaꞌan ndoso i tuꞌun Ndioxi xiꞌin ndo.


Tachi I̱í Ndioxi xiꞌin na veꞌe ñuꞌu na íin tá káá ñaꞌa yá tindaꞌa xiꞌin Levo loꞌo ikán kána na ra, káchi na saa xiꞌin ra: “Naꞌa Tata yo Jesús”, káchi na. Ta ndóꞌo̱ xíni soꞌo tuꞌun yóꞌó, kaꞌan tu ndóꞌo̱ saa va xiꞌin naꞌa: “Naꞌa ndo”, kachi ndo. Ta ndóꞌo̱ íchi tikuii ta kúni ndo koꞌo ndo rá, ta vaꞌa kixi ndo koo ndo rá, chi táxi rá kutaku ndo ndiꞌi saa kivi. Ta síniꞌi uun Ndioxi rá koꞌo ndo.


―Na taꞌan yo, káꞌan i xiꞌin ndiꞌi ndóꞌo̱ kúu seꞌe sikua ra Abraham ndóꞌo̱ káñuꞌu ni Ndioxi. Ndaꞌa ndóꞌo̱ kua ti̱ꞌvi Ndioxi tuꞌun ra vaxi ya kundaa ini yo ndá kuꞌva kaku ndo.


Yakan ndóꞌo̱ ta ya káꞌan i xiꞌin ndo nuu naá, ta ndituꞌun ndo ya xiꞌin naꞌa nduvi teꞌe. Saa ya káꞌan yaa i xiꞌin ndo xaꞌa soꞌo ndo, ta vaꞌa ndaa ndo xiní veꞌe kaꞌan ndo ya xiꞌin ndiꞌi naꞌa, ya ná kundaa ini ndiꞌi ni kúu na.


Chi suvi mií Ndioxi ku ra xáꞌa ni ndee xiꞌin ndo, nda kivi tá ná ndiko koo Tata yo Jesucristo, ta nditaꞌan ra ndóꞌo̱ ya köo nda iin kuachi kúu mií ndo.


Ta yeꞌe, ta xa kúndaa teꞌe ini i xaꞌa ndo, chi Ndioxi ku ra xa̱á xáa chiñu xiꞌin nima ndo, ta saa xaa chiñu ka ra xiꞌin ndo ndakua ná xinu ndo nduu ndo tá kuꞌva kúni mií ra, nda kivi tá ná ndiko koo Tata yo Jesucristo ñuu ivi yóꞌó.


Ta saa kuchiñu ndo ndikaxin ndo ikan ndo nina ya vaꞌa, ya ndee ni ndáa yaꞌvi nuu Ndioxi, ta kivi ná ndiko koo Jesucristo ta nditaꞌan ra ndóꞌo̱ ya íyo vií ni ndo nuu ra, ta köo kuachi kúu mií ndo.


Swiv nou:

Piblisite


Piblisite